ਤਸੱਲੀਬਖ਼ਸ਼ ਕਾਰਗੁਜ਼ਾਰੀ ਦੇ ਆਧਾਰ 'ਤੇ ਹੋਇਆ ਵਾਧਾ
ਚੰਡੀਗੜ੍ਹ (ਭੁੱਲਰ): ਪਾਵਰ ਕਾਰਪਰੇਸ਼ਨ ਦੇ ਚੇਅਰਮੈਨ ਕਮ ਐਮ ਡੀ ਬਲਦੇਵ ਸਿੰਘ ਸਰਾਂ ਦਾ ਕਾਰਜਕਾਲ ਪੰਜਾਬ ਸਰਕਾਰ ਨੇ ਵਧਾ ਦਿਤਾ ਹੈ ਜੋ ਖ਼ਤਮ ਹੋ ਰਿਹਾ ਸੀ। ਜਾਰੀ ਪੱਤਰ ਚ ਅਗਲੇ ਹੁਕਮਾਂ ਤਕ ਵਾਧਾ ਕਰਨ ਦੀ ਗੱਲ ਲਿਖੀ ਗਈ ਹੈ। ਕਾਰਜਕਾਲ ’ਚ ਵਾਧੇ ਦਾ ਪੱਤਰ ਬਿਜਲੀ ਵਿਭਾਗ ਦੇ ਵਧੀਕ ਮੁੱਖ ਸਕੱਤਰ ਕਿਰਪਾ ਸੰਕਰ ਸਰੋਜ ਵਲੋਂ ਜਾਰੀ ਕੀਤਾ ਗਿਆ ਹੈ।
ਇਸ ਪੱਤਰ ’ਚ ਇਹ ਵੀ ਲਿਖਿਆ ਹੈ ਕਿ ਵਾਧਾ ਤਸੱਲੀਬਖ਼ਸ਼ ਕਾਰਗੁਜ਼ਾਰੀ ਦੇ ਆਧਾਰ ’ਤੇ ਦਿਤਾ ਗਿਆ ਹੈ। ਸਰਾਂ ਅਪਣੇ ਚੰਗੇ ਕੰਮ ਦੇ ਬਲਬੂਤੇ ਪਿਛਲੀ ਕਾਂਗਰਸ ਸਰਕਾਰ ’ਚ ਵੀ ਲੰਬਾ ਸਮਾਂ ਇਸ ਅਹੁਦੇ ਉਪਰ ਰਹੇ। ਮੌਜੂਦਾ ਸਰਕਾਰ ਵੀ ਕਾਰਗੁਜ਼ਾਰੀ ਨੂੰ ਦੇਖਦਿਆਂ ਸਰਾਂ ਨੂੰ ਫ਼ਾਰਗ ਨਹੀਂ ਕਰਨਾ ਚਾਹੁੰਦੀ। ਇਸ ਵਾਰ ਥਰਮਲ ਪਲਾਂਟਾਂ ਦੇ ਸੰਕਟ ਦੇ ਬਾਵਜੂਦ ਫ਼ਸਲ ਦੇ ਸੀਜ਼ਨ ਚ ਨਿਰਵਿਘਨ ਸਪਲਾਈ ਕਿਸਾਨਾਂ ਨੂੰ ਦਿਤੀ ਗਈ ਅਤੇ ਗਰਮੀ ਦੇ ਮੌਸਮ ’ਚ ਵੀ ਇੰਡਸਟਰੀ ਤੇ ਘਰੇਲੂ ਖਪਤਕਾਰਾਂ ਨੂੰ ਭੀ ਪੂਰੀ ਬਿਜਲੀ ਦਿਤੀ ਗਈ। 300 ਯੂਨਿਟ ਮੁਫ਼ਤ ਬਿਜਲੀ ਦੀ ਯੋਜਨਾ ਵੀ ਸਰਾਂ ਦੇ ਕਾਰਜਕਾਲ ’ਚ ਸਫ਼ਲਤਾਪੂਰਵਕ ਸਰਕਾਰ ਨੇ ਲਾਗੂ ਕੀਤੀ ਹੈ।
