ਕੁੱਤੇ ਨੂੰ ਇਨਸਾਨਾਂ ਪ੍ਰਤੀ ਸਭ ਤੋਂ ਜ਼ਿਆਦਾ ਵਫਾਦਾਰ ਮੰਨਿਆ ਜਾਂਦਾ ਹੈ।
ਨਵੀਂ ਦਿੱਲੀ: ਕੁੱਤੇ ਨੂੰ ਇਨਸਾਨਾਂ ਪ੍ਰਤੀ ਸਭ ਤੋਂ ਜ਼ਿਆਦਾ ਵਫਾਦਾਰ ਮੰਨਿਆ ਜਾਂਦਾ ਹੈ। ਲੋਕ ਅਪਣੇ ਪਾਲਤੂ ਕੁੱਤਿਆਂ ਨੂੰ ਬੇਹੱਦ ਪਿਆਰ ਕਰਦੇ ਹਨ ਅਤੇ ਉਹਨਾਂ ਦੀ ਹਰ ਸਹੂਲਤ ਦਾ ਖਿਆਲ ਰੱਖਦੇ ਹਨ।
Dog
ਮਾਲਕ ਨਾਲ ਕੁੱਤੇ ਦੀ ਵਫ਼ਾਦਾਰੀ ਦੀ ਇਕ ਉਦਾਹਰਣ ਚੀਨ ਵਿਚ ਦੇਖਣ ਨੂੰ ਮਿਲੀ ਜਿੱਥੇ ਮਾਲਕ ਨੇ ਕਥਿਤ ਤੌਰ 'ਤੇ ਖੁਦਕੁਸ਼ੀ ਕੀਤੀ। ਉਸੇ ਸਮੇਂ ਉਸ ਦਾ ਕੁੱਤਾ ਉਸ ਦੇ ਪਰਤਣ ਲਈ 4 ਦਿਨ ਇੰਤਜ਼ਾਰ ਕਰਦਾ ਰਿਹਾ।
Dog
ਚੀਨ ਵਿਚ ਇਕ ਕੁੱਤੇ ਨੇ ਦੇਖਿਆ ਕਿ ਉਸ ਦੇ ਮਾਲਕ ਨੇ ਪੁਲ ਤੋਂ ਹੇਠਾਂ ਛਾਲ ਲਗਾ ਕੇ ਆਤਮ ਹੱਤਿਆ ਕਰ ਲਈ ਪਰ ਫਿਰ ਵੀ ਉਹ ਚਾਰ ਦਿਨਾਂ ਤੱਕ ਉਸੇ ਪੁਲ 'ਤੇ ਬੈਠਿਆ ਰਿਹਾ ਤੇ ਅਪਣੇ ਮਾਲਕ ਦਾ ਇੰਤਜ਼ਾਰ ਕਰਦਾ ਰਿਹਾ। ਇਸ ਦੌਰਾਨ ਉੱਥੋਂ ਗੁਜ਼ਰ ਰਹੇ ਇਕ ਵਿਅਕਤੀ ਨੇ ਚਾਰ ਦਿਨ ਤੋਂ ਅਪਣੇ ਮਾਲਕ ਦਾ ਇੰਤਜ਼ਾਰ ਕਰ ਰਹੇ ਕੁੱਤੇ ਦੀ ਤਸਵੀਰ ਖਿੱਚ ਲਈ।
Dog
ਮਾਲਕ ਪ੍ਰਤੀ ਕੁੱਤੇ ਦੀ ਵਫਾਦਾਰੀ ਦੇਖ ਕੇ ਉਸ ਵਿਅਕਤੀ ਨੇ ਕੁੱਤੇ ਨੂੰ ਗੋਦ ਲੈਣ ਦੀ ਸੋਚੀ ਪਰ ਉਹ ਉੱਥੋਂ ਭੱਜ ਗਿਆ। ਸਥਾਨਕ ਵਲੰਟੀਅਰਾਂ ਦੀ ਸਹਾਇਤਾ ਨਾਲ ਵੁਹਾਨ ਸਮਾਲ ਐਨੀਮਲ ਪ੍ਰੋਟੈਕਸ਼ਨ ਐਸੋਸੀਏਸ਼ਨ ਦੇ ਡਾਇਰੈਕਟਰ ਡੂ ਫੈਨ ਹੁਣ ਕੁੱਤੇ ਦੀ ਭਾਲ ਕਰ ਰਹੇ ਹਨ ਤਾਂ ਜੋ ਇਸ ਦੇ ਰਹਿਣ ਲਈ ਪ੍ਰਬੰਧ ਕੀਤਾ ਜਾਵੇ।
Dog
ਚਸ਼ਮਦੀਦ ਗਵਾਹਾਂ ਨੇ ਦੱਸਿਆ ਕਿ ਕੁੱਤਾ 30 ਮਈ ਦੀ ਸ਼ਾਮ ਨੂੰ ਆਪਣੇ ਮਾਲਕ ਦੇ ਮਗਰ ਆਇਆ ਅਤੇ ਉਸ ਪੁਲ ਕੋਲ ਪਹੁੰਚਿਆ ਜਿੱਥੋਂ ਉਸ ਦੇ ਮਾਲਕ ਨੇ ਛਾਲ ਮਾਰ ਦਿੱਤੀ ਅਤੇ ਮਾਲਕ ਦੀ ਮੌਤ ਹੋ ਗਈ। ਮਾਲਕ ਦੀ ਮੌਤ ਤੋਂ ਬਾਅਦ ਵੀ ਕੁੱਤਾ ਉਸ ਜਗ੍ਹਾ 'ਤੇ ਚਾਰ ਦਿਨ ਬੈਠਾ ਰਿਹਾ।
