ਵਿਸ਼ਵ ਕੱਪ ਵਿਚ ਪਾਕਿਸਤਾਨ ਦੀ ਟੀਮ ਇਕ ਵੀ ਵਾਰ ਭਾਰਤ ਤੋਂ ਨਹੀਂ ਜਿੱਤ ਸਕੀ।
ਨਵੀਂ ਦਿੱਲੀ: ਭਾਰਤ ਅਤੇ ਪਾਕਿਸਤਾਨ ਦੀਆਂ ਕ੍ਰਿਕਟ ਟੀਮਾਂ ਵਿਚਕਾਰ ਐਤਵਾਰ ਨੂੰ ਮੈਨਚੇਸਟਰ ਦੇ ਓਲਡ ਟ੍ਰੇਫਰਡ ਮੈਦਾਨ ‘ਤੇ ਹੋਣ ਵਾਲੇ ਮੁਕਾਬਲੇ ਦੀਆਂ ਟਿਕਟਾਂ ਦੀਆਂ ਕੀਮਤਾਂ 60 ਹਜ਼ਾਰ ਰੁਪਏ ਤੱਕ ਪਹੁੰਚ ਗਈਆਂ ਹਨ। ਬ੍ਰਿਟੇਨ ਵਿਚ ਲੱਖਾਂ ਦੀ ਗਿਣਤੀ ਵਿਚ ਭਾਰਤੀ ਅਤੇ ਪਾਕਿਸਤਾਨੀ ਮੂਲ ਦੇ ਲੋਕ ਰਹਿੰਦੇ ਹਨ ਅਤੇ ਇਸੇ ਕਾਰਨ ਇਸ ਮਹਾਮੁਕਾਬਲੇ ਲਈ ਟਿਕਟਾਂ ਦੀਆਂ ਕੀਮਤਾਂ ਅਸਮਾਨਾਂ ਨੂੰ ਛੂਹ ਰਹੀਆਂ ਹਨ।
India vs Pakistan
20 ਹਜ਼ਾਰ ਦੀ ਸਮਰੱਥਾ ਵਾਲੇ ਓਲਡ ਟ੍ਰੇਫਰਡ ਸਟੇਡੀਅਮ ਵਿਚ ਹੋਣ ਵਾਲੇ ਇਸ ਮੈਚ ਦੇ ਟਿਕਟ ਵਿੰਡੋ ਖੁੱਲਣ ਦੇ ਕੁਝ ਹੀ ਘੰਟਿਆਂ ਵਿਚ ਵਿਕ ਗਏ ਪਰ ਜਿਨ੍ਹਾਂ ਲੋਕਾਂ ਨੇ ਉਸ ਸਮੇਂ ਟਿਕਟ ਖਰੀਦੀ ਸੀ, ਹੁਣ ਉਹ ਉਹਨਾਂ ਨੂੰ ਵੇਚ ਕੇ ਭਾਰੀ ਮੁਨਾਫ਼ਾ ਕਮਾ ਰਹੇ ਹਨ। ਅਜਿਹੇ ਹੀ ਲੋਕਾਂ ਤੋਂ ਟਿਕਟਾਂ ਲੈ ਕੇ ਉਸ ਦੀ ਦੁਬਾਰਾ ਵਿਕਰੀ ਕਰਨ ਵਾਲੀ ਵੈੱਬਸਾਈਟ ਮੁਤਾਬਕ ਉਹਨਾਂ ਕੋਲ ਕਰੀਬ 480 ਟਿਕਟ ਦੁਬਾਰਾ ਵਿਕਰੀ ਲਈ ਆਏ।
India vs Pakistan
ਕੰਪਨੀ ਦੀ ਵੈੱਬਸਾਈਟ ਮੁਤਾਬਿਕ ਬ੍ਰਾਂਜ ਅਤੇ ਸਿਲਵਰ ਕੈਟੇਗਰੀ ਦੀਆਂ ਟਿਕਟਾਂ ਉਸ ਨੇ ਪੂਰੀ ਤਰ੍ਹਾਂ ਵੇਚ ਦਿੱਤੀਆਂ ਅਤੇ ਇਹਨਾਂ ਦੀ ਕੀਮਤ 17 ਹਜਾਰ ਰੁਪਏ ਤੋਂ ਲੈ ਕੇ 27 ਹਜ਼ਾਰ ਰੁਪਏ ਤੱਕ ਰਹੀ। ਵਿਸ਼ਵ ਕੱਪ ਵਿਚ ਪਾਕਿਸਤਾਨ ਦੀ ਟੀਮ ਇਕ ਵੀ ਵਾਰ ਭਾਰਤ ਤੋਂ ਨਹੀਂ ਜਿੱਤ ਸਕੀ। ਭਾਰਤ ਨੇ ਹੁਣ ਤੱਕ ਦੋ ਵਾਰ (1981 ਅਤੇ 2011) ਵਿਚ ਵਿਸ਼ਵ ਕੱਪ ਜਿੱਤਿਆ ਸੀ ਜਦਕਿ ਪਾਕਿਸਤਾਨ ਨੇ 1992 ਵਿਚ ਇਮਰਾਨ ਖ਼ਾਨ ਦੀ ਅਗਵਾਈ ਵਿਚ ਪਹਿਲੀ ਵਾਰ ਇਹ ਖ਼ਿਤਾਬ ਜਿੱਤਿਆ ਸੀ।
India vs Pakistan
ਮੌਜੂਦਾ ਵਿਸ਼ਵ ਕੱਪ ਵਿਚ ਭਾਰਤ ਨੇ ਹੁਣ ਤੱਕ ਤਿੰਨ ਮੁਕਾਬਲੇ ਖੇਡੇ ਹਨ। ਉਹਨਾਂ ਵਿਚ ਭਾਰਤ ਨੂੰ ਦੋ ਮੈਚਾਂ ‘ਤੇ ਜਿੱਤ ਮਿਲੀ ਹੈ ਜਦਕਿ ਇਕ ਮੈਚ ਬਾਰਿਸ਼ ਦੇ ਕਾਰਨ ਰੱਦ ਹੋ ਗਿਆ ਸੀ। ਭਾਰਤੀ ਟੀਮ ਪੰਜ ਅੰਕਾਂ ਨਾਲ 10 ਟੀਮਾਂ ਵਿਚੋਂ ਤੀਜੇ ਸਥਾਨ ‘ਤੇ ਹੈ। ਇਸੇ ਤਰ੍ਹਾਂ ਪਾਕਿਸਤਾਨ ਨੇ ਚਾਰ ਮੈਚ ਖੇਡੇ ਹਨ ਅਤੇ ਪਾਕਿਸਤਾਨ ਨੂੰ ਦੋ ਮੈਚਾਂ ਵਿਚ ਹਾਰ ਅਤੇ ਇਕ ਵਿਚ ਜਿੱਤ ਮਿਲੀ ਹੈ ਜਦਕਿ ਇਕ ਮੈਚ ਰੱਦ ਹੋ ਗਿਆ ਸੀ। ਇਹ ਟੀਮ ਤਿੰਨ ਅੰਕਾਂ ਨਾਲ ਅੱਠਵੇਂ ਸਥਾਨ ‘ਤੇ ਹੈ।
