ਰਾਸ਼ਟਰੀ ਡੋਪਿੰਗ ਰੋਧੀ ਏਜੈਂਸੀ ਦੇ ਇਕ ਦਲ ਨੇ ਨਿਸ਼ਾਨੇ ਟੈਸਟ ਤਹਿਤ 50-60 ਖਿਡਾਰੀਆਂ ਦੇ ਨਮੂਨੇ ਲੈਣਾ ਸ਼ੁਰੂ ਕੀਤਾ........
ਗੁਵਹਾਟੀ : ਰਾਸ਼ਟਰੀ ਡੋਪਿੰਗ ਰੋਧੀ ਏਜੈਂਸੀ ਦੇ ਇਕ ਦਲ ਨੇ ਨਿਸ਼ਾਨੇ ਟੈਸਟ ਤਹਿਤ 50-60 ਖਿਡਾਰੀਆਂ ਦੇ ਨਮੂਨੇ ਲੈਣਾ ਸ਼ੁਰੂ ਕੀਤਾ ਜਿਸ ਨਾਲ 58ਵੀਂ ਰਾਸ਼ਟਰੀ ਅੰਤਰਰਾਜੀ ਸੀਨੀਅਰ ਐਥਲੈਟਿਕਸ ਚੈਂਪੀਅਨਸ਼ਿਪ ਦੌਰਾਨ ਡੋਪ ਦੇ ਨਮੂਨੇ ਇਕੱਠੇ ਕਰਨ ਨੂੰ ਲੈ ਕੇ ਸਬਰ ਖ਼ਤਮ ਹੋ ਗਿਆ। ਕਲ ਸ਼ਾਮ ਤਕ ਕਿਸੇ ਵੀ ਤਮਗ਼ਾ ਜੇਤੂ ਨੂੰ ਡੋਪ ਦਾ ਸੈਂਪਲ ਲੈਣ ਲਈ ਨਹੀਂ ਬੁਲਾਇਆ ਗਿਆ ਪਰ ਹੁਣ ਪਤਾ ਚਲਿਆ ਕਿ ਸਿਖਰ 'ਤੇ ਰਹਿਣ ਵਾਲੇ ਖਿਡਾਰੀਆਂ ਨੂੰ ਡੋਪ ਟੈਸਟ ਲਈ ਨਹੀਂ ਬੁਲਾਇਆ ਜਾਵੇਗਾ ਕਿਉਂਕਿ ਨਾਡਾ ਨੇ ਖਿਡਾਰੀਆਂ ਦੇ ਨਿਸ਼ਾਨੇ ਟੈਸਟ ਕਰਾਉਣ ਦਾ ਫ਼ੈਸਲਾ ਕੀਤਾ ਹੈ।
ਸੂਤਰਾਂ ਮੁਤਾਬਕ ਚਾਰ ਤੋਂ ਪੰਜ ਨਮੂਨੇ ਕਲ ਲਏ ਗਏ ਸਨ। ਨਾਡਾ ਦੇ ਇਕ ਅਧਿਕਾਰੀ ਨੇ ਮੀਡੀਆ ਨੂੰ ਦਸਿਆ ਕਿ ਅਸੀਂ ਸਾਰੇ ਟੈਸਟ ਡਿਲਿਵਰੀ ਯੋਜਨਾ ਮੁਤਾਬਕ ਸੈਂਪਲ ਇਕੱਠੇ ਕਰ ਰਹੇ ਹਨ। ਅਸੀਂ ਸਿਰਫ 50-60 ਸੈਪਲਾਂ ਦਾ ਟੀਚਾ ਬਣਾਇਆ ਹੈ। ਉਨ੍ਹਾਂ ਕਿਹਾ ਚਾਰ ਤੋਂ ਪੰਜ ਸੈਂਪਲ ਲਏ ਜਾ ਚੁੱਕੇ ਸਨ ਅਤੇ ਅਸੀਂ ਪ੍ਰਤੀਯੋਗਿਤਾ ਦੇ ਅਗਲੇ ਦਿਨ ਤੋਂ ਘੱਟੋ-ਘੱਟ ਸੈਂਪਲ ਇਕੱਠੇ ਕਰ ਲਵਾਂਗੇ। ਭਾਰਤੀ ਐਥਲੈਟਿਕਸ ਮਹਾਸੰਘ 30 ਜੂਨ ਨੂੰ ਏਸ਼ੀਆਈ ਖੇਡਾਂ ਲਈ ਟੀਮ ਚੁਣੇਗੀ ਅਤੇ ਜਕਾਰਤਾ ਜਾਣ ਤੋਂ ਪਹਿਲਾਂ ਸਾਰੇ ਡੋਪ ਟੈਸਟ ਕੀਤੇ ਜਾਣ ਦੀ ਉਮੀਦ ਹੈ। (ਏਜੰਸੀ)
