ਅਮਰੀਕੀ ਰਾਸ਼ਟਰੀ ਡੋਨਾਲਡ ਟਰੰਪ ਨੇ ਕਿਹਾ ਕਿ ਅਮਰੀਕਾ ਅਪਣੇ ਸੁਰੱਖਿਆ ਬਲਾਂ ਨੂੰ ਜਲਦ ਹੀ ਸੀਰੀਆ ਤੋਂ ਵਾਪਸ ਬੁਲਾ ਲਵੇਗਾ। ਉਨ੍ਹਾਂ ਵਾਸ਼ਿੰਗਟਨ ਦੁਆਰਾ
ਵਾਸ਼ਿੰਗਟਨ : ਅਮਰੀਕੀ ਰਾਸ਼ਟਰੀ ਡੋਨਾਲਡ ਟਰੰਪ ਨੇ ਕਿਹਾ ਕਿ ਅਮਰੀਕਾ ਅਪਣੇ ਸੁਰੱਖਿਆ ਬਲਾਂ ਨੂੰ ਜਲਦ ਹੀ ਸੀਰੀਆ ਤੋਂ ਵਾਪਸ ਬੁਲਾ ਲਵੇਗਾ। ਉਨ੍ਹਾਂ ਵਾਸ਼ਿੰਗਟਨ ਦੁਆਰਾ ਪੱਛਮ ਏਸ਼ੀਆ ਵਿਚ ਸੱਤ ਹਜ਼ਾਰ ਅਰਬ ਅਮਰੀਕੀ ਡਾਲਰ ਦੀ ਬਰਬਾਦੀ 'ਤੇ ਵੀ ਖ਼ੇਦ ਪ੍ਰਗਟ ਕੀਤਾ। ਓਹਾਈਓ ਵਿਚ ਉਦਯੋਗਿਕ ਕਰਮਚਾਰੀਆਂ ਨੂੰ ਸੰਬੋਧਨ ਕਰਦੇ ਹੋਏ ਟਰੰਪ ਨੇ ਕਿਹਾ ਕਿ ਕਦੇ ਇਸਲਾਮਕ ਸਟੇਟ ਦੇ ਅੱਤਵਾਦੀਆਂ ਦੇ ਕਬਜ਼ੇ ਵਿਚ ਰਹੇ ਸਾਰੇ ਇਲਾਕਿਆਂ ਨੂੰ ਅਮਰੀਕੀ ਬਲ ਆਪਣੇ ਕਾਬੂ ਵਿਚ ਲੈਣ ਦੇ ਬੇਹੱਦ ਨੇੜੇ ਪਹੁੰਚ ਗਏ ਹਨ।
America will soon remove Security Forces From Syria
ਟਰੰਪ ਨੇ ਵਾਅਦਾ ਕੀਤਾ ਕਿ ਅਸੀਂ ਜਲਦ ਹੀ ਸੀਰੀਆ ਤੋਂ ਵਾਪਸ ਰਹੇ ਹਾਂ। ਹੁਣ ਦੂਜੇ ਲੋਕਾਂ ਨੂੰ ਹੀ ਇਸ ਨੂੰ ਦੇਖਣ ਦਿਓ। ਹਾਲਾਂਕਿ ਟਰੰਪ ਨੇ ਇਹ ਨਹੀਂ ਦਸਿਆ ਕਿ ਸੀਰੀਆ ਦੇ ਸਬੰਧ ਵਿਚ ਉਹ ਜਿਨ੍ਹਾਂ ਹੋਰ ਲੋਕਾਂ ਦੀ ਗੱਲ ਕਰ ਰਹੇ ਹਨ, ਉਹ ਕੌਣ ਹਨ?
America will soon remove Security Forces From Syria
ਜ਼ਿਕਰਯੋਗ ਹੈ ਕਿ ਸੀਰੀਆ ਵਿਚ ਬਸ਼ਰ ਅਲ ਅਸਦ ਦੀ ਸਰਕਾਰ ਨੂੰ ਸਮਰਥਨ ਦੇਣ ਲਈ ਰੂਸ ਅਤੇ ਇਰਾਨ ਦੇ ਸੁਰੱਖਿਆ ਬਲ ਵੱਡੀ ਗਿਣਤੀ ਵਿਚ ਉਥੇ ਮੌਜੂਦ ਹਨ। ਉਨ੍ਹਾਂ ਆਖਿਆ ਕਿ ਅਸੀਂ ਇੱਥੋਂ ਜਲਦ ਅਪਣੇ ਵਤਨ ਨੂੰ ਪਰਤ ਜਾਵਾਂਗੇ।
America will soon remove Security Forces From Syria
ਸੀਰੀਆ ਵਿਚ ਚੱਲ ਰਹੇ ਗ੍ਰਹਿ ਯੁੱਧ ਤੋਂ ਵੱਖ ਰਹਿਣ ਦੀ ਕੋਸ਼ਿਸ਼ ਕਰਦੇ ਹੋਏ ਪੂਰਬੀ ਸੀਰੀਆ ਵਿਚ ਅਮਰੀਕਾ ਦੇ 2000 ਤੋਂ ਜ਼ਿਆਦਾ ਫ਼ੌਜੀ ਸਥਾਨਕ ਮਿਲਿਸ਼ਿਆ ਸਮੂਹਾਂ ਦੇ ਨਾਲ ਮਿਲ ਕੇ ਇਸਲਾਮਕ ਸਟੇਟ ਦੇ ਅੱਤਵਾਦੀਆਂ ਵਿਰੁਧ ਲੜ ਰਹੇ ਹਨ।
