ਡਾਇਨਾਸੋਰ ਬਾਰੇ ਨਵੀਂ ਖੋਜ ਆਈ ਸਾਹਮਣੇ
ਨਿਊਯਾਰਕ : ਧਰਤੀ ਤੋਂ ਹਜ਼ਾਰਾਂ ਸਾਲ ਪਹਿਲਾਂ ਲੁਪਤ ਹੋ ਚੁੱਕੇ ਡਾਇਨਾਸੋਰ ਬਾਰੇ ਵੱਧ ਤੋਂ ਵੱਧ ਜਾਣਨ ਦੀ ਮਨੁੱਖ ਦੀ ਸ਼ੁਰੂ ਤੋਂ ਹੀ ਦਿਲਚਸਪੀ ਰਹੀ ਹੈ। ਇਸੇ ਮਕਸਦ ਤਹਿਤ ਡਾਇਨਾਸੋਰ ਬਾਰੇ ਵੱਧ ਤੋਂ ਵੱਧ ਜਾਣਕਾਰੀ ਇਕੱਤਰ ਕਰਨ ਲਈ ਖੋਜ਼ੀਆਂ ਵਲੋਂ ਯਤਨ ਜਾਰੀ ਰਹਿੰਦੇ ਹਨ। ਡਾਇਨਾਸੋਰ ਦੇ ਰਹਿਣ-ਸਹਿਣ ਤੇ ਉਸ ਦੀਆਂ ਹੋਰ ਵਿਸ਼ੇਸ਼ਤਾਵਾਂ ਬਾਰੇ ਕਲਪਨਿਕ ਦ੍ਰਿਸ਼ਾਂ ਵਾਲੀਆਂ ਵੱਡੀਆਂ ਵੱਡੀਆਂ ਫ਼ਿਲਮਾਂ ਵੀ ਬਣ ਚੁੱਕੀਆਂ ਹਨ।
Photo
ਹੁਣ ਡਾਇਨਾਸੋਰ ਬਾਰੇ ਇਕ ਨਵੀਂ ਖੋਜ਼ ਸਾਮਣੇ ਆਈ ਹੈ। ਖੋਜ਼ ਮੁਤਾਬਕ ਹਿੰਦ ਮਹਾਂਸਾਗਰ ਵਿਚ ਅਫ਼ਰੀਕਾ ਦੇ ਪੂਰਬੀ ਤੱਟ 'ਤੇ ਸਥਿਤ ਟਾਪੂ ਦੇਸ਼ ਮੈਡਾਗਾਸਕਰ ਵਿਚ ਕਰੀਬ ਸੱਤ ਕਰੋੜ ਸਾਲ ਪਹਿਲਾਂ ਅਜਿਹੇ ਮਾਸਾਹਾਰੀ ਡਾਇਨਾਸੋਰ ਰਹਿੰਦੇ ਸਨ ਜਿਨ੍ਹਾਂ ਦੇ ਹਰ ਦੋ ਮਹੀਨੇ ਬਾਅਦ ਨਵੇਂ ਦੰਦ ਆ ਜਾਂਦੇ ਸਨ।
Photo
ਪਲੋਸ ਵਨ ਰਸਾਲੇ ਵਿਚ ਛਪੇ ਇਕ ਅਧਿਐਨ 'ਚ ਦਾਅਵਾ ਕੀਤਾ ਗਿਆ ਹੈ ਕਿ ਮਜੁਨਗਾਸੌਰਸ ਨਾਮ ਦੇ ਡਾਇਨਾਸੋਰ ਦੇ ਹਰ ਦੋ ਮਹੀਨੇ ਬਾਅਦ ਨਵੇਂ ਦੰਦ ਉਗ ਆਉਂਦੇ ਸਨ। ਹੋਰ ਮਾਸਾਹਾਰੀ ਡਾਇਨਾਸੋਰਾਂ ਦੀ ਤੁਲਨਾ ਵਿਚ ਇਸ ਪ੍ਰਜਾਤੀ ਦੇ ਡਾਇਨਾਸੋਰ ਵਿਚ ਇਹ ਦਰ 2 ਤੋਂ 13 ਗੁਣਾਂ ਜ਼ਿਆਦਾ ਹੈ।
Photo
