ਜਿੱਥੇ ਕਿਸਾਨਾਂ ਅਤੇ ਪੰਜਾਬੀ ਮਾਂ ਬੋਲੀ ਦੇ ਹੱਕ ਵਿਚ ਆਪਣੀ ਬੇਬਾਕ ਰਾਏ ਰੱਖਣ ਵਾਲੇ...
ਚੰਡੀਗੜ੍ਹ: ਜਿੱਥੇ ਕਿਸਾਨਾਂ ਅਤੇ ਪੰਜਾਬੀ ਮਾਂ ਬੋਲੀ ਦੇ ਹੱਕ ਵਿਚ ਆਪਣੀ ਬੇਬਾਕ ਰਾਏ ਰੱਖਣ ਵਾਲੇ ਉੱਘੇ ਪੰਜਾਬੀ ਗਾਇਕ, ਗੀਤਕਾਰ ਅਤੇ ਅਦਾਕਾਰ ਬੱਬੂ ਮਾਨ ਨੇ ਕਿਸਾਨਾਂ ਦੇ ਹੱਕ ਵਿਚ ਖੁੱਲ੍ਹ ਕੇ ਆਵਾਜ਼ ਬੁਲੰਦ ਕੀਤੀ ਹੈ। ਬੱਬੂ ਮਾਨ ਦੀ ਇਕ ਝਲਕ ਪਾਉਣ ਲਈ ਫੈਨਜ਼ ਅਤੇ ਲੋਕ ਬਹੁਤ ਉਤਾਵਲੇ ਹੁੰਦੇ ਹਨ।
Gippy Grewal Post
ਉਥੇ ਹੀ ਪੰਜਾਬੀ ਇੰਡਸਟਰੀ ਦੇ ਗਾਇਕ ਵੀ ਉਨ੍ਹਾਂ ਨੂੰ ਖਿੜੇ ਮੱਥੇ ਮਿਲਦੇ ਹਨ, ਅਤੇ ਦਿਲੋਂ ਪਿਆਰ ਕਰਦੇ ਹਨ। ਬੱਬੂ ਮਾਨ ਅਤੇ ਗਿੱਪੀ ਗਰੇਵਾਲ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ਉਤੇ ਖੂਬ ਵਾਇਰਲ ਹੋ ਰਹੀਆਂ ਹਨ। ਜਿਸ ਵਿਚ ਬੱਬੂ ਮਾਨ ਅਤੇ ਮੁਨੀਸ਼ ਸ਼ਰਮਾ, ਗਿੱਪੀ ਗਰੇਵਾਲ, ਅਤੇ ਕਈਂ ਹੋਰ ਵੀ ਤਸਵੀਰਾਂ ਵਿਚ ਦਿਖਾਈ ਦੇ ਰਹੇ ਹਨ।
Babbu Maan
ਉਥੇ ਹੀ ਅੱਜ ਗਿੱਪੀ ਗਰੇਵਾਲ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਉਂਟ ਉਤੇ ਲਿਖਿਆ ਹੈ, “ਦਿਲ ਤੋਂ ਬੋਲਣ ਵਾਲੇ ਇਸ ਦੁਨੀਆ ਵਿਚ ਘੱਟ ਮਿਲਦੇ ਹਨ ਪਰ ਬੱਬੂ ਮਾਨ ਬਾਈ ਉਨ੍ਹਾਂ ਵਿਚੋਂ ਇੱਕ ਹਨ। ਕਾਫ਼ੀ ਸਮੇਂ ਬਾਅਦ ਮਿਲੇ ਪਰ ਰੱਜ ਕੇ ਗੱਲਾਂ ਕੀਤੀਆਂ।
Munish, Maan, Gippy Pic
ਮੁਨੀਸ਼ ਸ਼ਰਮਾ ਨਾਲ ਮੈਂ ਬਹੁਤ ਸਮਾਂ ਅਪਣੇ ਸੰਘਰਸ਼ ਵਾਲਾ ਸਮਾਂ ਬਤੀਤ ਕੀਤਾ। ਉਨ੍ਹਾਂ ਨੂੰ ਪਤਾ ਮੈਂ ਕਿੱਥੇ-ਕਿੱਥੇ ਧੱਕੇ ਖਾਏ ਤੇ ਅੱਜ ਕਿਸੇ ਤਰ੍ਹਾਂ ਇੱਥੇ ਤੱਕ ਪਹੁੰਚੇ ਹਾਂ। ਬਹੁਤ ਪੁਰਾਣਾ ਤੇ ਘੈਂਟ ਯਾਰ ਹੈ ਸਾਡਾ ਮੁਨੀਸ਼ ਸ਼ਰਮਾ”।
