Mitchell Johnson
ਆਸਟ੍ਰੇਲੀਆ ਦੇ ਸਾਬਕਾ ਤੇਜ਼ ਗੇਂਦਬਾਜ਼ ਮਿਸ਼ੇਲ ਜਾਨਸਨ ਦਾ ਮੰਨਣਾ ਹੈ ਕਿ ਭਾਰਤੀ ਆਲਰਾਊਂਡਰ ਹਾਰਦਿਕ ਪਾਂਡਿਆ ਯੂਏਈ 'ਚ ਹੋਣ ਵਾਲੇ ਏਸ਼ੀਆ ਕੱਪ 'ਚ..............
ਮੁੰਬਈ : ਆਸਟ੍ਰੇਲੀਆ ਦੇ ਸਾਬਕਾ ਤੇਜ਼ ਗੇਂਦਬਾਜ਼ ਮਿਸ਼ੇਲ ਜਾਨਸਨ ਦਾ ਮੰਨਣਾ ਹੈ ਕਿ ਭਾਰਤੀ ਆਲਰਾਊਂਡਰ ਹਾਰਦਿਕ ਪਾਂਡਿਆ ਯੂਏਈ 'ਚ ਹੋਣ ਵਾਲੇ ਏਸ਼ੀਆ ਕੱਪ 'ਚ 19 ਸਤੰਬਰ ਨੂੰ ਵਿਰੋਧੀ ਟੀਮ ਪਾਕਿਸਤਾਨ ਵਿਰੁਧ ਹੋਣ ਵਾਲੇ ਮੈਚ 'ਚ ਅਹਿਮ ਖਿਡਾਰੀਆਂ 'ਚੋਂ ਇਕ ਹੋਵੇਗਾ। ਏਸ਼ੀਆ ਕੱਪ ਇਸ ਵਾਰ 50 ਓਵਰਾਂ ਦੇ ਪ੍ਰਾਰੂਪ 'ਚ ਖੇਡਿਆ ਜਾਵੇਗਾ। ਇਹ ਟੂਰਨਾਮੈਂਟ 15 ਸਤੰਬਰ ਤੋਂ ਸ਼ੁਰੂ ਹੋਵੇਗਾ।
ਇਸ ਲਈ ਭਾਰਤੀ ਟੀਮ ਦੀ ਚੋਣ ਇਕ ਸਤੰਬਰ ਨੂੰ ਕੀਤੀ ਜਾਵੇਗੀ। ਭਾਰਤ ਅਪਣਾ ਪਹਿਲਾ ਮੈਚ 18 ਸਤੰਬਰ ਨੂੰ ਕੁਆਲੀਫ਼ਾਇੰਗ ਟੀਮ ਵਿਰੁਧ ਖੇਡੇਗਾ ਅਤੇ ਉਸ ਤੋਂ ਅਗਲੇ ਦਿਨ ਪਾਕਿਸਤਾਨ ਨਾਲ ਭਿੜੇਗਾ। ਏਸ਼ੀਆ ਕੱਪ 'ਚ ਵਿਸ਼ੇਸ਼ ਕੁਮੈਂਟੇਟਰ ਜਾਨਸਨ ਨੇ ਕਿਹਾ ਕਿ ਹਾਰਦਿਕ ਪਾਂਡਿਆ ਏਸ਼ੀਆ ਕੱਪ 'ਚ ਭਾਰਤੀ ਟੀਮ ਲਈ ਵੱਡੇ ਹਥਿਆਰ ਦਾ ਕੰਮ ਕਰੇਗਾ। (ਏਜੰਸੀ)
