ਕੁੱਝ ਦਿਨ ਪਹਿਲਾਂ ਪਾਏ ਗਏ ਸਨ ਕੋਰੋਨਾ ਪਾਜ਼ੇਟਿਵ
ਮੁੰਬਈ: ਮਸ਼ਹੂਰ ਟੀਵੀ ਸ਼ੋਅ 'ਅਨੁਪਮਾ' ਦੀ ਅਦਾਕਾਰਾ ਮਾਧਵੀ ਗੋਗਾਟੇ ਦਾ 58 ਸਾਲ ਦੀ ਉਮਰ 'ਚ ਦਿਹਾਂਤ ਹੋ ਗਿਆ ਹੈ। ਦੱਸ ਦੇਈਏ ਕਿ ਮਾਧਵੀ ਗੋਗਾਟੇ ਨੇ ਸ਼ੋਅ 'ਅਨੁਪਮਾ' 'ਚ ਰੂਪਾਲੀ ਗਾਂਗੁਲੀ ਦੀ ਮਾਂ ਦਾ ਕਿਰਦਾਰ ਨਿਭਾਇਆ ਸੀ। ਜਾਣਕਾਰੀ ਅਨੁਸਾਰ ਉਹ ਕੋਰੋਨਾ ਪਾਜ਼ੀਟਿਵ ਪਾਏ ਗਏ ਸਨ ਤੇ ਉਹਨਾਂ ਨੂੰ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ ਸੀ।
Madhavi Gogate
ਜਿਸ ਤੋਂ ਬਾਅਦ ਉਨ੍ਹਾਂ ਦੀ ਸਿਹਤ 'ਚ ਵੀ ਕੁਝ ਸੁਧਾਰ ਹੋਇਆ ਪਰ ਅਚਾਨਕ ਤਬੀਅਤ ਵਿਗੜ ਜਾਣ ਕਾਰਨ ਉਨ੍ਹਾਂ ਦੀ ਮੌਤ ਹੋ ਗਈ। ਮਾਧਵੀ ਗੋਗਾਟੇ ਦੇ ਅਚਾਨਕ ਦਿਹਾਂਤ ਤੋਂ ਹਰ ਕੋਈ ਸਦਮੇ 'ਚ ਹੈ।
Madhavi Gogate
ਮਾਧਵੀ ਨੇ ਆਪਣੀਆਂ ਫਿਲਮਾਂ ਅਤੇ ਟੀਵੀ ਸ਼ੋਅਜ਼ ਨਾਲ ਦਰਸ਼ਕਾਂ ਦਾ ਮਨੋਰੰਜਨ ਕੀਤਾ ਹੈ। ਉਹ ਅਸ਼ੋਕ ਸਰਾਫ ਦੇ ਨਾਲ ਮਰਾਠੀ ਫਿਲਮ ਘਨਚੱਕਰ ਨਾਲ ਪ੍ਰਸਿੱਧੀ ਪ੍ਰਾਪਤ ਕੀਤੀ। ਉਸ ਦੇ ਪ੍ਰਸਿੱਧ ਨਾਟਕ ‘ਭਰਮਚਾ ਭੋਪਾਲਾ, ‘ਗੇਲਾ ਮਾਧਵ ਕੁਨਿਕੜੇ’ ਸਨ।
Madhavi Gogate
ਉਹਨਾਂ ਨੇ ਹਾਲ ਹੀ ਵਿੱਚ ਤੁਜ਼ਾ ਮਾਜ਼ਾ ਜਾਮਤੇ ਨਾਲ ਮਰਾਠੀ ਟੀਵੀ ਵਿੱਚ ਡੈਬਿਊ ਕੀਤਾ ਹੈ। ਮਾਧਵੀ ਨੇ ਕਈ ਹਿੰਦੀ ਟੀਵੀ ਸ਼ੋਅ ਜਿਵੇਂ ਕਿ ਕੋਈ ਅਪਨਾ ਸਾ, ਐਸਾ ਕਦੇ ਸੋਚਾ ਨਾ ਥਾ, ਕਹੀਂ ਤੋ ਹੋਗਾ ਆਦਿ ਵਿੱਚ ਵੀ ਪ੍ਰਦਰਸ਼ਿਤ ਕੀਤਾ ਹੈ।
