ਮੌਜੂਦਾ ਸਮੇਂ 'ਚ ਵਾਪਰੀਆਂ ਕੁੱਝ ਸ਼ਰਮਨਾਕ ਘਟਨਾਵਾਂ ਨੂੰ ਲੈ ਕੇ ਸੋਸ਼ਲ ਮੀਡੀਆ ਰਾਹੀਂ ਹੁਣ ਫਿਰ ਹਰਸਿਮਰਤ ਕੌਰ ਬਾਦਲ ਤੋਂ ਜਵਾਬ ਮੰਗਿਆ ਜਾ ਰਿਹਾ ਹੈ ਪਰ ਉਨ੍ਹਾਂ ਦੀ ਚੁੱਪੀ ਨੇ ਕਈ ਸਵਾਲ ਪੈਦਾ ਕਰ ਦਿਤੇ ਹਨ। ਪੁੱਛਣ ਵਾਲਿਆਂ ਅਨੁਸਾਰ ਸੌਦਾ ਸਾਧ ਨੂੰ ਜੇਲ ਪਹੁੰਚਾਉਣ ਲਈ ਲਗਾਤਾਰ 15 ਸਾਲ ਸੰਤਾਪ ਭੋਗਣ ਵਾਲੀਆਂ ਦੋ ਲੜਕੀਆਂ ਦੇ ਹੱਕ 'ਚ ਬੀਬਾ ਬਾਦਲ ਨੇ ਹਾਅ ਦਾ ਨਾਹਰਾ ਕਿਉਂ ਨਾ ਮਾਰਿਆ? ਭਾਵੇਂ ਭਾਰਤੀ ਸੰਵਿਧਾਨ ਦੇ ਆਰਟੀਕਲ 14 ਅਨੁਸਾਰ ਔਰਤਾਂ ਨੂੰ ਮਰਦਾਂ ਦੇ ਬਰਾਬਰ ਹੱਕ ਹਨ, ਆਰਟੀਕਲ 15 (1) ਅਨੁਸਾਰ ਉਸ ਨਾਲ ਮਰਦਾਂ ਮੁਕਾਬਲੇ ਕੋਈ ਵਿਤਕਰਾ ਨਹੀਂ ਕੀਤਾ ਜਾ ਸਕਦਾ, ਆਰਟੀਕਲ 16 ਉਨ੍ਹਾਂ ਨੂੰ ਬਰਾਬਰ ਮੌਕਿਆਂ ਦਾ ਅਧਿਕਾਰ ਦਿੰਦਾ ਹੈ ਪਰ ਭਾਰਤੀ ਸੰਵਿਧਾਨ ਮੁਤਾਬਕ ਔਰਤ ਨੂੰ ਮਿਲੇ ਹਕਾਂ ਦੇ ਬਾਵਜੂਦ ਹਰਸਿਮਰਤ ਕੌਰ ਬਾਦਲ ਵਲੋਂ ਔਰਤਾਂ ਦੇ ਹੱਕ 'ਚ ਆਵਾਜ਼ ਨਾ ਉਠਾਉਣਾ ਤੇ ਲੋਕਾਂ ਨੂੰ ਨਸੀਅਤ ਦੇਣ ਦੇ ਵੱਡੇ-ਵੱਡੇ ਦਾਅਵੇ ਮਜ਼ਾਕ ਅਤੇ ਥੌਥੇ ਜਾਪਦੇ ਹਨ।