ਸਫ਼ਾਈ ਅਭਿਆਨ ਨਾ ਤਾਂ ਸਿਰਫ਼ ਪ੍ਰਧਾਨ ਮੰਤਰੀ ਦਾ ਹੈ ਤੇ ਨਾਹੀ ਕਿਸੇ ਖ਼ਾਸ ਚਹਿਰੇ ਦਾ। ਇਹ ਕੱਲੇ ਕੱਲੇ ਵਸਨੀਕ ਦੀ ਆਪੋ-ਆਪਣੀ ਜਿੰਮੇਵਾਰੀ ਹੈ, ਕਿਓਂਕਿ ਪੂਰੇ ਦੇਸ਼ ਨੂੰ...
ਸਫ਼ਾਈ ਅਭਿਆਨ ਨਾ ਤਾਂ ਸਿਰਫ਼ ਪ੍ਰਧਾਨ ਮੰਤਰੀ ਦਾ ਹੈ ਤੇ ਨਾਹੀ ਕਿਸੇ ਖ਼ਾਸ ਚਹਿਰੇ ਦਾ। ਇਹ ਕੱਲੇ ਕੱਲੇ ਵਸਨੀਕ ਦੀ ਆਪੋ-ਆਪਣੀ ਜਿੰਮੇਵਾਰੀ ਹੈ, ਕਿਓਂਕਿ ਪੂਰੇ ਦੇਸ਼ ਨੂੰ ਸਾਫ਼ ਸੁਥਰਾ ਰੱਖਣਾ ਕਿਸੇ ਇਕ ਦੇ ਵੱਸ ਦੀ ਗੱਲ ਨਹੀਂ ਹੈ। ਇਸੇ ਜਿੰਮੇਵਾਰੀ ਦਾ ਅਹਿਸਾਸ ਅਨੁਸ਼ਕਾ ਸ਼ਰਮਾ ਨੇ ਰਾਹ ਜਾਂਦੇ ਮੁੰਡਿਆਂ ਨੂੰ ਕਰਾਇਆ ਜਦੋਂ ਉਨ੍ਹਾਂ ਦੇ ਆਪਣੀ ਗੱਡੀ ਵਿਚੋਂ ਬਿਨਾਂ ਸੋਚੇ ਸਮਝੇ ਸੜਕ ਤੇ ਪਲਾਸਟਿਕ ਸੁੱਟ ਦਿੱਤਾ।
Anushka Sharma
ਦਰਅਸਲ ਸ਼ਨੀਵਾਰ ਨੂੰ ਵਿਰਾਟ ਕੋਹਲੀ ਨੇ ਇਕ ਵੀਡੀਓ ਸੋਸ਼ਲ ਮੀਡਿਆ ਤੇ ਸਾਂਝੀ ਕੀਤੀ ਜਿਸ ਵਿਚ ਅਨੁਸ਼ਕਾ ਸ਼ਰਮਾ ਸੜਕ 'ਤੇ ਕੂੜਾ ਸੁੱਟ ਰਹੇ ਮੁੰਡਿਆਂ ਦੀ ਕਲਾਸ ਲਗਾਉਂਦੀ ਨਜ਼ਰ ਆਈ। ਇਸ ਵੀਡੀਓ ਨੂੰ ਕਾਫ਼ੀ ਲੋਕਾਂ ਵੱਲੋਂ ਦੇਖਿਆ ਜਾ ਚੁੱਕਾ ਹੈ ਤੇ ਇਸਦੀ ਹਰ ਪਾਸਿਓਂ ਤਰੀਫ਼ ਹੋ ਰਹੀ ਹੈ ਹਾਲਾਂਕਿ ਕਈ ਲੋਕ ਇਸਨੂੰ ਧਿਆਨ ਆਕਰਸ਼ਿਤ ਕਰਨ ਦਾ ਤਰੀਕਾ ਵੀ ਦੱਸਦੇ ਨਜ਼ਰ ਆਏ।
ਦੇਖੋ ਵੀਡੀਓ:
https://www.instagram.
ਇਸ ਵੀਡੀਓ 'ਚ ਗੱਡੀ 'ਚ ਬੈਠੇ ਮੁੰਡਿਆਂ ਤੋਂ ਅਨੁਸ਼ਕਾ ਨੂੰ ਇਹ ਪੁੱਛਦੇ ਹੋਏ ਸਾਫ਼ ਸੁਣਿਆ ਜਾ ਸਕਦਾ ਹੈ ਕਿ ਉਹ ਸੜਕ ਤੇ ਕੂੜਾ ਕਿਓਂ ਸੁਤ ਰਹੇ ਹਨ, ਤੇ ਉਨ੍ਹਾਂ ਵੱਲੋਂ ਕੋਈ ਜਵਾਬ ਨਾ ਆਉਣ ਤੇ ਅਨੁਸ਼ਕਾ ਵੱਲੋਂ ਆਪਣੀ ਗੱਲ ਨੂੰ ਜਾਰੀ ਰੱਖਦੇ ਹੋਏ ਇਹੀ ਕਿਹਾ ਗਿਆ ਕਿ ਇਸ ਤਰਾਂਹ ਸੜਕ ਤੇ ਕੂੜਾ ਨਾ ਸੁਟੋ ਤੇ ਧਿਆਨ ਰੱਖੋ। ਹਾਲਾਂਕਿ ਵੀਡੀਓ ਵਿਚ ਅਨੁਸ਼ਕਾ ਥੋੜੀ ਖਿਝੀ ਹੋਈ ਨਜ਼ਰ ਆਈ ਤੇ ਉਸਨੇ ਕੁੜੇਦਾਨ ਵਰਤਣ ਦੀ ਸਲਾਹ ਦਿੰਦੇ ਹੋਏ ਆਪਣੀ ਗੱਲ ਨੂੰ ਵਿਰਾਮ ਦਿੱਤਾ।
Anushka Sharma
ਤੁਹਾਨੂੰ ਦਸ ਦਈਏ ਕਿ 2017 'ਚ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਵੱਲੋਂ ਅਨੁਸ਼ਕਾ ਸ਼ਰਮਾ ਨੂੰ ਸਵੱਛ ਭਾਰਤ ਅਭਿਆਨ ਦਾ ਚੇਹਰਾ ਵੀ ਐਲਾਨਿਆ ਗਿਆ ਸੀ, ਜਿਸ ਦੇ ਤਹਿਤ ਪੂਰੇ ਦੇਸ਼ ਦੀਆਂ ਸੜਕਾਂ ਤੇ ਗਲੀਆਂ ਨੂੰ ਸਾਫ਼ ਸੁਥਰਾ ਰੱਖਣ ਦਾ ਨਾਰਾ ਲਾਇਆ ਗਿਆ ਸੀ। ਤੇ ਉਸ ਮੌਕੇ ਤੇ ਵੀ ਅਨੁਸ਼ਕਾ ਨੇ ਇਸ ਜਿੰਮੇਵਾਰੀ ਨੂੰ ਖਿੜੇ ਮੱਥੇ ਸਵੀਕਾਰ ਕੀਤਾ ਕਰਦੇ ਹੋਏ ਸੋਸ਼ਲ ਮੀਡਿਆ ਤੇ ਆਪਣੀ ਖੁਸ਼ੀ ਜਾਹਿਰ ਕੀਤੀ ਸੀ।
Anushka Sharma
ਤੇ ਅੱਜ ਜਦੋਂ ਕੁੱਝ ਮੁੰਡਿਆਂ ਨੇ ਰਾਹ ਜਾਂਦੇ ਹੋਏ ਗੱਡੀ ਵਿਚੋਂ ਕੂੜਾ ਬਾਹਰ ਸੁੱਟਿਆ ਤਾਂ ਉਸੇ ਜਿੰਮੇਵਾਰੀ ਦੇ ਚਲਦੇ ਅਨੁਸ਼ਕਾ ਸ਼ਰਮਾ ਨੇ ਉਨ੍ਹਾਂ ਨੂੰ ਕੂੜੇਦਾਨ ਨੂੰ ਇਸਤੇਮਾਲ ਕਰਨ ਦੀ ਸਲਾਹ ਦੇ ਦਿਤੀ।
