ਵਾਇਰਲ ਹੋ ਰਿਹਾ ਵੀਡੀਓ ਇੱਕ CNG ਗੈਸ ਭਰਦੇ ਸਮੇਂ ਵਾਪਰੇ ਸਿਲੰਡਰ ਬਲਾਸਟ ਦਾ ਹੈ। ਇਸ ਵੀਡੀਓ ਵਿਚ ਇਲੈਕਟ੍ਰਿਕ ਕਾਰ ਨਹੀਂ ਹੈ।
RSFC (Team Mohali)- ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ਵਿਚ ਇੱਕ ਗੱਡੀ 'ਚ ਬਲਾਸਟ ਹੁੰਦੇ ਵੇਖਿਆ ਜਾ ਸਕਦਾ ਹੈ। ਹੁਣ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਵੀਡੀਓ ਇੱਕ ਇਲੈਕਟ੍ਰਿਕ ਕਾਰ ਦਾ ਹੈ ਜਦੋਂ ਚਾਰਜਿੰਗ ਕਰਦੇ ਸਮੇਂ ਗੱਡੀ 'ਚ ਬ੍ਲਾਸ੍ਟ ਹੋ ਗਿਆ। ਵੀਡੀਓ ਵਾਇਰਲ ਕਰਦਿਆਂ ਇਲੈਕਟ੍ਰਿਕ ਗੱਡੀਆਂ ਨੂੰ ਖਤਰਨਾਕ ਦੱਸਿਆ ਜਾ ਰਿਹਾ ਹੈ।
ਟਵਿੱਟਰ ਅਕਾਊਂਟ "नातिक़ 'हक़ की आवाज़'" ਨੇ ਇਸ ਵੀਡੀਓ ਨੂੰ ਸ਼ੇਅਰ ਕਰਦਿਆਂ ਲਿਖਿਆ, "Scary - Electric car blows off while charging."
Scary - Electric car blows off while charging. pic.twitter.com/oD0zwdJVZW
— नातिक़ 'हक़ की आवाज़' (@natiqhaque) March 30, 2023
"ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਿਹਾ ਵੀਡੀਓ ਇੱਕ CNG ਗੈਸ ਭਰਦੇ ਸਮੇਂ ਵਾਪਰੇ ਸਿਲੰਡਰ ਬਲਾਸਟ ਦਾ ਹੈ। ਇਸ ਵੀਡੀਓ ਵਿਚ ਇਲੈਕਟ੍ਰਿਕ ਕਾਰ ਨਹੀਂ ਹੈ।"
ਸਪੋਕਸਮੈਨ ਦੀ ਪੜਤਾਲ;
ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਇਸ ਵੀਡੀਓ ਨੂੰ ਧਿਆਨ ਨਾਲ ਵੇਖਿਆ ਅਤੇ ਵੀਡੀਓ ਦੇ ਕੀਫ਼੍ਰੇਮਸ ਕੱਢ ਉਨ੍ਹਾਂ ਨੂੰ ਰਿਵਰਸ ਇਮੇਜ ਸਰਚ ਕੀਤਾ।
ਵਾਇਰਲ ਵੀਡੀਓ CNG ਸਿਲੰਡਰ ਬਲਾਸਟ ਦਾ ਹੈ
ਸਾਨੂੰ ਉਜ਼ਬੇਕਿਸਤਾਨ ਦੇ ਸਥਾਨਕ ਮੀਡੀਆ ਅਦਾਰੇ Daryo ਦੀ ਮਾਮਲੇ ਨੂੰ ਲੈ ਕੇ ਮੀਡੀਆ ਰਿਪੋਰਟ ਮਿਲੀ। ਇਸ ਖਬਰ ਵਿਚ ਵਾਇਰਲ ਵੀਡੀਓ ਵਿਚ ਦਿੱਸ ਰਹੀ ਗੱਡੀ ਦੇ ਦ੍ਰਿਸ਼ ਸਾਂਝੇ ਕੀਤੇ ਗਏ ਸਨ। ਖਬਰ ਅਨੁਸਾਰ ਮਾਮਲਾ ਉਜ਼ਬੇਕਿਸਤਾਨ ਦੇ ਸਮਰਕੰਦ ਇਲਾਕੇ ਦਾ ਹੈ ਜਿਥੇ CNG ਫੀਲਿੰਗ ਸਟੇਸ਼ਨ 'ਤੇ ਗੱਡੀ ਵਿਚ CNG ਗੈਸ ਭਰਦੇ ਸਮੇਂ ਧਮਾਕਾ ਹੋ ਗਿਆ ਸੀ।
Daryo
ਇਸ ਖਬਰ ਨੂੰ ਇਥੇ ਕਲਿਕ ਕਰ ਪੜ੍ਹਿਆ ਜਾ ਸਕਦਾ ਹੈ।
ਹੁਣ ਇਸ ਜਾਣਕਾਰੀ ਨੂੰ ਧਿਆਨ 'ਚ ਰੱਖਦਿਆਂ ਅਸੀਂ ਅਧਿਕਾਰਿਕ ਹੋਰ ਖਬਰਾਂ ਲੱਭਣੀਆਂ ਸ਼ੁਰੂ ਕੀਤੀਆਂ। ਸਾਨੂੰ ਆਪਣੀ ਸਰਚ ਦੌਰਾਨ "Department of Emergency Situations of Samarkand region" ਦੇ ਫੇਸਬੁੱਕ ਪੇਜ 'ਤੇ ਮਾਮਲੇ ਨੂੰ ਲੈ ਕੇ ਅਧਿਕਾਰਿਕ ਜਾਣਕਾਰੀ ਸਾਂਝੀ ਕੀਤੀ ਮਿਲੀ।
ਜਾਣਕਾਰੀ ਅਨੁਸਾਰ ਸਮਰਕੰਦ ਇਲਾਕੇ ਦਾ ਹੈ ਜਿਥੇ CNG ਫੀਲਿੰਗ ਸਟੇਸ਼ਨ 'ਤੇ ਗੱਡੀ ਵਿਚ CNG ਗੈਸ ਭਰਦੇ ਸਮੇਂ ਧਮਾਕਾ ਹੋਇਆ।
ਮਤਲਬ ਸਾਫ ਸੀ ਕਿ ਵਾਇਰਲ ਵੀਡੀਓ ਕਿਸੇ ਇਲੈਕਟ੍ਰਿਕ ਕਾਰ ਧਮਾਕੇ ਦਾ ਨਹੀਂ ਬਲਕਿ CNG ਗੈਸ ਭਰਦੇ ਸਮੇਂ ਹੋਏ ਧਮਾਕੇ ਦਾ ਹੈ।
ਨਤੀਜਾ- ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਿਹਾ ਵੀਡੀਓ ਇੱਕ CNG ਗੈਸ ਭਰਦੇ ਸਮੇਂ ਵਾਪਰੇ ਸਿਲੰਡਰ ਬਲਾਸਟ ਦਾ ਹੈ। ਇਸ ਵੀਡੀਓ ਵਿਚ ਇਲੈਕਟ੍ਰਿਕ ਕਾਰ ਨਹੀਂ ਹੈ।
