ਵਿਵਾਦਿਤ ਕਵੀਂਨ ਰਾਖੀ ਸਾਵੰਤ ਦੇ ਬੁਆਏਫ੍ਰੈਂਡ ਅਤੇ ਟੀਵੀ ਅਦਾਕਾਰ ਅਭਿਸ਼ੇਕ ਅਵਸਥੀ ਵਿਆਹ ਦੇ ਬੰਧਨ ਵਿਚ ਬੱਝ ਗਏ ਹਨ। ਅਭਿਸ਼ੇਕ ਨੇ ਹਾਲ ਹੀ 'ਚ ਨਵੀਂ ਪ੍ਰੇਮਿਕਾ ਅੰਕਿਤਾ ਗੋਸਵਾਮੀ ਨਾਲ ਵਿਆਹ ਕਰਵਾਇਆ ਹੈ। ਅਭਿਸ਼ੇਕ ਦੇ ਵਿਆਹ ਦੀਆਂ ਸਾਰੀਆਂ ਰਸਮਾਂ ਨਿੱਜੀ ਸਮਾਗਮ ਰਾਹੀਂ ਪੂਰੀਆਂ ਹੋਈਆ। ਦੱਸਿਆ ਜਾਂਦਾ ਹੈ ਕਿ ਰਾਖੀ ਨਾਲ ਬ੍ਰੇਕਅੱਪ ਤੋਂ ਬਾਅਦ ਅਭਿਸ਼ੇਕ ਅੰਕਿਤਾ ਨੂੰ ਡੇਟ ਕਰ ਰਹੇ ਸਨ।
ਇਸ ਤੋਂ ਪਹਿਲਾਂ ਉਹ ਰਾਖੀ ਦੇ ਨਾਲ ਕਰੀਬ 3 ਸਾਲ ਤੱਕ ਰਿਲੇਸ਼ਨਸ਼ਿਪ ਵਿਚ ਰਹੇ ਸਨ। ਪਰ ਕੁਝ ਕਾਰਨਾਂ ਕਰਕੇ ਦੋਵਾਂ ਦਾ ਰਿਸ਼ਤਾ ਖਤਮ ਹੋ ਗਿਆ ਸੀ। ਅਭਿਸ਼ੇਕ ਦੇ ਵਿਆਹ ਵਿਚ 'ਬਿੱਗ ਬੌਸ 11' ਦੀ ਕੰਟੈਸਟੇਂਟ ਰਹਿ ਚੁੱਕੀ ਅਰਸ਼ੀ ਖਾਨ, ਹਿਮਾਂਸ਼ੁ ਮਲਹੋਤਰਾ, ਕੁਨਾਲ ਸਿੰਘ ਤੇ ਟੀ. ਵੀ ਇੰਡਸਟਰੀ ਕਈ ਲੋਕ ਮੌਜ਼ੂਦ ਰਹੇ।
ਦੱਸ ਦੇਈਏ ਕਿ ਅਭਿਸ਼ੇਕ ਨੂੰ ਮਾਈਥੋਲਾਜੀਕਲ ਸ਼ੋਅ 'ਮਹਾਕਾਲੀ ਅੰਤ ਹੀ ਆਰੰਭ ਹੈ' 'ਚ ਅਰਿਜੀਤ ਲਵਾਨਿਆ ਦੀ ਐਕਸੀਡੈਂਟ 'ਚ ਹੋਈ ਮੌਤ ਤੋਂ ਬਾਅਦ ਰਿਪਲੇਸ ਕੀਤਾ ਗਿਆ ਸੀ। ਅਭਿਸ਼ੇਕ ਨੇ ਦੋ ਸਾਲ ਤੱਕ ਅੰਕਿਤਾ ਨੂੰ ਡੇਟ ਕੀਤਾ ਤੇ ਪਿਛਲੇ ਸਾਲ ਫਰਵਰੀ 'ਚ ਇਨ੍ਹਾਂ ਨੇ ਮੰਗਣੀ ਕੀਤੀ।
ਇਕ ਇੰਟਰਵਿਊ ਦੌਰਾਨ ਅਭਿਸ਼ੇਕ ਨੇ ਕਿਹਾ ਸੀ ਕਿ ਉਹ ਹਮੇਸ਼ਾ ਅੰਕਿਤਾ ਵਰਗੀ ਲੜਕੀ ਨਾਲ ਵਿਆਹ ਕਰਨਾ ਚਾਹੁੰਦੇ ਸਨ, ਜੋ ਫਾਈਨਲੀ ਮੈਨੂੰ ਮਿਲ ਚੁੱਕੀ ਹੈ। ਦੱਸਣਯੋਗ ਹੈ ਕਿ ਅਭਿਸ਼ੇਕ ਪਹਿਲੀ ਵਾਰ ਲਾਈਮਲਾਈਟ 'ਚ ਉਸ ਸਮੇਂ ਆਏ ਸਨ, ਜਦੋਂ ਇਹ ਰਾਖੀ ਸਾਵੰਤ ਨੂੰ ਡੇਟ ਕਰ ਰਹੇ ਸਨ, ਅਤੇ ਮੀਡੀਆ ਦੇ ਸਾਹਮਣੇ ਰਾਖੀ ਸਾਵੰਤ ਨੇ ਇਕ ਵਾਰ ਅਭਿਸ਼ੇਕ 'ਤੇ ਹਥ ਚੁੱਕਿਆ ਸੀ।
ਜਿਸ ਤੋਂ ਬਾਅਦ ਹੀ ਇਹ ਕੱਪਲ ਵੱਖ ਹੋ ਗਿਆ ਸੀ। ਤੁਹਾਨੂੰ ਦੱਸ ਦੇਈਏ ਕਿ ਅਭਿਸ਼ੇਕ ਰਾਖੀ ਸਾਵੰਤ ਦੇ ਨਾਲ ਟੀਵੀ ਦੇ ਰਿਆਲਟੀ ਸ਼ੋਅ ਨੱਚ ਬੱਲੀਏ 3 ਵਿਚ ਭਾਗ ਲਿਆ ਸੀ।
