ਆਬਾਦੀ ਵਿਸਫੋਟ ਨੂੰ ਦੇਖਦੇ ਹੋਏ 1970 ਦੇ ਦਹਾਕੇ ਵਿਚ ਚੀਨ 'ਚ ਇਕ ਬੱਚਾ ਨੀਤੀ ਨੂੰ ਲਾਗੂ ਕੀਤਾ ਗਿਆ ਸੀ ਪਰ ਲਿੰਗ ਅਨੁਪਾਤ ਵਿਚ ਅਸੰਤੁਲਨ ਨੂੰ ਦੇਖਦੇ ਹੋਏ ਹੁਣ ਉਥੇ...
ਬੀਜਿੰਗ : ਆਬਾਦੀ ਵਿਸਫੋਟ ਨੂੰ ਦੇਖਦੇ ਹੋਏ 1970 ਦੇ ਦਹਾਕੇ ਵਿਚ ਚੀਨ 'ਚ ਇਕ ਬੱਚਾ ਨੀਤੀ ਨੂੰ ਲਾਗੂ ਕੀਤਾ ਗਿਆ ਸੀ ਪਰ ਲਿੰਗ ਅਨੁਪਾਤ ਵਿਚ ਅਸੰਤੁਲਨ ਨੂੰ ਦੇਖਦੇ ਹੋਏ ਹੁਣ ਉਥੇ ਇਕ ਨਵਾਂ ਫਰਮਾਨ ਜਾਰੀ ਕੀਤਾ ਗਿਆ ਹੈ। ਬੱਚੇ ਦੇ ਜਨਮ ਨੂੰ ਵਧਾਵਾ ਦੇਣ ਲਈ ਦੋ ਚੀਨੀ ਸੰਸਥਾਵਾਂ ਨੇ ਇਕ ਵਿਵਾਦਿਤ ਫਰਮਾਨ ਜਾਰੀ ਕੀਤਾ ਹੈ। ਚੀਨ ਵਿੱਚ ਨੌਜਵਾਨਾਂ ਦੀ ਗਿਣਤੀ 'ਚ ਲਗਾਤਾਰ ਕਮੀ ਹੋ ਰਹੀ ਹੈ ਅਤੇ ਬਜ਼ੁਰਗਾਂ ਦੀ ਗਿਣਤੀ ਵੱਧਦੀ ਜਾ ਰਹੀ ਹੈ। ਇਸ ਸਮੱਸਿਆ ਤੋਂ ਨਜਿੱਠਣ ਲਈ ਇਹ ਨਵੇਂ ਨਿਯਮ ਜਾਰੀ ਕੀਤੇ ਗਏ ਹਨ।
No children Pay tax
ਨਵੇਂ ਨਿਯਮ ਦੇ ਮੁਤਾਬਕ ਜੇਕਰ ਕਿਸੇ ਜੋੜੇ ਕੋਲ ਦੋ ਬੱਚੇ ਹਨ ਜਾਂ ਇਕ ਵੀ ਬੱਚੇ ਨਹੀਂ ਹੈ ਉਨ੍ਹਾਂ ਨੂੰ ਮੈਟਰਨਿਟੀ ਫੰਡ ਦੇਣਾ ਹੋਵੇਗਾ। ਇਸ ਨਵੇਂ ਨਿਯਮ ਨੇ ਚੀਨ ਵਿਚ ਸੋਸ਼ਲ ਮੀਡੀਆ 'ਤੇ ਇਕ ਨਵੀਂ ਬਹਿਸ ਛੇੜ ਦਿੱਤੀ ਹੈ। ਚੀਨ ਜਿਥੇ ਦੀ ਕਮਿਊਨਿਸਟ ਸਰਕਾਰ ਦੇ ਵਲੋਂ ਲਾਗੂ ਤਰ੍ਹਾਂ - ਤਰ੍ਹਾਂ ਦੇ ਪਰਵਾਰ ਨਿਯੋਜਨ ਦੀਆਂ ਯੋਜਨਾਵਾਂ ਲਗਾਤਾਰ ਚਰਚਾ ਵਿਚ ਰਹੀ ਹੈ। ਦਹਾਕਿਆਂ ਤੋਂ ਉੱਥੇ ਇਕ ਬੱਚਾ ਨੀਤੀ ਲਾਗੂ ਹੈ। ਦੁਨੀਆਂ ਵਿਚ ਸੱਭ ਤੋਂ ਜ਼ਿਆਦਾ ਆਬਾਦੀ ਵਾਲਾ ਦੇਸ਼ ਹੁਣ ਤੇਜੀ ਨਾਲ ਬੁੱਢੀ ਹੋ ਰਹੀ ਅਪਣੀ ਆਬਾਦੀ ਨੂੰ ਲੈ ਕੇ ਚਿੰਤਤ ਹੈ।
No children Pay tax
