ਬੇਰੁਜ਼ਗਾਰੀ, ਭੁੱਖ ਅਤੇ ਬੰਨ ਗ਼ਰੀਬੀ ਪੱਲੇ।

ਬੇਰੁਜ਼ਗਾਰੀ, ਭੁੱਖ ਅਤੇ ਬੰਨ ਗ਼ਰੀਬੀ ਪੱਲੇ।
            ਅਰਬਾਂ ਦੀ ਪੂੰਜੀ ਲਾ ਕੇ ਲੈ ਚੰਦ੍ਰਯਾਨ ਚੱਲੇ।
ਬੱਸ ਚੰਨ ਤੇ ਫੋਕੀ ਚੌਧਰ ਦਿਖਾਉਣ ਲਈ,
            ਕੋਰੇ ਕਾਗ਼ਜ਼ ਧਰਤੀ ਉਪਰ ਅਕਾਸ਼ ਦੇ ਥੱਲੇ।
ਮਜ਼ਦੂਰੀ, ਕਿਰਸਾਨੀ ਕਰਦਿਆਂ ਖ਼ਾਲੀ ਖੀਸੇ,
            ਨੇਤਾ ਅਤੇ ਪੂੰਜੀਪਤੀਆਂ ਲੁੱਟ ਭਰ ਲਏ ਗੱਲੇ।
ਉਹ ਚੋਰ ਮੋਰੀਉਂ ਨਿਕਲੇ ਪੂੰਜੀ ਚੁੱਕ ਬੈਂਕਾਂ ਦੀ,
            ਕਰਜ਼ਿਆਂ ਨਾਲ ਲੋਕ ਘੁਲਣ ਇਕੱਲੇ ਇਕੱਲੇ।
ਲੋਕਾਂ ਵਿਚ ਨਫ਼ਰਤ ਭਰਦਾ ਵੋਟਾਂ ਲੈਣ ਲਈ,
            ਝੂਠੇ ਭਾਸ਼ਣ ਰਾਹੀਂ ਕਰਾਉਂਦਾ ਫੋਕੀ ਬੱਲੇ ਬੱਲੇ।
ਚੰਨ ਫੇਰ ਦੇਖ ਲੈਣਾ ਪਹਿਲਾਂ ਧਰਤੀ ਸੰਭਾਲ ਲਵੋ,
            ਸੇਖੋਂ ਨੇਤਾ ਲੁੱਟਣ ਲੱਗੇ ਬਣ ਕੰਪਨੀਆਂ ਦੇ ਦੱਲੇ।
- ਗੁਰਦਿੱਤ ਸਿੰਘ ਸੇਖੋਂ ਪਿੰਡ ਤੇ ਡਾਕ ਦਲੇਲ ਸਿੰਘ ਵਾਲਾ
ਮੋਬਾਈਲ ਨੰਬਰ 9781172781