Islamabad’s Lal Masjid cleric Ghazi: ਇਸਲਾਮਾਬਾਦ ਲਾਲ ਮਸਜਿਦ ਦੇ ਮੌਲਵੀ ਗਾਜ਼ੀ ਨੇ ਭਾਰਤ ਨਾਲ ‘ਜੰਗ’ ’ਤੇ ਕਿਹਾ
ਭਾਰਤ ਨਾਲ ਜੰਗ ਇਸਲਾਮੀ ਜੰਗ ਨਹੀਂ ਹੋਵੇਗੀ : ਮੌਲਵੀ
‘Pakistan bombs its own people’: ਇਸਲਾਮਾਬਾਦ ਦੀ ਲਾਲ ਮਸਜਿਦ ਵਿੱਚ ਇੱਕ ਭੜਕਾਉ ਉਪਦੇਸ਼ ਵਿੱਚ, ਵਿਵਾਦਤ ਮੌਲਵੀ ਅਬਦੁਲ ਅਜ਼ੀਜ਼ ਗਾਜ਼ੀ ਨੇ ਪਾਕਿਸਤਾਨ ਸਰਕਾਰ ’ਤੇ ਤਿੱਖਾ ਹਮਲਾ ਬੋਲਿਆ ਅਤੇ ਦਾਅਵਾ ਕੀਤਾ ਕਿ ਭਾਰਤ ਨਾਲ ਜੰਗ ਇਸਲਾਮੀ ਜੰਗ ਨਹੀਂ ਹੋਵੇਗੀ। ਸੋਸ਼ਲ ਮੀਡੀਆ ’ਤੇ ਸ਼ੇਅਰ ਕੀਤੀ ਜਾ ਰਹੀ ਇੱਕ ਵੀਡੀਓ ਕਲਿੱਪ ਵਿੱਚ ਉਸਨੂੰ ਕਥਿਤ ਤੌਰ ’ਤੇ ਪਾਕਿਸਤਾਨ ਦੇ ਅੰਦਰੂਨੀ ਉਥਲ-ਪੁਥਲ ਦੀ ਇੱਕ ਕਠੋਰ ਤਸਵੀਰ ਪੇਸ਼ ਕਰਦੇ ਹੋਏ, ਸਰਕਾਰ ਨੂੰ ਦਮਨਕਾਰੀ ਕਹਿੰਦੇ ਹੋਏ ਸੁਣਿਆ ਜਾ ਸਕਦਾ ਹੈ। ਗਾਜ਼ੀ ਨੇ ਦੇਸ਼ ਦੇ ਅੰਦਰ ਡੂੰਘੇ ਹੁੰਦੇ ਸੰਕਟ ਵੱਲ ਇਸ਼ਾਰਾ ਕੀਤਾ ਅਤੇ ਰਾਜ ’ਤੇ ਆਪਣੇ ਨਾਗਰਿਕਾਂ ਵਿਰੁੱਧ ਯੋਜਨਾਬੱਧ ਹਿੰਸਾ ਅਤੇ ਬੇਇਨਸਾਫ਼ੀ ਕਰਨ ਦਾ ਦੋਸ਼ ਲਗਾਇਆ।
ਲਾਲ ਮਸਜਿਦ ’ਚ ਸ਼ੁੱਕਰਵਾਰ ਦੀ ਨਮਾਜ਼ ਦੌਰਾਨ ਇਕੱਠ ਨੂੰ ਸੰਬੋਧਨ ਕਰਦਿਆਂ ਅਜ਼ੀਜ਼ ਗਾਜ਼ੀ ਨੇ ਪੁੱਛਿਆ, ‘ਜੇਕਰ ਪਾਕਿਸਤਾਨ ਅਤੇ ਭਾਰਤ ਵਿਚਕਾਰ ਜੰਗ ਛਿੜ ਜਾਂਦੀ ਹੈ, ਤਾਂ ਤੁਹਾਡੇ ’ਚੋਂ ਕਿੰਨੇ ਲੋਕ ਪਾਕਿਸਤਾਨ ਦਾ ਸਮਰਥਨ ਕਰਨਗੇ? ਆਪਣੇ ਹੱਥ ਖੜ੍ਹੇ ਕਰੋ।’ ਭੀੜ ਵਿੱਚ ਚੁੱਪ ਤੇ ਪ੍ਰਤੀਕਿਰਿਆ ਦੀ ਘਾਟ ਨੂੰ ਦੇਖਦੇ ਹੋਏ, ਉਸਨੇ ਕਿਹਾ, ‘ਬਹੁਤ ਘੱਟ ਹੱਥ ਦਿਖਾਈ ਦੇ ਰਹੇ ਹਨ। ਇਸਦਾ ਮਤਲਬ ਹੈ ਕਿ ਜਾਗਰੂਕਤਾ ਦਾ ਇੱਕ ਚੰਗਾ ਪੱਧਰ ਵਿਕਸਤ ਹੋਇਆ ਹੈ। ਮੁੱਦਾ ਇਹ ਹੈ ਕਿ ਪਾਕਿਸਤਾਨ ਅਤੇ ਭਾਰਤ ਵਿਚਕਾਰ ਜੰਗ ਇਸਲਾਮੀ ਜੰਗ ਨਹੀਂ ਹੈ।’
ਉਸ ਨੇ ਅੱਗੇ ਕਿਹਾ, ‘ਅੱਜ ਪਾਕਿਸਤਾਨ ਵਿੱਚ ਕੁਫ਼ਰ ਦਾ ਵਿਵਸਥਾ ਹੈ, ਇੱਕ ਜ਼ਾਲਮ ਵਿਵਸਥਾ ਹੈ, ਜੋ ਕਿ ਭਾਰਤ ਤੋਂ ਵੀ ਭੈੜੀ ਹੈ। ਭਾਰਤ ਵਿੱਚ ਓਨਾ ਜ਼ੁਲਮ ਨਹੀਂ ਹੈ ਜਿੰਨਾ ਪਾਕਿਸਤਾਨ ’ਚ ਹੈ। ਕੀ ਲਾਲ ਮਸਜਿਦ ਵਰਗੀ ਕੋਈ ਭਿਆਨਕ ਘਟਨਾ ਭਾਰਤ ਵਿੱਚ ਵਾਪਰੀ ਹੈ?’’ ਵਜ਼ੀਰਿਸਤਾਨ ਅਤੇ ਖੈਬਰ ਪਖਤੂਨਖਵਾ ਵਿੱਚ ਵਾਪਰੀਆਂ ਘਟਨਾਵਾਂ ਦਾ ਹਵਾਲਾ ਦਿੰਦੇ ਹੋਏ, ਉਨ੍ਹਾਂ ਪੁੱਛਿਆ, ‘‘ਕੀ ਭਾਰਤ ਵਿੱਚ ਵੀ ਉਹੀ ਬੇਰਹਿਮੀ ਹੋਈ ਹੈ ਜੋ ਵਜ਼ੀਰਿਸਤਾਨ ਅਤੇ ਖੈਬਰ ਪਖਤੂਨਖਵਾ ਵਿੱਚ ਹੋਈ ਸੀ? ਕੀ ਉਨ੍ਹਾਂ ਦੇ ਲੜਾਕੂ ਜਹਾਜ਼ਾਂ ਨੇ ਆਪਣੇ ਹੀ ਲੋਕਾਂ ’ਤੇ ਉਸੇ ਤਰ੍ਹਾਂ ਬੰਬਾਰੀ ਕੀਤੀ ਹੈ ਜਿਵੇਂ ਸਾਡੇ ਜਹਾਜ਼ਾਂ ਨੇ ਕੀਤੀ ਹੈ? ਕੀ ਭਾਰਤ ਵਿੱਚ ਇੰਨੇ ਸਾਰੇ ਲੋਕਾਂ ਦੇ ਲਾਪਤਾ ਹੋਣ ਦੀ ਖ਼ਬਰ ਹੈ? ਇੱਥੇ ਲੋਕ ਆਪਣੇ ਅਜ਼ੀਜ਼ਾਂ ਦੀ ਭਾਲ ਵਿੱਚ ਵਿਰੋਧ ਪ੍ਰਦਰਸ਼ਨ ਕਰਦੇ-ਕਰਦੇ ਥੱਕ ਗਏ ਹਨ। ਇੱਥੇ ਮੌਲਵੀ ਲਾਪਤਾ ਹਨ, ਪੱਤਰਕਾਰ ਲਾਪਤਾ ਹਨ, ਤਹਿਰੀਕ-ਏ-ਇਨਸਾਫ਼ ਦੇ ਮੈਂਬਰ ਲਾਪਤਾ ਹਨ।’’
ਸੋਸ਼ਲ ਮੀਡੀਆ ’ਤੇ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ, ਬਹੁਤ ਸਾਰੇ ਲੋਕ ਕਹਿ ਰਹੇ ਹਨ ਕਿ ਗਾਜ਼ੀ, ਜਿਸਨੂੰ ਕਦੇ ਸੱਤਾਧਾਰੀ ਸੰਸਥਾ ਦਾ ਪੋਸਟਰ ਬੁਆਏ ਮੰਨਿਆ ਜਾਂਦਾ ਸੀ, ਹੁਣ ਪਾਕਿਸਤਾਨ ਵਿੱਚ ਪ੍ਰਧਾਨ ਮੰਤਰੀ ਸ਼ਾਹਬਾਜ਼ ਸ਼ਰੀਫ ਦੀ ਅਗਵਾਈ ਵਾਲੀ ਸਰਕਾਰ ਦਾ ਖੁਲ੍ਹ ਕੇ ਵਿਰੋਧ ਕਰ ਰਿਹਾ ਹੈ।
(For more news apart from Islamabad Latest News, stay tuned to Rozana Spokesman)
