ਯੂਥ ਅਕਾਲੀ ਦਲ ਦੇ ਵਰਕਰਾਂ ਅਤੇ ਆਗੂਆਂ ਨੇ ਕੀਤਾ ਬੈਂਸ ਵਿਰੁਧ ਰੋਸ ਪ੍ਰਦਰਸ਼ਨ
ਪੁਲਿਸ ਨੇ ਹਿਰਾਸਤ ਵਿਚ ਲੈ ਕੇ ਛੱਡੇ
ਲੁਧਿਆਣਾ, 20 ਨਵੰਬਰ ( ਆਰ. ਪੀ. ਸਿੰਘ): ਯੂਥ ਅਕਾਲੀ ਦਲ ਦੇ ਵਰਕਰਾਂ ਅਤੇ ਆਗੂਆਂ ਵਲੋਂ ਜ਼ਿਲ੍ਹਾ ਪ੍ਰਧਾਨ ਗੁਦੀਪ ਸਿੰਘ ਗੌਸ਼ਾ ਦੀ ਅਗਵਾਈ ਵਿਚ ਲੋਕ ਇਨਸਾਫ਼ ਪਾਰਟੀ ਦੇ ਪ੍ਰਧਾਨ ਸਿਮਰਨਜੀਤ ਸਿੰਘ ਬੈਂਸ ਵਿਰੁਧ ਰੋਸ ਪ੍ਰਦਰਸ਼ਨ ਕੀਤਾ ਗਿਆ। ਇਸ ਪ੍ਰਦਰਸ਼ਨ ਦੌਰਾਨ ਪੁਲਿਸ ਨੇ ਗੁਰਦੀਪ ਸਿੰਘ ਗੋਸ਼ਾ ਅਤੇ ਉਸ ਦੇ ਸਾਥੀਆਂ ਨੂੰ ਅਪਣੀ ਹਿਰਾਸਤ ਵਿਚ ਲੈ ਕੈ ਡੇਹਲੋ ਥਾਣੇ ਵਿਚ ਰਖਿਆ। ਇਸ ਮੌਕੇ ਗੋਸ਼ੇ ਨੇ ਕਿਹਾ ਜੋ ਪੀੜਤ ਮਹਿਲਾ ਵਲੋਂ ਬੈਂਸ ਅਤੇ ਬਲਾਤਕਾਰ ਦੇ ਜੋ ਗਭੀਰ ਦੋਸ਼ ਲਗਾਏ ਗਏ ਹਨ। ਉਸ ਤੇ ਸਰਕਾਰ ਵਲੋਂ ਕੋਈ ਵੀ ਕਾਰਵਾਈ ਨਹੀਂ ਕੀਤੀ ਗਈ। ਉਨ੍ਹਾਂ ਕਿਹਾ ਕਾਂਗਰਸ ਸਰਕਾਰ ਬੈਂਸ ਦੀ ਮਦਦ ਕਰ ਰਹੀ ਹੈ। ਉਨ੍ਹਾਂ ਕਿਹਾ ਪੀੜਤ ਮਹਿਲਾ ਨੂੰ ਇੰਨਸਾਫ਼ ਦਵਾਉਣ ਲਈ ਸਾਨੂੰ ਅੱਜ ਇਹ ਪ੍ਰਦਰਸ਼ਨ ਕਰਨਾ ਪਿਆ। ਗੋਸ਼ਾਂ ਨੇ ਕਿਹਾ ਬੈਂਸ ਉਪਰ ਪਹਿਲਾਂ ਵੀ ਕਈ ਗੰਭੀਰ ਦੋਸ਼ ਲੱਗ ਚੁੱਕੇ ਹਨ ਅਤੇ ਕਾਂਗਰਸ ਇਨ੍ਹਾਂ ਭਰਾਵਾਂ ਦੀ ਗੁੰਡਾ ਗਰਦੀ ਤੋਂ ਡਰਦੀ ਕਈ ਐਕਸ਼ਨ ਨਹੀਂ ਲੈ ਰਹੀ। ਉਨ੍ਹਾਂ ਕਿਹਾ ਸਮਾਂ ਆਉਣ ਉਤੇ ਇਨ੍ਹਾਂ ਬੈਂਸ ਭਰਾਵਾਂ ਉਤੇ ਨੱਥ ਪਾਈ ਜਾਵੇਗੀ। ਇਸ ਮੌਕੇ ਗਗਨਦੀਪ ਸਿੰਘ ਗਿਆਸਪੁਰਾ, ਜਤਿੰਦਰ ਪਾਲ ਸਿੰਘ ਖ਼ਾਲਸਾ, ਕੰਮਲਜੀਤ ਸਿੰਘ ਦੂਆ, ਰਾਣੀ ਧਾਲੀਵਾਲ, ਜਸਪਾਲ ਕੌਰ, ਵਰਨ ਮਲਹੋਤਰਾ, ਅੰਗਰੇਜ਼ ਸਿੰਘ ਚੋਹਲਾ, ਅਮਰਜੋਤ ਸਿੰਘ, ਪ੍ਰਭਜੀਤ ਸਿੰਘ, ਜਗਰੂਪ ਸਿੰਘ, ਸੁਰਿੰਦਰ ਸਿੰਘ, ਕਿਰਪਾਲ ਸਿੰਘ ਆਦੀ ਹਾਜ਼ਰ ਸਨ।
