Bribe Case
ਐਮ.ਓ. ਨੇ ਐਮ.ਐਲ.ਆਰ. ਕੱਟਣ ਬਦਲੇ ਮੰਗੇ ਸੀ 25 ਹਜ਼ਾਰ ਰੁਪਏ
ਗੁਰਦਾਸਪੁਰ: ਇੱਥੋਂ ਦੇ ਸਿਵਲ ਹਸਪਤਾਲ ’ਚ ਤੈਨਾਤ ਐਮ.ਓ. ਨੂੰ 10 ਹਜ਼ਾਰ ਦੀ ਰਿਸ਼ਵਤ ਲੈਂਦਿਆਂ ਰੰਗੇ ਹੱਥੀਂ ਕਾਬੂ ਕਰਨ ਦੀ ਖ਼ਬਰ ਮਿਲੀ ਹੈ। ਮਿਲੀ ਜਾਣਕਾਰੀ ਮੁਤਾਬਕ, ਦਲੀਪ ਚੰਦ ਪੁੱਤਰ ਮਨਸਾ ਵਾਸੀ ਡੇਰੀ ਵਾਲ ਦਰੋਗਾ ਸੱਟਾ ਲੱਗਣ ਕਾਰਨ ਹਸਪਤਾਲ ਵਿਚ ਦਾਖਲ ਸੀ। ਐਮ.ਓ. ਡਾ. ਪੁਨੀਤ ਗਿੱਲ ਪੁੱਤਰ ਸੁਰਜੀਤ ਕੁਮਾਰ ਵਾਸੀ ਪਿੰਡ ਲਾਲ ਪੁਰਾ ਨੇ ਦਲੀਪ ਚੰਦ ਦੀ ਐਮ.ਐਲ.ਆਰ. ਕੱਟਣ ਬਦਲੇ 25 ਹਜ਼ਾਰ ਰੁਪਏ ਦੀ ਮੰਗ ਕੀਤੀ ਸੀ।
Bribe
ਸੌਦਾ 20 ਹਜ਼ਾਰ ਵਿਚ ਤੈਅ ਹੋ ਗਿਆ, ਜਿਸ ਦੀ ਪਹਿਲੀ ਕਿਸ਼ਤ 10 ਹਜ਼ਾਰ ਰੁਪਏ ਅੱਜ ਬੁੱਧਵਾਰ ਨੂੰ ਦਿਤੀ ਜਾਣੀ ਸੀ। ਦਲੀਪ ਚੰਦ ਨੇ ਇਸ ਸਬੰਧੀ ਸ਼ਿਕਾਇਤ ਪੁਲਿਸ ਨੂੰ ਕੀਤੀ। ਜਿਵੇਂ ਹੀ ਸਿਵਲ ਹਸਪਤਾਲ ਦੇ ਬਾਹਰ ਇਕ ਦੁਕਾਨ ਵਿਚ ਡਾ. ਪੁਨੀਤ ਗਿੱਲ 10 ਹਜ਼ਾਰ ਰੁਪਏ ਲੈਣ ਲੱਗਾ ਤਾਂ ਡੀ.ਐਸ.ਪੀ. ਕਮਲ ਪ੍ਰੀਤ ਕੌਰ ਨੇ ਉਸ ਨੂੰ ਰੰਗੇ ਹੱਥੀਂ ਕਾਬੂ ਕਰ ਲਿਆ। ਪੁਲਿਸ ਨੇ ਦੋਸ਼ੀ ਨੂੰ ਗ੍ਰਿਫ਼ਤਾਰ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿਤੀ ਹੈ।
