ਕੇਸ ਦੀ ਸੁਣਵਾਈ ਕਰਨ ਵਾਲੀ ਜਿਊਰੀ ਨੇ 13 ਦਸੰਬਰ ਨੂੰ ਵਰਮਾ ਵਿਰੁੱਧ ਆਪਣਾ ਫੈਸਲਾ ਸੁਣਾਇਆ।
ਨਵੀਂ ਦਿੱਲੀ: ਅਮਰੀਕਾ ਦੇ ਕੈਲੀਫੋਰਨੀਆ ਸੂਬੇ ਵਿਚ ਭਾਰਤੀ ਮੂਲ ਦੇ ਇਕ ਸਾਬਕਾ ਆਈਟੀ ਪੇਸ਼ੇਵਰ ਨੂੰ ਸਕਿਓਰਿਟੀਜ਼ ਧੋਖਾਧੜੀ ਦੇ ਚਾਰ ਇਲਜ਼ਾਮਾਂ ਵਿਚ ਦੋਸ਼ੀ ਠਹਿਰਾਇਆ ਗਿਆ ਹੈ। ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ। ਸ਼ਿਵਨਾਰਾਇਣ ਵਰਮਾ (48) 'ਤੇ ਸਕਿਓਰਿਟੀਜ਼ ਦੇ ਵਪਾਰ ਲਈ ਇਕ ਕੰਪਨੀ ਦੀ ਗੁਪਤ ਜਾਣਕਾਰੀ ਦੀ ਵਰਤੋਂ ਕਰਕੇ 7 ਮਿਲੀਅਨ ਅਮਰੀਕੀ ਡਾਲਰ ਦਾ ਗੈਰ-ਕਾਨੂੰਨੀ ਲਾਭ ਕਮਾਉਣ ਦਾ ਦੋਸ਼ ਸੀ।
ਇਹ ਵੀ ਪੜ੍ਹੋ: ਪੰਜਾਬ ਦੇ ਅਧਿਕਾਰੀ ਤੇ ਕਰਮਚਾਰੀ ਸਾਲ 2022 ਦੀਆਂ ਬਚੀਆਂ ਛੁੱਟੀਆਂ ਕਰ ਰਹੇ ਨੇ ਖ਼ਤਮ, ਦਫ਼ਤਰਾਂ 'ਚ ਕੰਮਕਾਜ ਠੱਪ
ਕੈਲੀਫੋਰਨੀਆ ਦੇ ਉੱਤਰੀ ਜ਼ਿਲ੍ਹੇ ਲਈ ਯੂਐਸ ਅਟਾਰਨੀ ਦੇ ਦਫ਼ਤਰ ਨੇ ਸ਼ੁੱਕਰਵਾਰ ਨੂੰ ਇਕ ਬਿਆਨ ਵਿਚ ਕਿਹਾ ਕਿ ਵਰਮਾ, ਜੋ ਪਹਿਲਾਂ ਸਿਲੀਕਾਨ ਵੈਲੀ ਵਿਚ ਕਈ ਟੈਕਨਾਲੋਜੀ ਕੰਪਨੀਆਂ ਵਿਚ ਕੰਮ ਕਰਦਾ ਸੀ, ਉੱਤੇ ਆਪਣੇ ਸਹਿ-ਮੁਦਾਇਕ ਨਾਲ ਸਕਿਓਰਿਟੀਜ਼ ਦੀ ਧੋਖਾਧੜੀ ਕਰਨ ਦੀ ਸਾਜ਼ਿਸ਼ ਰਚਣ ਦਾ ਦੋਸ਼ ਲਗਾਇਆ ਗਿਆ ਸੀ।
ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਸਹਿ-ਮੁਦਾਇਕ ਨੇ 2019 ਵਿਚ ਸਬੰਧਤ ਦੋਸ਼ਾਂ ਲਈ ਦੋਸ਼ ਸਵਿਕਾਰ ਕੀਤਾ ਹੈ। ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਕੇਸ ਦੀ ਸੁਣਵਾਈ ਕਰਨ ਵਾਲੀ ਜਿਊਰੀ ਨੇ 13 ਦਸੰਬਰ ਨੂੰ ਵਰਮਾ ਵਿਰੁੱਧ ਆਪਣਾ ਫੈਸਲਾ ਸੁਣਾਇਆ।
