ਬਜ਼ੁਰਗ ਸਿੱਖ ਵਿਅਕਤੀ ਨਾਲ ਬਦਸਲੂਕੀ
ਲੰਡਨ- ਬ੍ਰਿਟੇਨ ਵਿਚ ਕੋਰੋਨਾ ਵਾਇਰਸ ਦੀ ਮਹਾਂਮਾਰੀ ਨੂੰ ਲੈ ਕੇ ਅਫ਼ਰਾ ਤਫ਼ਰੀ ਵਿਚਕਾਰ ਇਕ ਬਜ਼ੁਰਗ ਸਿੱਖ ਵਿਅਕਤੀ ਨੂੰ ਪੂਰਬੀ ਲੰਡਨ ਵਿਚ ਸੁਪਰ ਮਾਰਕੀਟ ਦੇ ਕਰਮਚਾਰੀ ਦੁਆਰਾ ਬਦਸਲੂਕੀ ਕਰ ਕੇ ਬਾਹਰ ਕੱਢਣ ਦਾ ਵੀਡੀਉ ਫੈਲਿਆ ਹੈ।
File
ਸੋਸ਼ਲ ਮੀਡੀਆ 'ਤੇ ਵਾਇਰਲ ਵੀਡੀਉ ਵਿਚ ਇਕ ਅਣਪਛਾਤੇ ਵਿਅਕਤੀ ਨੂੰ ਇਲਫ਼ੋਰਡ ਸਥਿਤ ਆਇਸਲੈਂਡ ਸਟੋਰ ਵਿਚ ਕਰਮਚਾਰੀ ਦੁਆਰਾ ਬਹਿਸ ਹੋਣ 'ਤੇ ਧੱਕਾ ਦੇਂਦੇ ਹੋਇਆ ਦਿਖਾਇਆ ਗਿਆ ਹੈ।
File
ਵੀਡੀਉ ਵਿਚ ਵਿਅਕਤੀ ਲਗਾਤਾਰ ਕਹਿੰਦਾ ਹੋਇਆ ਦਿਖਾਈ ਦੇ ਰਿਹਾ ਹੈ ਕਿ ਕਰਮਚਾਰੀ ਨੇ ਉਸ ਨੂੰ ਧੱਕਾ ਦਿਤਾ ਜਿਸ ਤੋਂ ਬਾਅਦ ਉਸ ਨੂੰ ਦੁਕਾਨ ਤੋਂ ਬਾਹਰ ਨਿਕਲਣ ਲਈ ਕਿਹਾ ਗਿਆ।
File
ਯੂਜ਼ਰਜ਼ ਨੇ ਇਸ 'ਤੇ ਕਈ ਤਰ੍ਹਾਂ ਦੇ ਕੁਮੈਂਟਸ ਕੀਤੇ ਹਨ। ਇਕ ਯੂਜ਼ਰਜ਼ ਨੇ ਲਿਖਿਆ,''ਇਹ ਸਮਾਂ ਨਹੀਂ ਕਿ ਆਈਸਲੈਂਡ ਦੇ ਸਟਾਫ਼ ਮੈਂਬਰ ਬਜ਼ੁਰਗ ਗਾਹਕਾਂ 'ਤੇ ਹਮਲਾ ਕਰਨ। ਅਸੀ ਇਕ ਰਾਸ਼ਟਰੀ ਸੰਕਟ ਵਿਚ ਹਾਂ ਅਤੇ ਬਜ਼ੁਰਗ ਲੋਕ ਸੱਭ ਤੋਂ ਜ਼ਿਆਦਾ ਸੰਘਰਸ਼ ਕਰ ਰਹੇ ਹਨ।''
File
ਜ਼ਿਕਰਯੋਗ ਹੈ ਕਿ ਬ੍ਰਿਟੇਨ ਵਿਚ ਕੋਰੋਨਾ ਵਾਇਰਸ ਨਾਲ ਹੁਣ ਤਕ 104 ਲੋਕਾਂ ਦੀ ਮੌਤ ਹੋ ਚੁਕੀ ਹੈ ਅਤੇ ਸੱਭ ਤੋਂ ਜ਼ਿਆਦਾ ਮੌਤਾਂ ਲੰਡਨ ਵਿਚ ਹੋਈਆਂ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
