ਹਾਲਾਂਕਿ 18 ਸਾਲ ਤੋਂ ਘੱਟ ਉਮਰ ਦੇ ਕਿਸੇ ਵੀ ਵਿਅਕਤੀ ਨੂੰ ਭੰਗ ਰੱਖਣ ਅਤੇ ਵਰਤਣ ਦੀ ਮਨਾਹੀ ਰਹੇਗੀ।
cannabis: ਬਰਲਿਨ : ਜਰਮਨ ਸੰਸਦ ਨੇ ਸ਼ੁੱਕਰਵਾਰ ਨੂੰ ਅਪ੍ਰੈਲ ਤੋਂ ਸ਼ੁਰੂ ਹੋਣ ਵਾਲੀ ਭੰਗ ਦੇ ਕਬਜ਼ੇ ਅਤੇ ਨਿਯੰਤਰਿਤ ਖੇਤੀ ਨੂੰ ਕਾਨੂੰਨੀ ਬਣਾਉਣ ਦੇ ਹੱਕ ਵਿਚ ਵੋਟ ਦਿਤੀ। ਕਈ ਉਤਰਾਅ-ਚੜ੍ਹਾਅ ਤੋਂ ਬਾਅਦ ਸੰਸਦ ਵਿਚ ਹੋਈ ਚਰਚਾ ਨੇ ਇਸ ਦੇ ਹੱਕ ਵਿਚ ਫ਼ੈਸਲਾ ਲਿਆ। ਵੋਟ ਤੋਂ ਪਹਿਲਾਂ, ਸਿਹਤ ਮੰਤਰੀ ਕਾਰਲ ਲੌਟਰਬੈਕ ਨੇ ਸੰਸਦ ਦੇ ਮੈਂਬਰਾਂ ਨੂੰ ਵਿਵਾਦਪੂਰਨ ਕਾਨੂੰਨ ਦਾ ਸਮਰਥਨ ਕਰਨ ਲਈ ਬੁਲਾਇਆ, ਇਹ ਦਲੀਲ ਦਿਤੀ ਕਿ ਜਿਸ ਸਥਿਤੀ ਵਿਚ ਅਸੀਂ ਇਸ ਸਮੇਂ ਹਾਂ ਉਹ ਕਿਸੇ ਵੀ ਤਰ੍ਹਾਂ ਸਵੀਕਾਰਯੋਗ ਨਹੀਂ ਹੈ।’
ਨਵੇਂ ਕਾਨੂੰਨ ਤਹਿਤ ਕਈ ਪਹਿਲੂ ਜੋੜੇ ਗਏ ਹਨ। ਇਸ ਤਹਿਤ ਨਿਯੰਤ੍ਰਿਤ ਭੰਗ ਕਾਸ਼ਤ ਐਸੋਸੀਏਸ਼ਨਾਂ ਦੁਆਰਾ ਨਿੱਜੀ ਵਰਤੋਂ ਲਈ ਪ੍ਰਤੀ ਦਿਨ 25 ਗ੍ਰਾਮ ਤਕ ਡਰੱਗ ਪ੍ਰਾਪਤ ਕਰਨਾ ਸੰਭਵ ਹੋਵੇਗਾ। ਇਸ ਦੇ ਨਾਲ ਹੀ ਘਰ ਵਿਚ ਵੱਧ ਤੋਂ ਵੱਧ ਤਿੰਨ ਪੌਦੇ ਲਗਾਉਣੇ ਵੀ ਸੰਭਵ ਹੋਣਗੇ। ਹਾਲਾਂਕਿ 18 ਸਾਲ ਤੋਂ ਘੱਟ ਉਮਰ ਦੇ ਕਿਸੇ ਵੀ ਵਿਅਕਤੀ ਨੂੰ ਭੰਗ ਰੱਖਣ ਅਤੇ ਵਰਤਣ ਦੀ ਮਨਾਹੀ ਰਹੇਗੀ।
ਚਾਂਸਲਰ ਓਲਾਫ਼ ਸਕੋਲਜ਼ ਦੇ ਸੋਸ਼ਲ ਡੈਮੋਕਰੇਟਸ ਦੇ ਮੈਂਬਰ ਲੌਟਰਬੈਕ ਨੇ ਕਿਹਾ, ‘ਜਰਮਨੀ ਵਿਚ ਕਾਲੇ ਬਾਜ਼ਾਰ ਤੋਂ ਪ੍ਰਾਪਤ ਕੀਤੀ ਕੈਨਾਬਿਸ ਦੀ ਵਰਤੋਂ ਕਰਨ ਵਾਲੇ ਨੌਜਵਾਨਾਂ ਦੀ ਗਿਣਤੀ ਵਿਚ ਤੇਜ਼ੀ ਨਾਲ ਵਾਧਾ ਹੋਇਆ ਹੈ।’ ਇਸ ਦੇ ਨਾਲ ਹੀ ਵਿਰੋਧੀ ਧਿਰ ਸੀਡੀਯੂ ਦੇ ਸਾਈਮਨ ਬੋਰਕਾਰਡਟ ਨੇ ਇਸ ਕਾਨੂੰਨ ਦਾ ਵਿਰੋਧ ਕਰਦੇ ਹੋਏ ਕਿਹਾ ਕਿ ਨਵਾਂ ਕਾਨੂੰਨ ਨੌਜਵਾਨਾਂ ਲਈ ਸਿਹਤ ਦੇ ਖ਼ਤਰੇ ਨੂੰ ਹੀ ਵਧਾਏਗਾ।
ਉਸ ਨੇ ਲੌਟਰਬਾਕ ਦੇ ਭਰੋਸੇ ਨੂੰ ਮਹਿਜ਼ ਦਿਖਾਵਾ ਦਸਿਆ। ਬੋਰਚਾਰਟ ਨੇ ਸ਼ੋਲਜ਼ ਦੀ ਗਠਜੋੜ ਸਰਕਾਰ ਵਿਚ ਤਿੰਨ ਪਾਰਟੀਆਂ ’ਤੇ ਦੇਸ਼ ਲਈ ਨਹੀਂ ਬਲਕਿ ਅਪਣੀ ਵਿਚਾਰਧਾਰਾ ਲਈ ਨੀਤੀ ਬਣਾਉਣ ਦਾ ਦੋਸ਼ ਲਗਾਇਆ।
