ਚੰਡੀਗੜ੍ਹ ਦੀ ਵਾਗੂੰ ਹੁਣ ਮੋਹਾਲੀ ਸ਼ਹਿਰ 'ਚ ਵੀ ਸੜਕਾਂ 'ਤੇ ਵੱਖਰੇ ਸਾਈਕਲ ਟਰੈਕ ਬਣਨਗੇ...
ਮੋਹਾਲੀ: ਚੰਡੀਗੜ੍ਹ ਦੀ ਵਾਗੂੰ ਹੁਣ ਮੋਹਾਲੀ ਸ਼ਹਿਰ 'ਚ ਵੀ ਸੜਕਾਂ 'ਤੇ ਵੱਖਰੇ ਸਾਈਕਲ ਟਰੈਕ ਬਣਨਗੇ। ਵੀਰਵਾਰ ਨੂੰ ਨਗਰ ਨਿਗਮ ਦੀ ਹਾਊਸ ਬੈਠਕ 'ਚ ਇਸ ਪ੍ਰਸਤਾਵ ਨੂੰ ਸਭ ਦੀ ਸਹਿਮਤੀ ਨਾਲ ਪਾਸ ਕਰ ਦਿੱਤਾ ਗਿਆ। ਅਸਲ 'ਚ ਸਾਈਕਲ ਪ੍ਰੇਮੀਆਂ ਵਲੋਂ ਮੋਹਾਲੀ 'ਚ ਸਾਈਕਲ ਟਰੈਕ ਬਣਾਉਣ ਦੀ ਲੰਬੇ ਸਮੇਂ ਤੋਂ ਮੰਗ ਕੀਤੀ ਜਾ ਰਹੀ ਸੀ। ਇਹ ਸਾਈਕਲ ਟਰੈਕ ਫੇਜ਼-11 ਦੇ ਬੇਸਟੈੱਕ ਮਾਲ ਤੋਂ ਲੈ ਕੇ ਸਪਾਈਸ ਚੌਂਕ ਤੱਕ ਬਣਾਇਆ ਜਾਵੇਗਾ।
Cycle Track
ਨਿਗਮ ਵਲੋਂ ਬਣਾਇਆ ਜਾਣ ਵਾਲਾ ਇਹ ਪਹਿਲਾ ਸਾਈਕਲ ਟਰੈਕ ਹੋਵੇਗਾ। ਜੇਕਰ ਇਹ ਸਫਲ ਰਿਹਾ ਤਾਂ ਸ਼ਹਿਰ ਦੇ ਹੋਰ ਮਾਰਗਾਂ 'ਤੇ ਵੀ ਅਜਿਹੇ ਟਰੈਕ ਬਣਾਏ ਜਾਣ ਦਾ ਰਸਤਾ ਸਾਫ ਹੋ ਜਾਵੇਗਾ। ਸ਼ਹਿਰ 'ਚ ਇਸ ਸਮੇਂ ਇਕ ਹੀ ਸਾਈਕਲ ਟਰੈਕ ਹੈ, ਜੋ ਕਈ ਸਾਲ ਪਹਿਲਾਂ ਗਮਾਡਾ ਵਲੋਂ ਬਣਾਇਆ ਗਿਆ ਸੀ, ਪਰ ਇਸ ਦੀ ਸਾਂਭ-ਸੰਭਾਲ ਨਾ ਹੋਣ ਕਾਰਨ ਇਹ ਖਸਤਾ ਹਾਲ ਹੈ। ਬੈਠਕ 'ਚ 6 ਕਰੋੜ ਦੇ ਵਿਕਾਸ ਕਾਰਜਾਂ ਦਾ ਪ੍ਰਸਤਾਵ ਰੱਖਿਆ ਗਿਆ।
Cycle Track
ਮੋਹਾਲੀ ਨਗਰ ਨਿਗਮ ਨੇ ਵੀ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦਾ 550 ਪ੍ਰਕਾਸ਼ ਪੁਰਬ ਮਨਾਉਣ ਦਾ ਫੈਸਲਾ ਕੀਤਾ ਹੈ ਅਤੇ ਜਲਦੀ ਹੀ ਹਾਊਸ ਮੀਟਿੰਗ ਬੁਲ ਕੇ ਪ੍ਰੋਗਰਾਮ ਦੀ ਰੂਪ-ਰੇਖਾ ਬਣਾਈ ਜਾਵੇਗੀ।
