ਗ਼ਲਤ ਨਾਮ ਲੈਣ ਅਤੇ ਇਸ ਤਰ੍ਹਾਂ ਮਜ਼ਾਕ ਉਡਾਉਣ ਨਾਲ ਹੈਰਿਸ ਦੇ ਸਮਰਥਕ ਨਾਰਾਜ਼ ਹੋ ਗਏ
ਵਾਸ਼ਿੰਗਟਨ : ਜਾਰਜੀਆ ਵਿਚ ਇਕ ਚੋਣ ਰੈਲੀ ਵਿਚ ਰਿਪਬਲਿਕਨ ਪਾਰਟੀ ਦੇ ਸੇਨੇਟਰ ਡੇਵਿਡ ਪਰਡਯੂ ਵਲੋਂ ਡੈਮੋਕ੍ਰੇਟਿਕ ਪਾਰਟੀ ਦੀ ਉਪ ਰਾਸ਼ਟਰਪਤੀ ਅਹੁਦੇ ਦੀ ਉਮੀਦਵਾਰ ਕਮਲਾ ਹੈਰਿਸ ਦਾ ਲਗਾਤਾਰ ਗ਼ਲਤ ਨਾਮ ਲੈਣ ਤੋਂ ਨਾਰਾਜ਼ ਹੈਰਿਸ ਸਮਰਥਕਾਂ ਨੇ 'ਮਾਈ ਨੇਮ ਇਜ਼' ਅਤੇ 'ਆਈ ਸਟੈਂਡ ਵਿਦ ਕਮਲਾ' ਨਾਮ ਨਾਲ ਆਨਲਾਈਨ ਅਭਿਆਨ ਸ਼ੁਰੂ ਕੀਤਾ ਹੈ।
David Perdue
ਅਸਲ ਵਿਚ ਪਰਡਯੂ ਨੇ ਰਾਸ਼ਟਰਪਤੀ ਡੋਨਲਡ ਟਰੰਪ ਦੀ ਉਮੀਦਵਾਰੀ ਦੇ ਸਮਰਥਨ ਵਿਚ ਹੋਈ ਇਕ ਚੋਣ ਰੈਲੀ ਵਿਚ ਹੈਰਿਸ ਦਾ ਲਗਾਤਾਰ ਗ਼ਲਤ ਨਾਮ ਲੈ ਕੇ ਉਨ੍ਹਾਂ ਦਾ ਮਜ਼ਾਕ ਉਡਾਇਆ। ਸ਼ੁਕਰਵਾਰ ਨੂੰ ਮੇਕਨ ਸ਼ਹਿਰ ਵਿਚ ਇਕ ਰੈਲੀ ਵਿਚ ਪਰਡਯੂ ਨੇ ਹੈਰਿਸ ਲਈ ਕਿਹਾ ਸੀ,''ਕਾਹ-ਮਹ-ਲਾ ? ਕਮਲਾ-ਮਲਾ-ਮਲਾ ? ਪਤਾ ਨਹੀਂ ਕੀ ਹੈ।'' ਗ਼ਲਤ ਨਾਮ ਲੈਣ ਅਤੇ ਇਸ ਤਰ੍ਹਾਂ ਮਜ਼ਾਕ ਉਡਾਉਣ ਨਾਲ ਹੈਰਿਸ ਦੇ ਸਮਰਥਕ ਨਾਰਾਜ਼ ਹੋ ਗਏ।
Kamala Harris
ਉਥੇ ਹੀ ਹੈਰਿਸ ਦੇ ਬੁਲਾਰੇ ਸਬਰੀਨਾ ਸਿੰਘ ਨੇ ਕਿਹਾ,''ਮੈਂ ਇਸ ਨੂੰ ਆਸਾਨ ਕਰਦੀ ਹਾਂ, ਜੇਕਰ ਤੁਸੀ ਇਸ ਦਾ ਉਚਾਰਣ ਕਰ ਸਕੋ,'ਸਾਬਕਾ ਸੇਨੇਟਰ ਡੇਵਿਡ ਪਰਡਯੂ' ਤਾਂ ਤੁਸੀ ਕਹਿ ਸਕਦੇ ਹੋ, ਹੋਣ ਵਾਲੀ ਉਪ ਰਾਸ਼ਟਰਪਤੀ ਕਮਲਾ ਹੈਰਿਸ।'' ਨਿਊਯਾਰਕ ਦੇ ਦਖਣੀ ਜ਼ਿਲ੍ਹੇ ਦੀ ਸਾਬਕਾ ਅਟਾਰਨੀ ਜਨਰਲ ਪ੍ਰੀਤ ਭਰਾਰਾ ਨੇ ਟਵੀਟ ਕੀਤਾ,''ਮੇਰਾ ਨਾਮ ਪ੍ਰੀਤ ਹੈ, ਜਿਸ ਦਾ ਅਰਥ ਹੈ ਪਿਆਰ।'' ਇਸ ਤੋਂ ਇਲਾਵਾ ਕਈ ਭਾਰਤੀ ਮੂਲ ਦੀਆਂ ਨਾਮੀਂ ਹਸਤੀਆਂ ਨੇ ਵੀ ਅਪਣੇ ਹਿੰਦੀ ਨਾਵਾਂ ਦੀ ਵਿਆਖਿਆ ਕੀਤੀ ਅਤੇ ਬਿਆਨ ਪ੍ਰਤੀ ਰੋਸ ਜ਼ਾਹਰ ਕੀਤਾ।
