ਬੇਟੀ ਨੇ ਵੀ ਚਾਂਦੀ ਅਤੇ ਕਾਂਸੀ ਦਾ ਤਮਗ਼ਾ ਹਾਸਲ ਕੀਤਾ
Haryana News: ਕਰਨਾਲ - ਹਰਿਆਣਾ ਦੇ ਚਰਖੀ ਦਾਦਰੀ ਜ਼ਿਲ੍ਹੇ ਦੀ ਰਹਿਣ ਵਾਲੀ 107 ਸਾਲਾ ਦਾਦੀ ਰਾਮਬਾਈ ਨੇ ਸੋਨ ਤਮਗ਼ਾ ਜਿੱਤਿਆ ਹੈ। ਇਸ ਬਜ਼ੁਰਗ ਅਥਲੀਟ ਨੇ ਹਰਿਆਣਾ ਦੀ ਨੁਮਾਇੰਦਗੀ ਕਰਦਿਆਂ ਹੈਦਰਾਬਾਦ ਵਿਚ ਹੋਏ ਕੌਮੀ ਮੁਕਾਬਲੇ ਵਿਚ ਡਿਸਕਸ ਥਰੋਅ ਅਤੇ ਸ਼ਾਟਪੁੱਟ ਵਿਚ ਦੋ ਸੋਨ ਤਮਗ਼ੇ ਜਿੱਤੇ।
ਕਦਮਾ ਪਿੰਡ ਦੀ ਰਹਿਣ ਵਾਲੀ ਰਾਮਬਾਈ ਨੇ ਸਾਬਤ ਕਰ ਦਿੱਤਾ ਕਿ ਉਮਰ 'ਤੇ ਜਿੱਤ ਦਾ ਜਜ਼ਬਾ ਕਿੰਨਾ ਸ਼ਕਤੀਸ਼ਾਲੀ ਹੈ।
6-7 ਫਰਵਰੀ ਨੂੰ ਰਾਜਸਥਾਨ ਦੇ ਅਲਵਰ 'ਚ ਹੋਏ ਰਾਸ਼ਟਰੀ ਮੁਕਾਬਲੇ 'ਚ ਸਫਲਤਾ ਹਾਸਲ ਕਰਨ ਤੋਂ ਬਾਅਦ ਉਸ ਨੇ ਬਿਨਾਂ ਕਿਸੇ ਥਕਾਵਟ ਦੇ ਹੈਦਰਾਬਾਦ ਪਹੁੰਚ ਕੇ ਆਪਣੀ ਜਿੱਤ ਦਾ ਸਿਲਸਿਲਾ ਜਾਰੀ ਰੱਖਿਆ। ਉਨ੍ਹਾਂ ਨਾਲ ਮੁਕਾਬਲੇ ਵਿੱਚ ਭਾਗ ਲੈ ਰਹੀ ਉਨ੍ਹਾਂ ਦੀ ਬੇਟੀ ਸੰਤਰਾ ਦੇਵੀ ਨੇ ਵੀ 1500 ਮੀਟਰ ਦੌੜ ਵਿਚ ਚਾਂਦੀ ਦਾ ਤਮਗ਼ਾ ਅਤੇ ਸ਼ਾਟ ਪੁਟ ਵਿਚ ਕਾਂਸੀ ਦਾ ਤਮਗ਼ਾ ਜਿੱਤਿਆ ਹੈ।
ਹਾਲ ਹੀ 'ਚ ਰਾਮਬਾਈ ਨੇ 6 ਅਤੇ 7 ਫਰਵਰੀ ਨੂੰ ਰਾਜਸਥਾਨ ਦੇ ਅਲਵਰ 'ਚ ਆਯੋਜਿਤ ਓਪਨ ਨੈਸ਼ਨਲ ਐਥਲੈਟਿਕਸ ਪ੍ਰਤੀਯੋਗਿਤਾ ਵੀ ਜਿੱਤੀ ਸੀ। ਇਸ ਮੁਕਾਬਲੇ ਵਿਚ ਉਸ ਨੇ 100 ਮੀਟਰ ਦੌੜ, ਸ਼ਾਟ ਪੁਟ ਅਤੇ ਡਿਸਕਸ ਥਰੋਅ ਵਿੱਚ 3 ਸੋਨ ਤਮਗ਼ੇ ਜਿੱਤੇ ਸਨ। 1 ਜਨਵਰੀ 1917 ਨੂੰ ਜਨਮੇ ਪਿੰਡ ਕੜਮਾ ਦੇ ਵਸਨੀਕ ਰਾਮਬਾਈ ਇੱਕ ਬਜ਼ੁਰਗ ਅਥਲੈਟਿਕਸ ਖਿਡਾਰੀ ਹਨ।
ਰਾਮ ਬਾਈ ਪਿੰਡ ਦੀ ਸਭ ਤੋਂ ਬਜ਼ੁਰਗ ਔਰਤ ਹੈ ਅਤੇ ਹਰ ਕੋਈ ਉਸ ਨੂੰ ਉੱਡਦੀ ਦਾਦੀ ਕਹਿ ਕੇ ਬੁਲਾਉਂਦਾ ਹੈ। ਉਹ ਬੁਢਾਪੇ ਦੀ ਪਰਵਾਹ ਕੀਤੇ ਬਿਨਾਂ ਖੇਡਾਂ ਨੂੰ ਆਪਣੀ ਜ਼ਿੰਦਗੀ ਦਾ ਹਿੱਸਾ ਬਣਾ ਕੇ ਸਖ਼ਤ ਮਿਹਨਤ ਨਾਲ ਅੱਗੇ ਵਧ ਰਹੀ ਹੈ। ਬਜ਼ੁਰਗ ਅਥਲੀਟ ਰਾਮ ਬਾਈ ਨੇ ਖੇਤਾਂ ਦੇ ਕੱਚੇ ਰਸਤਿਆਂ 'ਤੇ ਖੇਡ ਦਾ ਅਭਿਆਸ ਕੀਤਾ।
ਉਹ ਆਪਣੇ ਦਿਨ ਦੀ ਸ਼ੁਰੂਆਤ ਸਵੇਰੇ 4 ਵਜੇ ਉੱਠ ਕੇ ਕਰਦੀ ਹੈ। ਲਗਾਤਾਰ ਦੌੜਨ ਅਤੇ ਤੁਰਨ ਦਾ ਅਭਿਆਸ ਕਰਦੀ ਹੈ। ਇਸ ਤੋਂ ਇਲਾਵਾ ਉਹ ਇਸ ਉਮਰ ਵਿਚ ਵੀ 5-6 ਕਿਲੋਮੀਟਰ ਤੱਕ ਦੌੜਦੀ ਹੈ। ਰਾਮਬਾਈ ਨੇ ਵਡੋਦਰਾ 'ਚ ਹੋਈ ਰਾਸ਼ਟਰੀ ਪੱਧਰ ਦੀ ਐਥਲੈਟਿਕਸ ਚੈਂਪੀਅਨਸ਼ਿਪ 'ਚ 100 ਮੀਟਰ ਦੌੜ 'ਚ ਨਵਾਂ ਵਿਸ਼ਵ ਰਿਕਾਰਡ ਬਣਾਇਆ ਸੀ। ਰਾਮਬਾਈ ਨੇ ਰਾਸ਼ਟਰੀ ਪੱਧਰ ਦੀ ਐਥਲੈਟਿਕਸ ਚੈਂਪੀਅਨਸ਼ਿਪ ਵਿੱਚ 100, 200 ਮੀਟਰ ਦੌੜ, ਰਿਲੇਅ ਦੌੜ ਅਤੇ ਲੰਬੀ ਛਾਲ ਵਿਚ 4 ਸੋਨ ਤਮਗ਼ੇ ਜਿੱਤ ਕੇ ਆਪਣੀਆਂ ਤਿੰਨ ਪੀੜ੍ਹੀਆਂ ਸਮੇਤ ਇਤਿਹਾਸ ਰਚਿਆ ਹੈ। ਨਵੰਬਰ 2021 ਵਿਚ ਹੋਏ ਮੁਕਾਬਲੇ ਵਿਚ 4 ਸੋਨ ਤਮਗ਼ੇ ਜਿੱਤੇ।
