ਮੁਰਾਹ ਨਸਲ ਦੀ ਮੱਝ ਨੇ 33.8 ਲੀਟਰ ਦੁੱਧ ਦੇ ਕੇ ਰਾਸ਼ਟਰੀ ਰਿਕਾਰਡ ਬਣਾਇਆ ਹੈ। ਉਹ ਹੁਣ ਪੂਰੇ ਭਾਰਤ ਵਿਚ ਸਭ ਤੋਂ ਵੱਧ ਦੁੱਧ ਪੈਦਾ ਕਰਨ ਵਾਲੀ ਮੱਝ ਬਣ ਗਈ ਹੈ।

ਕੈਥਲ: ਹਰਿਆਣਾ ਦੇ ਕੈਥਲ ਦੇ ਪਿੰਡ ਬੁੱਢਾ ਖੇੜਾ ਨੂੰ ਸੁਲਤਾਨ ਝੋਟੇ ਨੇ ਪੂਰੇ ਭਾਰਤ ਵਿਚ ਮਸ਼ਹੂਰ ਕੀਤਾ ਸੀ। ਹੁਣ ਸੁਲਤਾਨ ਨਹੀਂ ਰਿਹਾ ਪਰ ਉਸ ਦੇ ਮਾਲਕ ਨੂੰ ਹੁਣ ਆਪਣੀ ਮੱਝ ‘ਰੇਸ਼ਮਾ’ ਤੋਂ ਨਵੀਂ ਪਛਾਣ ਮਿਲੀ ਹੈ। ਦਰਅਸਲ ਮੁਰਾਹ ਨਸਲ ਦੀ ਮੱਝ ਨੇ 33.8 ਲੀਟਰ ਦੁੱਧ ਦੇ ਕੇ ਰਾਸ਼ਟਰੀ ਰਿਕਾਰਡ ਬਣਾਇਆ ਹੈ। ਉਹ ਹੁਣ ਪੂਰੇ ਭਾਰਤ ਵਿਚ ਸਭ ਤੋਂ ਵੱਧ ਦੁੱਧ ਪੈਦਾ ਕਰਨ ਵਾਲੀ ਮੱਝ ਬਣ ਗਈ ਹੈ।

Milk

ਰੇਸ਼ਮਾ ਨੇ ਜਦੋਂ ਪਹਿਲੀ ਵਾਰ ਬੱਚੇ ਨੂੰ ਜਨਮ ਦਿੱਤਾ ਤਾਂ ਉਸ ਨੇ 19-20 ਲੀਟਰ ਦੁੱਧ ਦਿੱਤਾ। ਦੂਜੀ ਵਾਰ ਉਸ ਨੇ 30 ਲੀਟਰ ਦੁੱਧ ਦਿੱਤਾ। ਜਦੋਂ ਰੇਸ਼ਮਾ ਤੀਜੀ ਵਾਰ ਮਾਂ ਬਣੀ ਤਾਂ ਉਸ ਨੇ 33.8 ਲੀਟਰ ਦੁੱਧ ਦੇ ਕੇ ਨਵਾਂ ਰਿਕਾਰਡ ਕਾਇਮ ਕੀਤਾ। ਨਰੇਸ਼ ਨੇ ਦੱਸਿਆ ਕਿ ਉਹਨਾਂ ਨੇ ਇਸ ਨੂੰ 1.40 ਲੱਖ 'ਚ ਖਰੀਦਿਆ ਸੀ।

Buffalo

ਉਹ ਇਸ ਦੀ ਡਾਈਟ ਦਾ ਪੂਰਾ ਖ਼ਿਆਲ ਰੱਖਦੇ ਹਨ। ਕਈ ਡਾਕਟਰਾਂ ਦੀ ਟੀਮ ਨੇ ਰੇਸ਼ਮਾ ਦਾ 7 ਵਾਰ ਦੁੱਧ ਕੱਢ ਕੇ ਦੇਖਿਆ, ਜਿਸ ਤੋਂ ਬਾਅਦ ਉਹ ਭਾਰਤ ਵਿਚ ਸਭ ਤੋਂ ਵੱਧ ਦੁੱਧ ਦੇਣ ਵਾਲੀ ਮੱਝ ਬਣ ਗਈ। ਬੀਤੇ ਦਿਨੀਂ ਨੈਸ਼ਨਲ ਡੇਅਰੀ ਵਿਕਾਸ ਬੋਰਡ (ਐਨਡੀਡੀਬੀ) ਤੋਂ ਰਿਕਾਰਡ 33.8 ਲੀਟਰ ਦੇ ਪ੍ਰਮਾਣ ਪੱਤਰ ਨਾਲ ਰੇਸ਼ਮਾ ਨੂੰ ਉੱਨਤ ਕਿਸਮਾਂ ਦੀ ਪਹਿਲੇ ਨੰਬਰ ਦੀ ਸ਼੍ਰੇਣੀ ਵਿਚ ਲਿਆਂਦਾ ਗਿਆ ਹੈ।

Haryana’s ‘Reshma’ record, the country’s No. 1 buffalo

ਰੇਸ਼ਮਾ ਦੇ ਦੁੱਧ ਦੀ ਫੈਟ ਦੀ ਗੁਣਵੱਤਾ 10 ਵਿਚੋਂ 9.31 ਹੈ। ਰੇਸ਼ਮਾ ਦਾ ਦੁੱਧ ਕੱਢਣ ਲਈ ਦੋ ਲੋਕ ਲੱਗਦੇ ਹਨ। ਰੇਸ਼ਮਾ ਨੇ ਡੇਅਰੀ ਫਾਰਮਿੰਗ ਐਸੋਸੀਏਸ਼ਨ ਵਲੋਂ ਕਰਵਾਏ ਪਸ਼ੂ ਮੇਲੇ ਵਿਚ ਵੀ 31.213 ਲੀਟਰ ਦੁੱਧ ਦੇ ਕੇ ਪਹਿਲਾ ਇਨਾਮ ਜਿੱਤਿਆ ਸੀ। ਇਸ ਤੋਂ ਇਲਾਵਾ ਰੇਸ਼ਮਾ ਕਈ ਹੋਰ ਐਵਾਰਡ ਵੀ ਜਿੱਤ ਚੁੱਕੀ ਹੈ।