ਹਾਕਮੋ ਹਸ਼ਰ ਵੇਖੋ!

ਖੱਟ ਕੇ ਕਲੰਕ ਗਏ ਹਾਕਮਾਂ ਨੂੰ ਭੁੱਲ ਜਾਂਦੇ ਚਾਨਣਾ ਨਾ ਦਿਸੇ ਇਤਹਾਸ ਵਾਲੇ ਲੰਪ ਦਾ,

ਪਹਿਲਾਂ ਹੋਸ਼ ਕਰਦੇ ਨਾ ਮਗਰੋਂ ਸਵਾਦ ਆਵੇ ਨਾਲ ਵਾਲੀ ਜੁੰਡਲੀ ਦੇ ਦਿਤੇ ਹੋਏ ਪੰਪ ਦਾ,

ਨਹਿਸ ਦੇ ਯਰਾਨੇ ਦਾ ਪੁੱਠਾ ਅਸਰ ਪਿਆ 'ਹਾਊ ਡੀ ਮੋਦੀ' ਵਾਲੇ ਮਚਾਏ ਹੜਕੰਪ ਦਾ,

ਜਿਸ ਦੇ ਵਿਰੁਧ ਲੋਕੀ ਗੁੱਸੇ ਵਿਚ ਵੋਟਾਂ ਪਾਉਣ ਵੋਟਾਂ ਦੇ ਨਤੀਜੇ ਰਾਹ ਵਿਖਾਉਂਦੇ ਉਸ ਨੂੰ ਡੰਪ ਦਾ,

ਕਦੋਂ ਥੱਲੇ ਆਣ ਡਿੱਗੇ ਹੁੰਦਾ ਨਾ ਭਰੋਸਾ ਕੋਈ ਧਨ ਧੌਂਸ ਮਾਇਆ ਤੇ ਹੰਕਾਰ ਵਾਲੇ ਜੰਪ ਦਾ,

ਨੀਤੀਆਂ ਨਸਲਵਾਦੀ ਲੈ ਕੇ ਡੁੱਬ ਜਾਣ ਕਿੱਦਾਂ ਵੇਖ ਲਉ ਹੁਕਮਰਾਨੋ ਹੋਇਆ ਕੀ ਟਰੰਪ ਦਾ।

-ਤਰਲੋਚਨ ਸਿੰਘ 'ਦੁਪਾਲ ਪੁਰ' , ਸੰਪਰਕ : 001-408-915-1268