ਚੀਨ ਨੂੰ ਇਸ ਗੱਲ ਦੀ ਚਿੰਤਾ ਸਤਾਅ ਰਹੀ ਹੈ ਕਿ ਤੇਜੀ ਨਾਲ ਬੁੱਢੀ ਹੋ ਰਹੀ ਆਬਾਦੀ ਕਾਰਨ ਦੇਸ਼ ਵਿਚ ਕੰਮ ਕਰਨ ਦੀ ਸ਼ੈਲੀ ਵਿਚ ਰਫ਼ਤਾਰ ਘੱਟ ਰਹੀ ਹੈ ਜਿਸ ਦੇ ਨਾਲ ਦੇਸ਼ ਦੀ ਆਰਥਿਕਤਾ ਦੇ ਕਮਜ਼ੋਰ ਹੋਣ ਦਾ ਖ਼ਤਰਾ ਵੱਧ ਰਿਹਾ ਹੈ। ਇਸ ਤੋਂ ਇਲਾਵਾ ਲਿੰਗ ਅਨੁਪਾਤ ਵਿਚ ਅਸੰਤੁਲਨ ਵੀ ਇਕ ਵੱਡੀ ਸਮਾਜਿਕ ਸਮੱਸਿਆ ਹੈ। ਦੋ ਸੰਸਥਾਵਾਂ ਨੇ ਮੰਗਲਵਾਰ ਨੂੰ ਕਿਹਾ ਕਿ 40 ਤੋਂ ਘੱਟ ਉਮਰ ਵਾਲੇ ਪਤੀ-ਪਤਨੀ ਜਿਨ੍ਹਾਂ ਦੇ ਦੋ ਬੱਚੇ ਹਨ ਜਾਂ ਇਕ ਵੀ ਨਹੀਂ ਹਨ ਉਨ੍ਹਾਂ ਨੂੰ ਇਕ ਨਿਸ਼ਚਿਤ ਟੈਕਸ ਦੇਣਾ ਪਵੇਗਾ।
No children Pay tax
ਜਾਰੀ ਐਲਾਨ ਦੇ ਮੁਤਾਬਕ ਜੇਕਰ ਕਿਸੇ ਪਰਵਾਰ ਕੋਲ ਦੋ ਬੱਚੇ ਤੋਂ ਜ਼ਿਆਦਾ ਹੋ ਗਏ ਹਨ ਤਾਂ ਉਹ ਫੰਡ ਵਿਚ ਜਮ੍ਹਾਂ ਕੀਤੀ ਅਪਣੀ ਰਾਸ਼ੀ ਵਾਪਸ ਲੈਣ ਲਈ ਆਵੇਦਨ ਕਰ ਸਕਦੇ ਹਨ। ਉਥੇ ਹੀ ਦੂਜੀ ਸੰਸਥਾ ਨੇ ਕਿਹਾ ਹੈ ਕਿ ਜਿਨ੍ਹਾਂ ਦੇ ਦੋ ਹੀ ਬੱਚੇ ਜਾਂ ਉਸ ਤੋਂ ਘੱਟ ਹਨ ਉਹ ਅਪਣੇ ਪੈਸੇ ਰਿਟਾਇਰਮੈਂਟ ਦੇ ਸਮੇਂ ਵਾਪਸ ਲੈ ਸਕਦੇ ਹਨ। ਇਸ ਨਵੇਂ ਐਲਾਨ ਤੋਂ ਬਾਅਦ ਤੋਂ ਚੀਨ ਵਿਚ ਟਵਿਟਰ 'ਤੇ ਬਹੁਤ ਬਹਿਸ ਛਿੜ ਗਈ ਹੈ। ਕਿਸੇ ਇੰਟਰਨੈਟ ਯੂਜ਼ਰ ਨੇ ਕਿਹਾ ਕਿ ਇਹ ਐਲਾਨ ਉਨ੍ਹਾਂ ਦੀ ਜਾਂਚ ਅਤੇ ਪ੍ਰੋਫੈਸ਼ਨਲਿਜ਼ਮ ਦੀ ਕਮੀ ਨੂੰ ਦਰਸ਼ਾਉਂਦਾ ਹੈ।
No children Pay tax
ਦੱਸ ਦਈਏ ਕਿ 1970 ਦੇ ਦਹਾਕੇ ਵਿਚ ਹੀ ਚੀਨ ਵਿਚ ਵਨ ਚਾਈਲਡ ਪਾਲਿਸੀ ਲਾਗੂ ਕਰ ਦਿਤੀ ਗਈ ਸੀ। ਉਦੋਂ ਤੋਂ ਹੀ ਇਕ ਤੋਂ ਜ਼ਿਆਦਾ ਬੱਚਾ ਹੋਣ 'ਤੇ ਪਤੀ-ਪਤਨੀ ਨੂੰ ਜੁਰਮਾਨਾ ਭਰਨਾ ਪੈਂਦਾ ਸੀ। ਕਈ ਔਰਤਾਂ ਨੂੰ ਜਬਰਨ ਗਰਭਪਾਤ ਲਈ ਮਜਬੂਰ ਕੀਤਾ ਗਿਆ ਸੀ। ਅੰਕੜਿਆਂ ਦੀਆਂ ਮੰਨੀਏ ਤਾਂ ਹਾਲ 'ਚ 2016 ਵਿਚ 17.9 ਮਿਲੀਅਨ ਬੱਚਿਆਂ ਨੇ ਜਨਮ ਲਿਆ ਸੀ। 2017 'ਚ 17.23 ਮਿਲੀਅਨ ਬੱਚਿਆਂ ਨੇ ਜਨਮ ਲਿਆ ਸੀ।
