Ludhiana News : ਵਕੀਲ ਡਾ. ਗੌਰਵ ਅਰੋੜਾ ਨੇ ਹਲਕਾ ਦੱਖਣੀ ’ਚ ਗੰਦੇ ਪਾਣੀ ਅਤੇ ਰੋਡ ਸੰਬੰਧੀ ਪਾਈ ਸੀ ਪਟਿਸ਼ਨ, ਕੋਰਟ ਨੇ ਨਗਰ ਨਿਗਮ ਕਮਿਸ਼ਨਰ ਤੋਂ ਮੰਗਿਆ ਜਵਾਬ
Ludhiana News in Punjabi : ਲੁਧਿਆਣਾ ਨਗਰ ਨਿਗਮ ਦਾ ਮੇਅਰ ਤਾਂ ਬਣ ਗਿਆ ਹੈ, ਪਰ ਲੁਧਿਆਣਾ ਹਲਕਾ ਦੱਖਣੀ ਦੇ ਕਈ ਵਾਰਡ ਦੇ ਲੋਕ ਹਲੇ ਵੀ ਜਰੂਰੀ ਸਹੂਲਤਾਂ ਦੀ ਉਡੀਕ ਕਰ ਰਹੇ ਹਨ। ਹਲਕਾ ਦੱਖਣੀ ਦੇ ਅੰਦਰ ਪੈਂਦੇ ਕਈ ਰੋਡ ਬੁਰੀ ਤਰ੍ਹਾਂ ਟੁੱਟੇ ਪਏ ਹਨ। ਇਹਨਾਂ ਰੋਡਾਂ ਦਾ ਮੁੱਦਾ ਮੁਨੱਖੀ ਅਧਿਕਾਰ ਕਮਿਸ਼ਨ ਵਿੱਚ ਪੁਹੰਚ ਗਿਆ ਸੀ। ਸਮਾਜ ਸੇਵੀ ਅਤੇ ਸਾਬਕਾ ਪੀ ਬੀ ਆਈ ਅਫ਼ਸਰ ਐਡਵੋਕੇਟ ਡਾ. ਗੌਰਵ ਅਰੋੜਾ ਨੇ ਗੰਦੇ ਪਾਣੀ ਅਤੇ ਰੋਡ ਦੀ ਹਾਲਤ ਨੂੰ ਲੈਕੇ ਮਨੁੱਖੀ ