ਕੀ ਤੁਸੀਂ ਕਦੇ ਪਲਾਸਟਿਕ ਦੇ ਮੀਂਹ ਬਾਰੇ ਦੇਖਿਆ ਜਾਂ ਸੁਣਿਆ ਹੈ ? ਜੇਕਰ ਨਹੀਂ ਤਾਂ ਹੁਣ ਸੁਣ ਲਓ। ਹਾਲ ਹੀ ਵਿੱਚ ਯੂਐਸ ਵਿੱਚ ਹੋਈ
ਅਮਰੀਕਾ : ਕੀ ਤੁਸੀਂ ਕਦੇ ਪਲਾਸਟਿਕ ਦੇ ਮੀਂਹ ਬਾਰੇ ਦੇਖਿਆ ਜਾਂ ਸੁਣਿਆ ਹੈ ? ਜੇਕਰ ਨਹੀਂ ਤਾਂ ਹੁਣ ਸੁਣ ਲਓ। ਹਾਲ ਹੀ ਵਿੱਚ ਯੂਐਸ ਵਿੱਚ ਹੋਈ ਇੱਕ ਸਟਡੀ ਵਿੱਚ ਖੁਲਾਸਾ ਹੋਇਆ ਹੈ ਕਿ ਹੁਣ ਪਲਾਸਟਿਕ ਦੇ ਕਣਾਂ ਵਾਲੀ ਬਾਰਿਸ਼ ਹੋ ਰਹੀ ਹੈ। ਇਹ ਸਰਵੇ ਯੂਐਸ ਜਿਓਲਾਜ਼ੀਕਲ ਸਰਵੇ ਅਤੇ ਯੂਐਸ ਇੰਟੀਰੀਅਰ ਡਿਪਾਰਟਮੈਂਟ ਦੇ ਵਿਗਿਆਨੀਆਂ ਨੇ ਮਿਲ ਕੇ ਕੀਤਾ ਹੈ।
Raining plastic
ਵਿਗਿਆਨੀ ਨੰਗੀ ਅੱਖਾਂ ਨਾਲ ਪਲਾਸਟਿਕ ਨਾ ਦੇਖ ਸਕੇ ਪਰ ਮਾਇਕਰੋਸਕੋਪ ਅਤੇ ਡਿਜ਼ੀਟਲ ਕੈਮਰੇ ਦੇ ਜ਼ਰੀਏ ਉਨ੍ਹਾਂ ਨੇ ਮੀਂਹ 'ਚ ਪਲਾਸਟਿਕ ਦੇ ਕਣ ਦੇਖੇ।ਸਰਵੇ ਵਿੱਚ 90 ਫ਼ੀਸਦੀ ਸੈਂਪਲਸ 'ਚ ਪਲਾਸਟਿਕ ਦੇ ਕਣ ਮਿਲੇ, ਜਿਆਦਾਤਰ ਪਲਾਸਟਿਕ ਫਾਇਬਰ ਦੇ ਰੂਪ ਵਿੱਚ ਸੀ। ਇਸ ਤੋਂ ਇਲਾਵਾ ਇਹ ਰੰਗ - ਬਿਰੰਗੀ ਪਲਾਸਟਿਕ ਸੀ। ਸ਼ਹਿਰੀ ਖੇਤਰਾਂ 'ਚ ਪੇਂਡੂ ਖੇਤਰਾਂ ਦੀ ਤੁਲਨਾ 'ਚ ਜ਼ਿਆਦਾ ਪਲਾਸਟਿਕ ਬਰਾਮਦ ਹੋਈ ਹੈ।
Raining plastic
ਹਾਲਾਂਕਿ ਸਮੁੰਦਰ ਦੇ ਪੱਧਰ ਤੋਂ 10400 ਫੁੱਟ ਦੀ ਉਚਾਈ 'ਤੇ ਪਹਾੜੀ ਖੇਤਰ ਦੇ ਸੈਂਪਲਸ 'ਚ ਵੀ ਪਲਾਸਟਿਕ ਦੇ ਕਣ ਪਾਏ ਗਏ ਹਨ। ਹਾਲਾਂਕਿ ਇਹ ਸਾਫ਼ ਨਹੀਂ ਹੋ ਸਕਿਆ ਕਿ ਇਹ ਪਲਾਸਟਿਕ ਕਿੱਥੋ ਆ ਰਹੀ ਹੈ ਪਰ ਪਲਾਸਟਿਕ ਦਾ ਵਧਦਾ ਇਸਤੇਮਾਲ ਪੂਰੀ ਦੁਨੀਆ ਵਿੱਚ ਇੱਕ ਗੰਭੀਰ ਸਮੱਸਿਆ ਦਾ ਰੂਪ ਧਾਰਨ ਕਰ ਚੁੱਕਿਆ ਹੈ। ਇਸ ਸਟੱਡੀ ਤੋਂ ਬਾਅਦ ਇਹ ਸਵਾਲ ਉਠ ਰਹੇ ਹਨ ਕਿ ਅਖੀਰ ਸਾਡੀ ਹਵਾ, ਪਾਣੀ ਅਤੇ ਮਿੱਟੀ 'ਚ ਕਿੰਨੀ ਭਾਰੀ ਮਾਤਰਾ 'ਚ ਪਲਾਸਟਿਕ ਜਮ੍ਹਾ ਹੋ ਚੁੱਕੀ ਹੈ।
Raining plastic
ਵਿਗਿਆਨੀਆਂ ਨੇ ਇਸ ਤੋਂ ਪਹਿਲਾਂ ਵੀ ਮੀਂਹ ਵਿੱਚ ਪਲਾਸਟਿਕ ਦੇ ਸੂਖਮ ਕਣ ਦਾ ਪਤਾ ਲਗਾਇਆ ਹੈ। ਦੱਖਣੀ ਫ਼ਰਾਂਸ 'ਚ ਉਨ੍ਹਾਂ ਨੇ ਮੀਂਹ ਦੇ ਨਾਲ ਪਲਾਸਟਿਕ ਦੇ ਕਣਾਂ ਨੂੰ ਵੀ ਡਿੱਗਦੇ ਦੇਖਿਆ ਹੈ। ਪਲਾਸਟਿਕ ਦੇ ਟਰੀਲੀਅਨਾਂ ਟੁਕੜੇ ਸਮੁੰਦਰ ਵਿੱਚ ਤੈਰਦੇ ਰਹਿੰਦੇ ਹਨ। ਇੱਕ ਹੋਰ ਸਟੱਡੀ ਵਿੱਚ ਪਾਇਆ ਗਿਆ ਸੀ ਕਿ ਲੋਕ ਹਰ ਹਫ਼ਤੇ ਕਰੀਬ 5 ਗ੍ਰਾਮ ਪਲਾਸਟਿਕ ਖਾ ਰਹੇ ਹਨ ਜੋ ਇੱਕ ਕਰੈਡਿਟ ਕਾਰਡ ਦੇ ਭਾਰ ਦੇ ਬਰਾਬਰ ਹੈ।
Raining plastic
ਸਰਵੇ ਵਿੱਚ ਸ਼ਾਮਿਲ ਖੋਜਕਰਤਾ ਵੀਦਰਬੀ ਨੇ ਕਿਹਾ, ਮੈਨੂੰ ਲੱਗਦਾ ਹੈ ਕਿ ਇਸ ਸਟੱਡੀ ਨਾਲ ਸਭ ਤੋਂ ਜਰੂਰੀ ਗੱਲ ਇਹ ਸਾਹਮਣੇ ਆਈ ਹੈ ਕਿ ਅਸੀ ਜਿੰਨੀ ਪਲਾਸਟਿਕ ਦੇਖ ਸਕਦੇ ਹਾਂ, ਉਸ ਤੋਂ ਜ਼ਿਆਦਾ ਪਲਾਸਟਿਕ ਹਰ ਜਗ੍ਹਾ ਮੌਜੂਦ ਹੈ। ਇਹ ਮੀਂਹ ਵਿੱਚ ਹੈ, ਬਰਫ ਵਿੱਚ ਹੈ ਅਤੇ ਹੁਣ ਵਾਤਾਵਰਣ ਦਾ ਵੀ ਹਿੱਸਾ ਬਣ ਚੁੱਕਿਆ ਹੈ।
