ਪੰਜਾਬੀ ਇੰਡਸਟਰੀ 'ਚ ਆਏ ਦਿਨ ਨਵੇਂ-ਨਵੇਂ ਗੀਤ ਰਿਲੀਜ਼ ਹੋ ਰਹੇ ਹਨ।
ਪੰਜਾਬੀ ਇੰਡਸਟਰੀ 'ਚ ਆਏ ਦਿਨ ਨਵੇਂ-ਨਵੇਂ ਗੀਤ ਰਿਲੀਜ਼ ਹੋ ਰਹੇ ਹਨ। ਜਿਨ੍ਹਾਂ ਦੇ ਕਿਤੇ ਨਾ ਕਿਤੇ ਆਪਸ 'ਚ ਕੰਪੀਟੀਸ਼ਨ ਚਲਦੇ ਰਹਿੰਦੇ ਹਨ। ਲਗਾਤਾਰ ਪੰਜਾਬੀ ਇੰਡਸਟਰੀ ਨੇ ਯੂਟਿਊਬ 'ਤੇ ਆਪਣੀ ਜਗ੍ਹਾ ਕਾਇਮ ਕੀਤੀ ਹੋਈ ਹੈ। ਇੱਕ ਪਾਸੇ ਜਿੱਥੇ ਜੱਸ ਮਾਣਕ , ਗੁਰਨਾਮ ਭੁੱਲਰ, ਅੰਮ੍ਰਿਤ ਮਾਨ ਆਪਣੇ ਨਵੇਂ ਗੀਤਾਂ ਨਾਲ ਆਪਣੇ ਦਰਸ਼ਕਾਂ ਨੂੰ ਖੁਸ਼ ਕਰ ਰਹੇ ਹਨ। ਉੱਥੇ ਹੀ ਤਰਸੇਮ ਜੱਸੜ ਦੇ ਫੈਨਜ਼ ਲਈ ਵੀ ਖੁਸ਼ਖ਼ਬਰੀ ਹੈ। ਤਰਸੇਮ ਜੱਸੜ ਜੋ ਬਹੁਤ ਹੀ ਵਧੀਆ ਗੀਤਕਾਰ ਹਨ ਅਤੇ ਆਪਣੀ ਗੀਤਕਾਰੀ ਵਿਚ ਅਜਿਹੇ ਸੁੱਚਜੇ ਸ਼ਬਦਾਂ ਦੀ ਵਰਤੋਂ ਕਰਦੇ ਹਨ।
Turbanator Tarsem Jassar
ਦੱਸ ਦੇਈਏ ਕਿ ਤਰਸੇਮ ਜੱਸੜ ਨੇ ਹਾਲ ਹੀ ਵਿੱਚ ਆਪਣੇ ਨਵੇਂ ਗੀਤ ਦਾ ਟੀਜ਼ਰ ਰਿਲੀਜ਼ ਕੀਤਾ ਹੈ। ਇਸ ਗੀਤ ਨੂੰ ਵੇਹਲੀ ਜਨਤਾ ਰਿਕਾਰਡਜ਼ ਵਲੋਂ ਪੇਸ਼ ਕੀਤਾ ਜਾ ਰਿਹਾ ਹੈ ਅਤੇ ਡਾਇਰੈਕਟ ਨਵਜੋਤ ਸਿੰਘ ਬੁੱਟਰ ਨੇ ਕੀਤਾ ਹੈ। ਜੱਸੜ ਦੇ ਇਸ ਗੀਤ ਦਾ ਨਾਂਅ ‘ਟਰਬਨੇਟਰ’ ਹੈ।
Turbanator Tarsem Jassar
ਇਸ ਟੀਜ਼ਰ ਵਿਚ ਤਰਸੇਮ ਜੱਸੜ ਦੀ ਲੁਕ ਕਾਫੀ ਸ਼ਾਨਦਾਰ ਦਿਖਾਈ ਗਈ ਹੈ। ਜੱਸੜ ਨੇ ਇਸ ਗੀਤ ਵਿਚ ਸਿੱਖ ਕੌਮ ਨੂੰ ਦਿਖਾਇਆ ਜਾਵੇਗਾ। ਪੰਜਾਬ ਦੇ ਅਮਲੋਹ ਪਿੰਡ ਦਾ ਰਹਿਣ ਵਾਲਾ ਇਹ ਨੌਜਵਾਨ ਬਹੁਤ ਘੱਟ ਸਮੇਂ ਵਿਚ ਹੀ ਲੋਕਾਂ ਦੇ ਦਿਲ ਅਤੇ ਦਿਮਾਗ ਵਿਚ ਛਾ ਚੁੱਕਿਆ ਹੈ। ਜੱਸੜ ਨੇ ਇਸ ਤੋਂ ਪਹਿਲਾ ਵੀ ਕਈ ਹੋਰ ਗੀਤ ਗਾਏ ਹਨ ਜਿਨ੍ਹਾਂ ਵਿੱਚ ਕਰੀਜ਼, ਗੀਤ ਦੇ ਵਰਗੀ,ਆਉਂਦਾ ਸਰਦਾਰ,ਗਲਵੱਕੜੀ, ਕਾਰਵਾਈ, ਅਸੂਲ, ਯਾਰੀ, ਰਹਿਮਤ, ਤੇਰੇ ਬਾਜੋਂ ਅਤੇ ਹੋਰ ਵੀ ਕਈ ਗੀਤ ਸ਼ਾਮਲ ਹਨ।
Turbanator Tarsem Jassar
ਉਨ੍ਹਾਂ ਨੇ ਇਕ ਵੱਖਰਾ ਕਿਰਦਾਰ ਨਿਭਾਇਆ ਸੀ । ਉਨ੍ਹਾਂ ਦਾ ‘ਕਾਰਵਾਈ’ ਗੀਤ ਅਇਆ, ਜੋ ਕਾਫੀ ਸਚਾਈ ਤੇ ਅਧਾਰਿਤ ਸੀ । ਉਨ੍ਹਾਂ ਨੇ ਗਾਇਕੀ ਵਿਚ ਵੀ ਆਪਣੀ ਪਛਾਣ ਬਣਾਈ। ਜੱਸੜ ਨੇ ਫਿਲਮ ‘ਰੱਬ ਦਾ ਰੇਡੀੳ’ ਵਿਚ ਵੀ ਆਪਣੀ ਐਕਟਿੰਗ ਦੇ ਜਲਵੇ ਬਿਖੇਰੇ। ਇਸ ਦੇ ਨਾਲ ਹੀ ਉਸ ਦੀ ਕੁਝ ਸਮੇਂ ਬਾਅਦ ‘ਸਰਦਾਰ ਮਹੁੰਮਦ’ ਫਿਲਮ ਵੀ ਆਈ। ਇਹ ਵੀ ਇਕ ਵੱਖਰੀ ਕਿਸਮ ਦੀ ਫਿਲਮ ਸੀ। ਜਿਸ ਵਿੱਚ ਸਿੱਖ ਅਤੇ ਮੁਸਲਮਾਨਾਂ ਵਿਚਲੇ ਪਿਆਰ ਨੂੰ ਦਿਖਾਇਆ ਗਿਆ। ਭਾਰਤ ਅਤੇ ਪਾਕਿਸਤਾਨ ਦੀ ਵੰਡ ਤੋਂ ਬਾਅਦ ਦੋਹਾ ਮੁਲਕਾਂ ਨੇ ਆਪਣੇ ਪਰਿਵਾਰ ਦੇ ਕਿੰਨੇ ਹੀ ਬੰਦਿਆਂ ਨੂੰ ਗਵਾਇਆ। ਇਹ ਫਿਲਮ ਉਸੇ ਕਹਾਣੀ ‘ਤੇ ਅਧਾਰਿਤ ਸੀ।
Turbanator Tarsem Jassar
ਇਸਦੇ ਇਲਾਵਾ ਦੱਸ ਦੇਈਏ ਕਿ ਹਾਲ ਹੀ ਵਿੱਚ ਆਈ ਫ਼ਿਲਮ ‘ਨਾਨਕ ਸ਼ਾਹ ਫਕੀਰ’ ‘ਤੇ ਕਿੰਨੇ ਹੀ ਸਿਤਾਰਿਆਂ ਨੇ ਆਪਣਾ ਬਿਆਨ ਦਿੱਤਾ। ਉੱਥੇ ਹੀ ਜੱਸੜ ਨੇ ਫਿਲਮ ਨੂੰ ਲੈ ਕੇ ਆਪਣੇ ਸੋਸ਼ਲ ਮੀਡੀਆ ‘ਤੇ ਪੋਸਟ ਸ਼ੇਅਰ ਕੀਤੀ ਸੀ। ਇਸ ਪੋਸਟ ‘ਚ ਤਰਸੇਮ ਜੱਸੜ ਨੇ ਆਪਣਾ ਦੁਖ ਜ਼ਾਹਰ ਕਰਦਿਆਂ ਲਿਖਿਆ ਸੀ ਕਿ , ”ਨਾਨਕ ਸ਼ਾਹ ਜੀ ਦੀਆਂ ਸਿੱਖਿਆਵਾਂ ਅਸੀਂ ਸਿਰਫ 3 ਘੰਟਿਆ ‘ਚ ਨਹੀਂ ਦਿਖਾ ਸਕਦੇ। ਨਾਨਕ ਸ਼ਾਹ ਦੀਆਂ ਸਿੱਖਿਆਵਾਂ ਨੂੰ 3 ਘੰਟਿਆਂ ‘ਚ ਦਿਖਾਉਣਾ ਅਸੰਭਵ ਹੈ।”
Turbanator Tarsem Jassar
ਹੁਣ ਬੱਸ ਜੱਸੜ ਨੂੰ ਚਾਹੁਣ ਵਾਲਿਆਂ ਨੂੰ ਉਹਨਾਂ ਦਾ ‘ਟਰਬਨੇਟਰ’ ਪੂਰਾ ਗਾਣਾ ਆਉਣ ਦਾ ਬੇਸਬਰੀ ਨਾਲ ਇੰਤਜ਼ਾਰ ਹੈ। ਉਮੀਦ ਕੀਤੀ ਜਾ ਰਹੀ ਹੈ ਤਰਸੇਮ ਜੱਸੜ ਦੇ ਬਾਕੀ ਗਾਣਿਆਂ ਵਾਂਗ ਇਹ ਗਾਣਾ ਵੀ ਦਰਸ਼ਕ ਤੇ ਸਰੋਤਿਆਂ ਦੇ ਦਿਲਾਂ 'ਤੇ ਖੜ੍ਹਾ ਉਤਰੇਗਾ।
