Muktsar News : ਘਟਨਾ ਸੀਸੀਟੀਵੀ ਕੈਮਰੇ ’ਚ ਹੋਈ ਕੈਦ

Muktsar News in Punjabi : ਅੱਜ ਸ਼੍ਰੀ ਮੁਕਤਸਰ ਸਾਹਿਬ ਦੇ ਅਬੋਹਰ ਰੋਡ ’ਤੇ ਕਨਵੈਸਨਰੀ ’ਤੇ ਕੱਪੜੇ ਸੀਣ ਵਾਲੇ ਟੇਲਰ ਮਾਸਟਰ ਦੀ ਦੁਕਾਨ ’ਤੇ ਚੋਰਾਂ ਵੱਲੋਂ ਚੋਰੀ ਕਰ ਕੇ ਹੱਥ ਸਾਫ਼ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਜਿਸ ਦੀ ਸਾਰੀ ਘਟਨਾ ਸੀਸੀਟੀਵੀ ਕੈਮਰੇ ’ਚ ਕੈਦ ਹੋ ਗਈ। ਉਥੇ ਹੀ ਦੁਕਾਨਦਾਰਾਂ ਦਾ ਕਹਿਣਾ ਸੀ ਕਿ ਇਹ ਸਾਡੇ ’ਤੇ ਪਹਿਲੀ ਚੋਰੀ ਦੀ ਵਾਰਦਾਤ ਨਹੀਂ ਇਸ ਤੋਂ ਪਹਿਲਾਂ ਵੀ ਸਾਡੇ 2 ਵਾਰ ਚੋਰੀ ਹੋ ਚੁੱਕੀ ਹੈ। 

ਦੁਕਾਨਦਾਰ ਨੇ ਦੱਸਿਆ ਕਿ ਤਕਰੀਬਨ ਸਾਡੀ ਦੁਕਾਨ ’ਚ ਤਿੰਨ ਵਾਰੀ ਚੋਰੀ ਹੋ ਚੁੱਕੀ ਹੈ ਪਿਛਲੀ ਵਾਰ ਵੀ ਸਾਡੇ ਕੁਝ ਨਕਦੀ ਚੋਰੀ ਹੋਈ ਅਤੇ ਇਸ ਵਾਰ ਵੀ ਨਕਦੀ ਚੋਰੀ ਹੋਈ ਹੈ। ਚੋਰਾਂ ਨੂੰ ਪੁਲਿਸ ਦਾ ਵੀ ਖੌਫ਼ ਨਹੀਂ ਰਿਹਾ। ਕਿਉਂਕਿ ਚੋਰਾਂ ਨੂੰ ਜਦੋਂ ਅਸੀਂ ਪੁਲਿਸ ਥਾਣੇ ਫੜਾਉਂਦੇ ਹਾਂ ਤਾਂ ਚੋਰਾਂ ਨੂੰ ਪੁਲਿਸ ਉਸੇ ਟਾਈਮ ਛੱਡ ਦਿੰਦੀ ਹੈ। ਕਿਉਂਕਿ ਚੋਰ ਸਾਨੂੰ ਕਹਿੰਦੇ ਹਨ ਕਿ ਸਾਨੂੰ ਤਾਂ ਪੁਲਿਸ ਨੂੰ ਫੜਾ ਦਿਓ, ਕਿਉਂਕਿ ਸਾਨੂੰ ਉਨ੍ਹਾਂ ਦਾ ਕੋਈ ਡਰ ਨਹੀਂ ਹੈ, ਸਗੋਂ ਤੁਸੀਂ ਸਾਨੂੰ ਕੁੱਟਦੇ ਹੋ। 

ਉਥੇ ਹੀ ਟੇਲਰ ਮਾਸਟਰ ਦੀ ਦੁਕਾਨ ਤੋਂ ਚੋਰਾਂ ਸ਼ਟਰ ਤੋੜ ਕੇ ਕੱਪੜੇ ਸੀਣ ਵਾਲੀ ਮਸ਼ੀਨ ਨੂੰ ਚੋਰੀ ਕਰ ਲੈ ਗਏ। ਇਹਨਾਂ ਦਾ ਕਹਿਣਾ ਸੀ ਕਿ ਸਾਨੂੰ ਇਨਸਾਫ਼ ਚਾਹੀਦਾ ਕਿਉਂਕਿ ਲਗਾਤਾਰ ਸਾਡੇ ਦੁਕਾਨਾਂ ’ਤੇ ਚੋਰੀਆਂ ਰਹੀਆਂ ਹਨ, ਅਸੀਂ ਪ੍ਰਸ਼ਾਸਨ ਤੋਂ ਮੰਗ ਕਰਦੇ ਹਾਂ ਕਿ ਇਹਨਾਂ ਚੋਰਾਂ ਨੂੰ ਫ਼ੜਿਆ ਜਾਵੇ ਤੇ ਇਹਨਾਂ ’ਤੇ ਕਾਰਵਾਈ ਕੀਤੀ ਜਾਵੇ। 

(For more news apart from The thieves targeted 2 shops at same time and escaped with thousands of cash News in Punjabi, stay tuned to Rozana Spokesman)