ਹੁਣ ਜਲਦ ਟੁੱਟੇਗਾ ਓਸੈਨ ਬੋਲਟ ਦਾ ਰਿਕਾਰਡ
ਮੱਧ ਪ੍ਰਦੇਸ਼- ਵਿਸ਼ਵ ਦੇ ਸਭ ਤੋਂ ਤੇਜ਼ ਦੌੜਾਕ ਓਸੈਨ ਬੋਲਟ ਨੂੰ ਕੌਣ ਨਹੀਂ ਜਾਣਦਾ, ਚੀਤੇ ਵਰਗੀ ਰਫ਼ਤਾਰ ਵਾਲੇ ਬੋਲਟ ਨੇ ਭਾਵੇਂ ਮੈਦਾਨ 'ਤੇ ਦੌੜਨਾ ਛੱਡ ਦਿੱਤਾ ਹੈ ਪਰ ਉਸ ਵੱਲੋਂ ਬਣਾਏ ਰਿਕਾਰਡ ਅਜੇ ਵੀ ਕਾਇਮ ਹਨ। ਉਸ ਦੇ ਕਈ ਰਿਕਾਰਡਾਂ ਨੂੰ ਦੇਖ ਕੇ ਅਕਸਰ ਕਿਹਾ ਜਾਂਦਾ ਹੈ ਕਿ ਸ਼ਾਇਦ ਹੀ ਕੋਈ 'ਮਾਈ ਦਾ ਲਾਲ' ਉਸ ਦਾ ਰਿਕਾਰਡ ਤੋੜ ਸਕੇ। ਜਿਸ ਦੌੜ ਵਿਚ ਬੋਲਟ ਸ਼ਾਮਲ ਹੁੰਦਾ ਸੀ।
Usain Bolt
ਉਸ ਦੌੜ ਵਿਚੋਂ ਕੋਈ ਦੌੜਾਕ ਫਸਟ ਪੁਜ਼ੀਸ਼ਨ 'ਤੇ ਆਉਣ ਦਾ ਸੁਪਨਾ ਵੀ ਨਹੀਂ ਲੈ ਸਕਦਾ ਸੀ ਪਰ ਹੁਣ ਇੰਝ ਲਗਦਾ ਹੈ ਕਿ ਬੋਲਟ ਦੇ ਰਿਕਾਰਡ ਨੂੰ ਤੋੜਨ ਵਾਲਾ ਪੈਦਾ ਹੋ ਗਿਆ ਹੈ। ਉਹ ਵੀ ਭਾਰਤ ਦੇ ਮੱਧ ਪ੍ਰਦੇਸ਼ ਵਿਚ, ਅਸੀਂ ਗੱਲ ਕਰ ਰਹੇ ਹਾਂ ਮੱਧ ਪ੍ਰਦੇਸ਼ ਵਿਚ ਸ਼ਿਵਪੁਰੀ ਦੇ 19 ਸਾਲਾ ਰਾਮੇਸ਼ਵਰ ਗੁੱਜਰ ਦੀ, ਜਿਸ ਦੀ ਚੀਤੇ ਵਰਗੀ ਰਫ਼ਤਾਰ ਨੂੰ ਦੇਖ ਕੇ ਇੰਝ ਲਗਦਾ ਹੈ ਕਿ ਹੁਣ ਜਲਦ ਹੀ ਬੋਲਟ ਦਾ ਰਿਕਾਰਡ ਟੁੱਟਣ ਵਾਲਾ ਹੈ।
आज निवास पर शिवपुरी के धावक रामेश्वर गुर्जर से मुलाकात हुई..।
— Jitu Patwari (@jitupatwari) August 17, 2019
- रामेश्वर में वाकई बहुत ऊर्जा है, उसमें जो प्रतिभा है उसे हमारी सरकार मंच देने का काम करेंगी, हम ऐसी प्रतिभाओं की मदद के लिए सदैव तत्पर है..। pic.twitter.com/uogdJZDT84
ਤੁਹਾਨੂੰ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਇਕ ਕਿਸਾਨ ਪਰਿਵਾਰ ਵਿਚ ਜਨਮੇ ਰਾਮੇਸ਼ਵਰ ਨੇ 100 ਮੀਟਰ ਦੀ ਦੌੜ ਨੂੰ ਮਹਿਜ਼ 11 ਸਕਿੰਟ ਵਿਚ ਪੂਰਾ ਕਰ ਦਿੱਤਾ। ਜਿਸ ਨੂੰ ਦੇਖ ਕੇ ਹਰ ਕੋਈ ਦੰਗ ਰਹਿ ਗਿਆ। ਰਾਮੇਸ਼ਵਰ ਦੀ ਇਸ ਦੌੜ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਲੋਕਾਂ ਵੱਲੋਂ ਰਾਮੇਸ਼ਵਰ ਨੂੰ ਮੱਧ ਪ੍ਰਦੇਸ਼ ਦਾ ਬੋਲਟ ਕਹਿ ਕੇ ਕੁਮੈਂਟ ਕੀਤੇ ਜਾ ਰਹੇ ਹਨ।
India is blessed with talented individuals. Provided with right opportunity & right platform, they'll come out with flying colours to create history!
— Shivraj Singh Chouhan (@ChouhanShivraj) August 16, 2019
Urge @IndiaSports Min. @KirenRijiju ji to extend support to this aspiring athlete to advance his skills!
Thanks to @govindtimes. pic.twitter.com/ZlTAnSf6WO
ਰਾਮੇਸ਼ਵਰ ਦੇ ਇਸ ਕਾਰਨਾਮੇ ਦੀ ਚਾਰੇ ਪਾਸੇ ਚਰਚਾ ਹੋ ਰਹੀ ਹੈ। ਮੱਧ ਪ੍ਰਦੇਸ਼ ਦੇ ਸਾਬਕਾ ਮੁੱਖ ਮੰਤਰੀ ਸ਼ਿਵਰਾਜ ਸਿੰਘ ਚੌਹਾਨ ਨੇ ਰਾਮੇਸ਼ਵਰ ਦੀ ਤਾਰੀਫ਼ ਕਰਦਿਆਂ ਉਸ ਦੇ ਵੀਡੀਓ ਨੂੰ ਸ਼ੇਅਰ ਕੀਤਾ ਹੈ, ਨਾਲ ਹੀ ਉਨ੍ਹਾਂ ਦੇਸ਼ ਦੇ ਖੇਡ ਮੰਤਰੀ ਕਿਰਨ ਰਿਜਿਜੂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਰਮੇਸ਼ਵਰ ਦੀ ਮਦਦ ਕਰਨ। ਕੇਂਦਰੀ ਖੇਡ ਮੰਤਰੀ ਨੇ ਵੀ ਪ੍ਰਤੀਕਿਰਿਆ ਦਿੰਦਿਆਂ ਨੌਜਵਾਨ ਨੂੰ ਅਪਣੇ ਕੋਲ ਬੁਲਾਉਣ ਦੀ ਗੱਲ ਆਖੀ ਹੈ।
Pls ask someone to bring him to me @ChouhanShivraj ji. I'll arrange to put him at an athletic academy. https://t.co/VywndKm3xZ
— Kiren Rijiju (@KirenRijiju) August 16, 2019
ਇਸ ਤੋਂ ਪਹਿਲਾਂ ਰਾਮੇਸ਼ਵਰ ਦੀ ਵੀਡੀਓ ਦੇਖ ਮੱਧ ਪ੍ਰਦੇਸ਼ ਦੇ ਖੇਡ ਮੰਤਰੀ ਜੀਤੂ ਪਟਵਾਰੀ ਨੇ ਉਸ ਨੂੰ ਭੋਪਾਲ ਆਉਣ ਦਾ ਸੱਦਾ ਦਿੱਤਾ ਹੈ ਅਤੇ ਉਸ ਨੂੰ ਬਿਹਤਰ ਟ੍ਰੇਨਿੰਗ ਦਿੱਤੇ ਜਾਣ ਦੀ ਗੱਲ ਆਖੀ ਹੈ। 10ਵੀਂ ਜਮਾਤ ਤਕ ਪੜ੍ਹਿਆ ਰਾਮੇਸ਼ਵਰ ਕਾਫ਼ੀ ਗ਼ਰੀਬ ਪਰਿਵਾਰ ਨਾਲ ਸਬੰਧ ਰੱਖਦਾ ਹੈ ਪਰ ਸੂਬਾਈ ਖੇਡ ਮੰਤਰੀ ਵੱਲੋਂ ਸੱਦਾ ਮਿਲਣ 'ਤੇ ਉਹ ਕਾਫ਼ੀ ਉਤਸ਼ਾਹਿਤ ਹੈ।
Rameshwar Gujjar
ਰਾਮੇਸ਼ਵਰ ਦਾ ਕਹਿਣਾ ਹੈ ਕਿ ਉਸ ਨੂੰ ਇਕ ਮੌਕੇ ਦਾ ਇੰਤਜ਼ਾਰ ਹੈ ਅਤੇ ਉਹ ਕਿਸੇ ਵੀ ਦੌੜ ਵਿਚ ਦੇਸ਼ ਅਤੇ ਸੂਬੇ ਦਾ ਨਾਮ ਦੁਨੀਆ ਭਰ ਵਿਚ ਰੌਸ਼ਨ ਕਰੇਗਾ। ਖ਼ੈਰ, ਮੱਧ ਪ੍ਰਦੇਸ਼ ਦੇ ਲੋਕ ਵੀ ਇਸ ਤੇਜ਼ ਦੌੜਾਕ ਨੂੰ ਕੌਮਾਂਤਰੀ ਟਰੈਕ 'ਤੇ ਦੌੜਦਾ ਦੇਖਣ ਲਈ ਉਤਾਵਲੇ ਹਨ। ਦੇਖਣਾ ਹੋਵੇਗਾ ਕਿ ਰਾਮੇਸ਼ਵਰ ਕਦੋਂ ਕੌਮਾਂਤਰੀ ਟ੍ਰੈਕ 'ਤੇ ਉਸੈਨ ਬੋਲਟ ਵਰਗੇ ਤੇਜ਼ ਦੌੜਾਕ ਦਾ ਰਿਕਾਰਡ ਤੋੜਦੇ ਹਨ।