ਖੋਜ਼ ਮੁਤਾਬਕ ਇਸ ਪ੍ਰਜਾਤੀ ਦੇ ਡਾਇਨਾਸੋਰ ਦੇ ਪੁਰਾਣੇ ਦੰਦ ਛੇਤੀ ਡਿੱਗ ਜਾਂਦੇ ਸਨ। ਜਿਹਾ ਸ਼ਾਇਦ ਇਸ ਲਈ ਹੁੰਦਾ ਸੀ ਕਿਉਂਕਿ ਉਹ ਹੱਡੀਆਂ ਵੀ ਖਾ ਜਾਂਦੇ ਸਨ। ਖੋਜਕਰਤਾਵਾਂ ਨੇ ਅਮਰੀਕਾ ਦੀ ਅਡੇਲਫੀ ਯੂਨੀਵਰਸਿਟੀ ਦੇ ਖੋਜਕਰਤਾਵਾਂ ਨੂੰ ਵੀ ਸ਼ਾਮਲ ਕੀਤਾ ਸੀ।
Photo
ਇਸ ਅਧਿਐਨ ਨੂੰ ਜਾਰੀ ਰੱਖਣ ਲਈ ਵਿਗਿਆਨੀਆਂ ਨੇ ਡਾਇਨਾਸੋਰ ਦੇ ਦੰਦਾਂ ਦੇ ਜੈਵਿਕ ਰਾਹੀਂ ਦੰਦਾਂ ਦੇ ਸੂਖਮ ਵਾਧੇ ਦੀ ਜਾਂਚ ਕੀਤੀ। ਉਨ੍ਹਾਂ ਨੇ ਦਸਿਆ ਕਿ ਦੰਦਾਂ 'ਤੇ ਵਾਧੇ ਦੀਆਂ ਲਕੀਰਾਂ ਦਰੱਖਤ ਦੀ ਰਿੰਗ ਦੇ ਬਰਾਬਰ ਹਨ ਅਤੇ ਇਹ ਸਾਲ ਵਿਚ ਇਕ ਵਾਰ ਜਮ੍ਹਾਂ ਹੋਣ ਦੀ ਬਜਾਏ ਰੋਜ਼ ਜਮ੍ਹਾਂ ਹੁੰਦਾ ਸੀ।
Photo
ਖੋਜ ਦੇ ਸਹਿ-ਲੇਖਕ ਅਤੇ ਯੂਨੀਵਰਸਿਟੀ ਦੇ ਮਾਈਕਲ ਡੀ ਡੀਇਮਿਕ ਅਨੁਸਾਰ ਹੱਡੀਆਂ ਨੂੰ ਖਾਣ ਲਈ ਮਜ਼ਬੂਤ ਦੰਦਾਂ ਦੀ ਲੋੜ ਹੁੰਦੀ ਸੀ, ਪਰ ਮਜੁਨਗਾਸੌਰਸ ਦੇ ਦੰਦ ਮਜ਼ਬੂਤ ਨਹੀਂ ਸਨ। ਇਸ ਲਈ ਜਲਦੀ ਹੀ ਉਨ੍ਹਾਂ ਦੇ ਦੰਦ ਡਿੱਗ ਜਾਂਦੇ ਸਨ ਅਤੇ ਨਵੇਂ ਦੰਦ ਆ ਜਾਂਦੇ ਸਨ।
Photo
ਅਧਿਐਨ ਟੀਮ ਵਿਚ ਸ਼ਾਮਲ ਵਿਗਿਆਨੀਆਂ ਅਨੁਸਾਰ ਛੇਤੀ ਆਉਣ ਵਾਲੇ ਦੰਦਾਂ ਨੇ ਮਜੁਨਗਾਸੌਰਸ ਡਾਇਨਾਸੋਰ ਨੂੰ ਸ਼ਾਰਕ ਅਤੇ ਵੱਡੇ ਅਤੇ ਸ਼ਾਕਾਹਾਰੀ ਡਾਇਨਾਸੋਰ ਦੀ ਸ਼੍ਰੇਣੀ ਵਿਚ ਲਿਆ ਦਿਤਾ। ਕਾਬਲੇਗੌਰ ਹੈ ਕਿ ਡਾਇਨਾਸੋਰ ਦੀ ਦੁਨੀਆਂ ਬਾਰੇ ਜਿਉਂ ਨਵੇਂ ਨਵੇਂ ਤੱਥ ਸਾਹਮਣੇ ਆਉਂਦੇ ਰਹੇ ਹਨ, ਵਿਗਿਆਨੀਆਂ ਦੀ ਇਨ੍ਹਾਂ ਬਾਰੇ ਜਾਣਨ ਦੀ ਇੱਛਾ ਹੋਰ ਪ੍ਰਬਲ ਹੁੰਦੀ ਜਾ ਰਹੀ ਹੈ। ਆਉਂਦੇ ਸਮੇਂ 'ਚ ਡਾਇਨਾਸੋਰ ਬਾਰੇ ਹੋਰ ਵੀ ਹੈਰਾਨਜਨਕ ਤੱਥ ਸਾਹਮਣੇ ਆਉਣ ਦੀ ਉਮੀਦ ਹੈ।
