2020 ਤਕ ਅਜਾਇਬ ਘਰ ਨੂੰ ਪੂਰਾ ਕੀਤੇ ਜਾਣ ਦਾ ਟੀਚਾ
ਨਵੀਂ ਦਿੱਲੀ : ਸਿੱਖੀ ਇਤਿਹਾਸ, ਸੱਭਿਆਚਾਰ ਅਤੇ ਕਲਾਵਾਂ ਬਾਰੇ ਲੋਕਾਂ ਨੂੰ ਜਾਣੂ ਕਰਵਾਉਣ ਲਈ ਐਂਗਲੋ-ਸਿੱਖ ਵਰਚੂਅਲ ਅਜਾਇਬ ਘਰ ਬ੍ਰਿਟੇਨ ਦੇ ਲੈਸਟਰ 'ਚ ਖੋਲ੍ਹਿਆ ਜਾਵੇਗਾ। ਇਹ ਅਜਾਇਬ ਘਰ 3ਡੀ ਹੋਵੇਗਾ ਅਤੇ 2020 ਤਕ ਇਸ ਨੂੰ ਪੂਰਾ ਕਰ ਲਿਆ ਜਾਵੇਗਾ।
3D Sikh museum opens in UK
ਇਤਿਹਾਸਕਾਰ ਅਤੇ ਸਿੱਖ ਅਜਾਇਬ ਘਰ ਦੇ ਡਾਇਰੈਕਟਰ ਗੁਰਿੰਦਰ ਸਿੰਘ ਮਾਨ ਨੇ ਦੱਸਿਆ ਕਿ ਐਂਗਲੋ ਸਿੱਖ ਵਰਚੂਅਲ ਅਜਾਇਬ ਘਰ ਬਾਰੇ ਵੈਬਸਾਈਟ www.anglosikhmuseum.com 'ਤੇ ਪੜ੍ਹਿਆ ਜਾ ਸਕਦਾ ਹੈ। ਇਸ ਅਜਾਇਬ ਘਰ ਦਾ ਨਿਰਮਾਣ ਨੈਸ਼ਨਲ ਲਾਟਰੀ ਹੈਰੀਟੇਜ਼ ਫੰਡ ਅਤੇ ਬ੍ਰਿਟੇਨ 'ਚ ਮੌਜੂਦ ਹੋਰ ਸਿੱਖ ਅਜਾਇਬ ਘਰਾਂ ਦੀ ਮਦਦ ਨਾਲ ਕੀਤਾ ਜਾ ਰਿਹਾ ਹੈ। ਇਸ ਪ੍ਰਾਜੈਕਟ ਦੀ ਸ਼ੁਰੂਆਤ ਬੀਤੀ 8 ਅਗਸਤ ਨੂੰ ਮਹਾਰਾਣੀ ਸੋਪੀਆ ਦਲੀਪ ਸਿੰਘ, ਜੋ ਮਹਾਰਾਜਾ ਰਣਜੀਤ ਸਿੰਘ ਦੀ ਦੋਹਤੀ ਅਤੇ ਮਹਾਰਾਜਾ ਦਲੀਪ ਸਿੰਘ ਦੀ ਪੁੱਤਰੀ ਹੈ, ਦੇ ਜਨਮ ਦਿਨ 'ਤੇ ਕੀਤਾ ਗਿਆ।
3D Sikh museum opens in UK
ਇਸ ਮੌਕੇ ਯੂਕੇ ਦੇ ਕੌਂਸਲਰ, ਫ਼ੌਜ ਅਧਿਕਾਰੀ ਅਤੇ ਹੋਰ ਲੋਕ ਵੱਡੀ ਗਿਣਤੀ 'ਚ ਹਾਜ਼ਰ ਸਨ। ਇਸ ਪ੍ਰਾਜੈਕਟ ਨੂੰ ਪੂਰਾ ਕਰਨ ਲਈ ਤਕਨੀਕੀ ਅਤੇ ਇਤਿਹਾਸਕ ਮਾਹਰਾਂ ਵਿਚਕਾਰ ਇਕ ਮੀਟਿੰਗ ਹੋਈ, ਜਿਸ 'ਚ ਡਾਇਰੈਕਟਰ ਆਫ਼ ਸੈਂਟਰ ਫ਼ਾਰ ਸਿੱਖ ਐਂਡ ਪੰਜਾਬੀ ਸਟਡੀਜ਼ ਡਾ. ਉਪਿੰਦਰਜੀਤ ਕੌਰ ਠੱਕਰ, ਸੀਨੀਅਰ ਕਿਊਰੇਟਰ ਸੁਸਨ ਸਟਰੋਂਗ ਅਤੇ ਗੁਰਿੰਦਰ ਸਿੰਘ ਮਾਨ ਸ਼ਾਮਲ ਸਨ। 3ਡੀ ਤਕਨੀਕ ਨਾਲ ਸਿੱਖੀ ਇਤਿਹਾਸ ਨੂੰ ਵਿਖਾਉਣਾ ਬਹੁਤ ਹੀ ਸ਼ਾਨਦਾਰ ਅਨੁਭਵ ਰਹੇਗਾ।
