ਫ਼ਿਲੀਪੀਨ ਦੇ ਰਾਸ਼ਟਰਪਤੀ ਰੋਦ੍ਰਿਗੋ ਦੁਤੇਰਤੇ ਨੇ ਕਮਿਊਨਿਸਟ ਬਾਗ਼ੀਆਂ ’ਤੇ ਪਿੰਡਾਂ ਦੇ ਲੋਕਾਂ ਨੂੰ ਨਕਦੀ ਅਤੇ ਭੋਜਨ ਦੇਣ ਜਾ ਰਹੇ ਦੋ ਫ਼ੌਜੀਆਂ ਦਾ ਕਤਲ ਕਰਨ
ਮਨੀਲਾ, 24 ਅਪ੍ਰੈਲ : ਫ਼ਿਲੀਪੀਨ ਦੇ ਰਾਸ਼ਟਰਪਤੀ ਰੋਦ੍ਰਿਗੋ ਦੁਤੇਰਤੇ ਨੇ ਕਮਿਊਨਿਸਟ ਬਾਗ਼ੀਆਂ ’ਤੇ ਪਿੰਡਾਂ ਦੇ ਲੋਕਾਂ ਨੂੰ ਨਕਦੀ ਅਤੇ ਭੋਜਨ ਦੇਣ ਜਾ ਰਹੇ ਦੋ ਫ਼ੌਜੀਆਂ ਦਾ ਕਤਲ ਕਰਨ ਦਾ ਦੋਸ਼ ਲਾਇਆ ਅਤੇ ਦੇਸ਼ ’ਚ ਮਾਰਸ਼ਲ ਕਾਨੂੰਨ ਲਾਗੂ ਕਰਨ ਦੀ ਧਮਕੀ ਦਿਤੀ। ਫ਼ਿਲੀਪੀਨ ਦੁਨੀਆ ਦੇ ਹੋਰ ਦੇਸ਼ਾਂ ਦੀ ਤਰ੍ਹਾਂ ਕੋਰੋਨਾ ਵਾਇਰਸ ਦੇ ਵੱਧ ਰਹੇ ਪ੍ਰਕੋਪ ਤੋਂ ਨਜਿਠਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ।
File photo
ਰਾਸ਼ਟਰਪਤੀ ਨੇ ਬੁਲਾਰੇ ਹੈਰੀ ਰੋਕ ਨੇ ਸ਼ੁਕਰਵਾਰ ਨੂੰ ਕਿਹਾ ਕਿ ਦੁਤੇਰਤੇ ਨੇ ਕੈਬਿਨਟ ਦੇ ਅਧਿਕਾਰੀਆਂ ਨਾਲ ਮੀਟਿੰਗ ’ਚ ਮਨੀਲਾ ਅਤੇ ਕਈ ਸੂਬਿਆਂ ਅਤੇ ਸ਼ਹਿਰਾਂ ’ਚ ਬੰਦ ਦੀ ਮਿਆਦ 15 ਮਈ ਤਕ ਵਧਾਉਣ ਦੀ ਮੰਜ਼ੂਰੀ ਦਿਤੀ ਹੈ। ਦੁਤੇਰਤੇ ਨੇ ਟੀਵੀ ’ਤੇ ਆਉਣ ਵਾਲੇ ਅਪਣੇ ਭਾਸ਼ਣ ’ਚ ਕਮਿਊਨਿਸ਼ਟ ਬਾਗ਼ੀਆਂ ਨੂੰ ਕਿਹਾ, ‘‘ਮੈਂ ਹਰੇਕ ਨੂੰ ਚਿਤਾਵਨੀ ਦੇ ਰਿਹਾ ਹਾਂ ਅਤੇ ਹਥਿਆਰਬੰਦ ਬਲਾਂ ਤੇ ਪੁਲਿਸ ਨੂੰ ਨੋਟਿਸ ਦੇ ਰਿਹਾ ਹਾਂ ਕਿ ਮੈਂ ਮਾਰਸ਼ਲ ਕਾਨੂੰਨ ਲਾਗੂ ਕਰ ਸਕਦਾ ਹਾਂ। ਇਸ ਦੇ ਬਾਅਦ ਪਿੱਛੇ ਨਹੀਂ ਹਟਿਆ ਜਾਵੇਗਾ।’’
ਦੁਤੇਰਤੇ ਨੇ ਦੋਸ਼ ਲਾਇਆ ਕਿ ‘ਨਿਊ ਪੀਪਲਜ਼ ਆਰਮੀ’ ਦੇ ਗੁਰਿੱਲਾ ਨੇ ਵੱਡੀ ਕੰਪਨੀਆਂ ਤੋਂ ਵੱਡੀ ਰਕਮ ਜ਼ਬਰਦਸਦੀ ਵਸੂਲੀ ਅਤੇ ਮਰੇ ਜਵਾਨਾਂ ਦੇ ਹਥਿਆਰ ਚੋਰੀ ਕੀਤੇ ਹਨ। ਬਾਗ਼ੀਆਂ ਨੇ ਇਨ੍ਹਾਂ ਦੋਸ਼ਾਂ ਤੋਂ ਇਨਕਾਰ ਕੀਤਾ ਅਤੇ ਕਿਹਾ ਕਿ ਉਹ ਪਿੰਡ ਦੇ ਲੋਕਾਂ ਦੀ ਇਸ ਮਹਾਂਮਾਰੀ ਤੋਂ ਲੜਨ ਵਿਚ ਮਦਦ ਕਰ ਰਹੇ ਹਨ। ਫ਼ਿਲੀਪੀਨ ’ਚ ਕੋਵਿਡ 19 ਦੇ 7000 ਮਾਮਲੇ ਸਾਹਮਣੇ ਆਏ ਹਨ ਅਤੇ 462 ਲੋਕਾਂ ਦੀ ਇਸ ਨਾਲ ਮੌਤ ਹੋ ਚੁੱਕੀ ਹੈ। (ਪੀਟੀਆਈ)
