ਕੈਟਰੀਨਾ ਦੀ ਵੀਡੀਉ ਹੋਈ ਜਨਤਕ
ਨਵੀਂ ਦਿੱਲੀ: ਬਾਲੀਵੁੱਡ ਅਦਾਕਾਰਾ ਕੈਟਰੀਨਾ ਕੈਫ ਅਤੇ ਸਲਮਾਨ ਖ਼ਾਨ ਦੀ ਫਿਲਮ ਭਾਰਤ ਸਿਨੇਮਾਘਰਾਂ ਵਿਚ ਬਹੁਤ ਧਮਾਲ ਮਚਾ ਰਹੀ ਹੈ। ਭਾਰਤ ਨੇ ਚਾਰ ਦਿਨਾਂ ਵਿਚ ਹੀ 118 ਕਰੋੜ ਤੋਂ ਉਪਰ ਦੀ ਕਮਾਈ ਕਰਕੇ ਨਵਾਂ ਰਿਕਾਰਡ ਬਣਾ ਦਿੱਤਾ ਹੈ। ਹਾਲ ਹੀ ਵਿਚ ਕੈਟਰੀਨਾ ਕੈਫ ਦਾ ਇਕ ਵੀਡੀਉ ਜਨਤਕ ਹੋ ਰਿਹਾ ਹੈ ਜਿਸ ਵਿਚ ਉਹ ਫਿਲਮ ਵਿਚ ਨਿਭਾਏ ਗਏ ਅਪਣੇ ਕਿਰਦਾਰ ਬਾਰੇ ਦਸ ਰਹੀ ਹੈ। ਕੈਟਰੀਨਾ ਕੈਫ ਨੇ ਇਸ ਵੀਡੀਉ ਨੂੰ ਅਪਣੇ ਇੰਸਟਾਗ੍ਰਾਮ ’ਤੇ ਸ਼ੇਅਰ ਕੀਤਾ ਹੈ।
ਉਹਨਾਂ ਦੀ ਇਸ ਵੀਡੀਉ ਨੂੰ 4 ਲੱਖ ਤੋਂ ਜ਼ਿਆਦਾ ਵਾਰ ਦੇਖਿਆ ਜਾ ਚੁੱਕਿਆ ਹੈ। ਨਾਲ ਹੀ ਉਹਨਾਂ ਦੀ ਇਸ ਵੀਡੀਉ ਤੇ ਕਮੈਂਟ ਵੀ ਬਹੁਤ ਕੀਤੇ ਗਏ ਹਨ। ਕੈਟਰੀਨਾ ਕੈਫ ਨੇ ਇਸ ਵੀਡੀਉ ਨੂੰ ਸ਼ੇਅਰ ਕਰਨ ਦੇ ਨਾਲ ਨਾਲ ਕੈਪਸ਼ਨ ਵੀ ਦਿੱਤਾ ਹੈ। ਉਹਨਾਂ ਨੇ ਕਿਹਾ ਕਿ ਕੁਮੁਦ ਰੈਨਾ ਹਮੇਸ਼ਾ ਮੇਰੇ ਦਿਲ ਦੇ ਕਰੀਬ ਰਹੇਗੀ। ਅਸਲ ਵਿਚ ਇਸ ਅਨੁਭਵ ਅਤੇ ਪਿਆਰ ਨੂੰ ਮਿਸ ਕਰੂੰਗੀ ਜੋ ਮੈਨੂੰ ਇਸ ਰੋਲ ਨੂੰ ਨਿਭਾਉਣ ਲਈ ਮਿਲਿਆ ਹੈ।
ਟੀਮ ਦੇ ਸਾਰੇ ਮੈਂਬਰਾਂ ਨੇ ਇਸ ਫ਼ਿਲਮ ਨੂੰ ਬਣਾਉਣ ਵਿਚ ਪੂਰੀ ਮਿਹਨਤ ਕੀਤੀ ਹੈ। ਹਰ ਦਿਨ ਸੈੱਟ ’ਤੇ ਇਕ ਵਿਸ਼ੇਸ਼ ਦਿਨ ਦੀ ਤਰ੍ਹਾਂ ਮਹਿਸੂਸ ਕੀਤਾ। ਕੈਟਰੀਨਾ ਕੈਫ ਨੇ ਇਸ ਤਰ੍ਹਾਂ ਫ਼ਿਲਮ ਨੂੰ ਲੈ ਕੇ ਪਿਆਰ ਜ਼ਾਹਰ ਕੀਤਾ। ਕੈਟਰੀਨਾ ਕੈਫ ਅਤੇ ਸਲਮਾਨ ਖ਼ਾਨ ਦੀ ਫ਼ਿਲਮ ਨੂੰ ਦਰਸ਼ਕਾਂ ਵੱਲੋਂ ਬਹੁਤ ਪਿਆਰ ਮਿਲ ਰਿਹਾ ਹੈ। ਇਸ ਫ਼ਿਲਮ ਵਿਚ ਦਿਸ਼ਾ ਪਟਾਨੀ ਅਤੇ ਸੁਨੀਲ ਗ੍ਰੋਵਰ ਨੇ ਵੀ ਅਹਿਮ ਭੁਮਿਕਾ ਨਿਭਾਈ।
ਫ਼ਿਲਮ ਭਾਰਤ’ਤੇ ਲੋਕਾਂ ਵਿਚ ਇੰਨਾ ਉਤਸ਼ਾਹ ਹੈ ਕਿ ਲੋਕ ਟਿਕਟ ਦੀ ਐਡਵਾਂਸ ਬੁਕਿੰਗ ਵੀ ਕਰ ਰਹੇ ਹਨ। ਸਲਮਾਨ ਖ਼ਾਨ ਦੀ ਭਾਰਤ ਨਾ ਸਿਰਫ ਇਕ ਵਿਅਕਤੀ ਦੀ ਕਹਾਣੀ ਹੈ ਬਲਕਿ ਇਸ ਦੇ ਜ਼ਰੀਏ ਦੇਸ਼ ਦੇ ਬਦਲਦੇ ਰੂਪ ਅਤੇ ਇਸ ਦੀ ਆਤਮਾ ਦੀ ਗਲ ਵੀ ਕਹੀ ਗਈ ਹੈ।
