ਸਲਮਾਨ ਖਾਨ ਦਾ ਰਿਐਲਿਟੀ ਸ਼ੋਅ 'ਬਿੱਗ ਬਾਸ 12' ਨੂੰ ਸ਼ੁਰੂ ਹੋਏ ਤਿੰਨ ਦਿਨ ਹੋ ਚੁਕੇ ਹਨ ਅਤੇ ਇਸ ਘਰ 'ਚ ਲੜਾਈਆਂ ਦਾ ਦੌਰ ਸ਼ੁਰੂ ਹੋ ਗਿਆ ਹੈ। ਸਟਾਰ ਹੋਣ ਜਾਂ ਉਨ੍ਹਾਂ...
ਮੁੰਬਈ : ਸਲਮਾਨ ਖਾਨ ਦਾ ਰਿਐਲਿਟੀ ਸ਼ੋਅ 'ਬਿੱਗ ਬਾਸ 12' ਨੂੰ ਸ਼ੁਰੂ ਹੋਏ ਤਿੰਨ ਦਿਨ ਹੋ ਚੁਕੇ ਹਨ ਅਤੇ ਇਸ ਘਰ 'ਚ ਲੜਾਈਆਂ ਦਾ ਦੌਰ ਸ਼ੁਰੂ ਹੋ ਗਿਆ ਹੈ। ਸਟਾਰ ਹੋਣ ਜਾਂ ਉਨ੍ਹਾਂ ਦੇ ਫੈਨਜ਼, ਇਸ ਸ਼ੋਅ 'ਚ ਆ ਕੇ ਸਾਰੇ ਇੱਕੋ ਜਿਹੇ ਹੋ ਜਾਂਦੇ ਹਨ। ਪਿਛਲੇ ਸੀਜ਼ਨ 'ਚ ਵਿਕਾਸ ਗੁਪਤਾ ਕਈ ਵਾਰ 'ਬਿੱਗ ਬਾਸ' ਦਾ ਘਰ ਛੱਡ ਕੇ ਭੱਜਣ ਦੀ ਕੋਸ਼ਿਸ਼ ਕਰ ਚੁੱਕਾ ਸੀ। ਹੁਣ ਭਾਰਤੀ ਟੀਮ ਦੇ ਗੇਂਦਬਾਜ਼ ਸ੍ਰੀਸੰਤ 'ਬਿੱਗ ਬਾਸ 12' 'ਚ ਕੁਝ ਅਜਿਹਾ ਹੀ ਕਰਨ ਦੀ ਧਮਕੀ ਦੇ ਚੁੱਕਿਆ ਹੈ।
Sreesanth
ਬਿੱਗ ਬਾਸ ਸੀਜ਼ਨ 12 'ਚ ਸ਼੍ਰੀਸੰਤ ਘਰ 'ਚ ਦੋ ਦਿਨ ਵੀ ਠੀਕ ਤਰ੍ਹਾਂ ਨਹੀਂ ਕੱਟ ਸਕੇ ਅਤੇ ਉਹ 'ਬਿੱਗ ਬਾਸ' ਦੇ ਘਰ ਨੂੰ ਛੱਡ ਕੇ ਜਾਣ ਦੀ ਇੱਛਾ ਜ਼ਾਹਿਰ ਕਰ ਚੁੱਕੇ ਹਨ। ਹਾਲ ਹੀ 'ਚ 'ਬਿੱਗ ਬੌਸ' ਦੇ ਕੰਟੈਸਟੈਂਟਸ ਨੂੰ ਮਿਲੇ ਕੰਮ 'ਪ੍ਰੈਸ ਕਾਨਫਰੰਸ' ਨੂੰ ਉਹ ਪੂਰਾ ਨਹੀਂ ਕਰ ਸਕੇ। ਇਸੇ ਟਾਸਕ 'ਚ ਸ਼੍ਰੀਸੰਤ ਤੇ ਖਾਨ ਸਿਸਟਰਸ 'ਚ ਕੁਝ ਅਣਬਣ ਹੋ ਗਈ। ਇਸ ਤੋਂ ਬਾਅਦ ਸ਼੍ਰੀਸੰਤ ਨੇ ਤਾਂ ਸੋਮੀ ਖਾਨ ਦੀ ਪਰਵਰਿਸ਼ 'ਤੇ ਹੀ ਸਵਾਲ ਚੁੱਕ ਦਿਤਾ। ਹਾਲ ਹੀ 'ਚ ਟਵਿਟਰ 'ਤੇ ਵੀਡੀਓ ਪੋਸਟ ਕੀਤਾ ਗਿਆ ਹੈ, ਜਿਸ 'ਚ ਸ਼੍ਰੀਸੰਤ ਤੇ ਸੋਮੀ ਖਾਨ ਦੀ ਲੜਾਈ ਹੋ ਰਹੀ ਹੈ।
Bigg Boss 12
ਲੜਾਈ 'ਚ ਹੀ ਸ਼੍ਰੀਸੰਤ ਦੇ ਮੂੰਹੋਂ ਪਰਵਰਿਸ਼ ਵਾਲੀ ਗੱਲ ਨਿਕਲ ਜਾਂਦੀ ਹੈ। ਇਸ ਤੋਂ ਬਾਅਦ ਕਰਨਵੀਰ ਵੋਹਰਾ, ਦੀਪਿਕਾ ਕੱਕੜ ਤੇ ਬਾਕੀ ਕੰਟੈਸਟੈਂਟ ਸ਼੍ਰੀਸੰਤ ਨੂੰ ਸਮਝਾਉਂਦੇ ਹਨ ਕਿ ਉਹ ਇਸ ਤਰ੍ਹਾਂ ਕਿਸੇ ਦੀ ਵੀ ਪਰਵਰਿਸ਼ 'ਤੇ ਕੁਮੈਂਟ ਨਹੀਂ ਕਰ ਸਕਦਾ। ਇਸ ਵੀਡੀਓ ਨੂੰ ਦੇਖ ਕੇ ਲੱਗਦਾ ਹੈ ਕਿ ਅੱਜ ਦਾ ਐਪੀਸੋਡ ਲੜਾਈ ਦੇ ਨਾਲ ਧਮਾਕੇਦਾਰ ਹੋਣ ਵਾਲਾ ਹੈ। ਲੋਕਾਂ ਨੂੰ ਸ਼ੋਅ 'ਚ ਦੋ ਕੰਟੈਸਟੈਂਟਸ ਦੀ ਜ਼ਬਰਦਸਤ ਲੜਾਈ ਦੇਖਣ ਨੂੰ ਮਿਲੇਗੀ, ਜੋ ਇਸ ਸ਼ੋਅ ਦਾ ਮੁੱਖ ਹਿੱਸਾ ਹੈ। ਸ਼ੋਅ 'ਚ ਇਸ ਤਰ੍ਹਾਂ ਕਿਸੇ ਦੀ ਲੜਾਈ ਹੋਣਾ ਤਾਂ ਆਮ ਗੱਲ ਹੈ ਪਰ ਇਸ 'ਤੇ ਸਲਮਾਨ ਖਾਨ ਵੀਕਐਂਡ 'ਚ ਕਿਸ ਦੀ ਕਲਾਸ ਲੈਣਗੇ, ਇਹ ਦੇਖਣਾ ਕਾਫੀ ਦਿਲਚਸਪ ਹੈ।
