ਭਾਵੇਂ ਕਿ ਜੱਜ ਹੋਲੀ ਸਟਾਊਟ ਨੇ ਪਾਇਆ ਕਿ ਇਹ ਫੈਸਲਾ ਕਰਨ ਲਈ ਖੁਦ ਹੋਟਲਾਂ...
ਲੰਡਨ: ਸਿੱਖਾਂ ਨੂੰ ਹਮੇਸ਼ਾ ਕਿਸੇ ਨਾ ਕਿਸੇ ਮੁਸੀਬਤ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਅਜਿਹਾ ਹੀ ਇਕ ਮਾਮਲਾ ਲੰਡਨ ਤੋਂ ਆਇਆ ਹੈ। ਜਿਥੇ ਕਿ ਇਕ ਸਿੱਖ ਵਿਅਕਤੀ ਨੂੰ 'no-beards' ਪਾਲਿਸੀ ਦੇ ਤਹਿਤ ਲਗਜ਼ਰੀ ਕਲੇਰਿਜ ਹੋਟਲ ਵਿਚ ਕੰਮ ਕਰਨ ਦੇ ਮੌਕੇ ਤੋਂ ਵਾਂਝੇ ਕਰਨ ਲਈ 7,000 ਪੌਂਡ ਤੋਂ ਵੱਧ ਦਾ ਮੁਆਵਜ਼ਾ ਦਿੱਤਾ ਗਿਆ।
Photoਯੂਕੇ ਦੇ ਇਕ ਰੁਜ਼ਗਾਰ ਟ੍ਰਿਬਿਊਨਲ ਨੇ ਸੁਣਿਆ ਕਿ ਨਿਊਜ਼ੀਲੈਂਡ ਦੇ ਇਕ ਦਸਤਾਰਧਾਰੀ ਸਿੱਖ ਰਮਨ ਸੇਠੀ ਨੂੰ ਕੁਝ ਸਾਲ ਪਹਿਲਾਂ ਭਰਤੀ ਏਜੰਸੀ ਐਲੀਮੈਂਟਸ ਪਰਸਨੇਲ ਸਰਵਿਸਿਜ਼ ਲਿਮੀਟਿਡ ਨੇ ਇਕ ਸਧਾਰਨ 'no pony tails or facial hair' ਪਾਲਿਸੀ ਕਾਰਨ ਕੰਮ ਦੇਣ ਤੋਂ ਇਨਕਾਰ ਕਰ ਦਿੱਤਾ ਸੀ।
Photoਭਾਵੇਂ ਕਿ ਜੱਜ ਹੋਲੀ ਸਟਾਊਟ ਨੇ ਪਾਇਆ ਕਿ ਇਹ ਫੈਸਲਾ ਕਰਨ ਲਈ ਖੁਦ ਹੋਟਲਾਂ ਨੇ ਵਿਚਾਰ ਵਟਾਂਦਰੇ ਨਹੀਂ ਕੀਤੇ ਸਨ ਕੀ ਸਿੱਖਾਂ ਦੇ ਧਾਰਮਿਕ ਚਿੰਨ੍ਹਾਂ 'ਤੇ ਇਕ ਅਪਵਾਦ ਬਣਾਇਆ ਗਿਆ ਹੈ। ਜੱਜ ਸਟਾਊਟ ਨੇ ਕਿਹਾ,''ਏਜੰਸੀ ਨੇ ਆਪਣੇ ਗਾਹਕਾਂ ਦੇ ਬਾਰੇ ਵਿਚ ਅਜਿਹਾ ਕੋਈ ਸਬੂਤ ਨਹੀਂ ਦਿੱਤਾ ਹੈ, ਜਿਸ ਵਿਚ ਉਨ੍ਹਾਂ ਕੋਲੋਂ ਪੁੱਛਿਆ ਹੋਵੇ ਕਿ ਉਹ ਆਪਣੇ ਕੰਮਾਂ ਲਈ ਸਿੱਖ ਵਰਕਰ ਨੂੰ ਸਵੀਕਾਰ ਕਰਨਗੇ ਜੋ ਧਾਰਮਿਕ ਕਾਰਨਾਂ ਕਾਰਨ ਦਾੜ੍ਹੀ ਨਹੀਂ ਬਣਾ ਸਕਦੇ।''
Photoਉਨ੍ਹਾਂ ਨੇ ਸਿੱਟਾ ਕੱਢਿਆ,''ਗਾਹਕਾਂ ਵੱਲੋਂ ਧਾਰਮਿਕ ਕਾਰਨਾਂ ਕਰ ਕੇ ਸਿੱਖ ਵਰਕਰ ਦੀ ਸੇਵਾ ਲੈਣ ਤੋਂ ਇਨਕਾਰ ਕਰਨ ਵਾਲੇ ਕੋਈ ਵੀ ਸਬੂਤ ਸਾਡੇ ਸਾਹਮਣੇ ਨਹੀਂ ਹਨ।'' ਉਨ੍ਹਾਂ ਨੇ ਫੈਸਲਾ ਸੁਣਾਇਆ, ਜਿਸ ਮਗਰੋਂ ਸੇਠੀ ਨੂੰ 7,102.17 ਪੌਂਡ ਦਾ ਮੁਆਵਜ਼ਾ ਦਿੱਤਾ ਗਿਆ, ਜਿਸ ਵਿਚੋਂ 5,000 ਪੌਂਡ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਲਈ ਸੀ।
Photo 'ਦੀ ਡੇਲੀ ਟੇਲੀਗ੍ਰਾਫ' ਅਖਬਾਰ ਮੁਤਾਬਕ ਸੇਠੀ ਨੇ ਮੁਆਵਜ਼ਾ ਰਾਸ਼ੀ ਬ੍ਰਿਟੇਨ ਦੇ ਹੈੱਡਕੁਆਰਟਰ ਵਾਲੀ ਸਿੱਖ ਚੈਰਿਟੀ ਖਾਲਸਾ ਏਡ ਨੂੰ ਦਾਨ ਕਰਨ ਦੀ ਯੋਜਨਾ ਬਣਾਈ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ
