ਗਰਭ 'ਚ ਨੌਂ ਮਹੀਨਿਆਂ ਦੀ ਬੱਚੀ ਦੀ ਵੀ ਮੌਤ
Pregnant woman death Lalru News: ਲਾਲੜੂ ਤੋਂ ਵੱਡੀ ਖਬਰ ਸਾਹਮਣੇ ਆਈ ਹੈ, ਇਥੇ ਪਿੰਡ ਭੁੱਖੜੀ ਦੀ 26 ਸਾਲਾ ਔਰਤ ਦੀ ਜਣੇਪੇ ਤੋਂ ਪਹਿਲਾਂ ਹੀ ਮੌਤ ਹੋ ਗਈ। ਉਸ ਦੇ ਗਰਭ 'ਚ ਪਲ ਰਹੀ ਨੌਂ ਮਹੀਨਿਆਂ ਦੀ ਬੱਚੀ ਦੀ ਵੀ ਮੌਤ ਹੋ ਗਈ। ਹਾਲਾਂਕਿ ਜਣੇਪਾ ਪਹਿਲੀ ਵਾਰ ਹੋਣਾ ਸੀ ਪਰ ਮਾਮਲਾ ਸ਼ੱਕੀ ਲੱਗਣ ਕਾਰਨ ਤਿੰਨ ਡਾਕਟਰਾਂ ਦਾ ਬੋਰਡ ਬਣਾ ਕੇ ਜੱਚਾ-ਬੱਚਾ ਦਾ ਪੋਸਟਮਾਰਟਮ ਕੀਤਾ ਗਿਆ।
ਜਾਣਕਾਰੀ ਮੁਤਾਬਕ ਪਿੰਡ ਭੁੱਖੜੀ ਦੀ ਸਿਮਰਨ ਪੁੱਤਰੀ ਰਜਿੰਦਰ ਸਿੰਘ ਦਾ ਕਰੀਬ ਦੋ ਸਾਲ ਵਿਆਹ ਹੋਇਆ ਸੀ। ਜਣੇਪੇ ਲਈ ਉਹ ਆਪਣੇ ਪੇਕੇ ਭੁੱਖੜੀ ਆਈ ਹੋਈ ਸੀ। 9 ਮਹੀਨੇ ਪੂਰੇ ਹੋਣ 'ਤੇ ਜਣੇਪੇ ਵਾਲੀ ਤਰੀਕ ਦੇ ਮੱਦੇਨਜ਼ਰ ਪਰਿਵਾਰ ਵਾਲੇ ਉਸ ਨੂੰ ਬਰਵਾਲਾ ਦੇ ਪ੍ਰਾਈਵੇਟ ਡਾਕਟਰ ਕੋਲ ਲੈ ਗਏ। ਉੱਥੇ ਦਵਾਈ ਤੋਂ ਬਾਅਦ ਬੀ.ਪੀ. ਨਾਰਮਲ ਹੋ ਵੀ ਗਿਆ ਪਰ ਕੁਝ ਸਮੇਂ ਬਾਅਦ ਤਬੀਅਤ ਫਿਰ ਵਿਗੜਨ 'ਤੇ ਸਿਮਰਨ ਨੂੰ ਪੰਚਕੂਲਾ ਦੇ ਸਰਕਾਰੀ ਹਸਪਤਾਲ ਲਿਜਾਇਆ ਗਿਆ।
ਜਿਥੇ ਉੱਥੇ ਸਾਹ ਲੈਣ 'ਚ ਦਿੱਕਤ ਆਉਣ ਆਈ ਤੇ ਇਸ ਤੋਂ ਬਾਅਦ ਸਿਮਰਨ ਨੇ ਦਮ ਤੋੜ ਦਿੱਤਾ। ਪੰਚਕੂਲਾ ਹਸਪਤਾਲ ਦੇ ਡਾਕਟਰਾਂ ਨੇ ਸਿਮਰਨ ਦੇ ਪਤੀ ਸਮੇਤ ਸਹੁਰਾ ਪਰਿਵਾਰ ਨਾਲ ਮਾਮਲੇ ਦੀ ਪੂਰੀ ਜਾਂਚ ਕੀਤੀ। ਬਾਅਦ 'ਚ ਸਿਮਰਨ ਨੂੰ ਡੇਰਾਬਸੀ ਸਿਵਲ ਹਸਪਤਾਲ ਲਿਆਂਦਾ ਗਿਆ।
ਡਾਕਟਰਾਂ ਵੱਲੋਂ ਜਾਰੀ ਕੀਤੀ ਮੈਡੀਕਲ ਰਿਪੋਰਟ ਦੇ ਆਧਾਰ 'ਤੇ ਮਾਮਲੇ ਦੀ ਗਹਿਰਾਈ ਨਾਲ ਜਾਂਚ ਕਰਨ ਲਈ ਤਿੰਨ ਡਾਕਟਰਾਂ ਦਾ ਬੋਰਡ ਬਣਾਇਆ ਗਿਆ। ਗਰਭ 'ਚ ਨੌਂ ਮਹੀਨਿਆਂ ਦੀ ਬੱਚੀ ਸੀ, ਜਿਸ ਦੀ ਵੀ ਮੌਤ ਹੋ ਗਈ। ਪੋਸਟਮਾਰਟਮ ਤੋਂ ਬਾਅਦ ਲਾਸ਼ ਪਰਿਵਾਰ ਨੂੰ ਭੁੱਖੜੀ 'ਚ ਸੌਂਪ ਦਿੱਤੀ ਗਈ।
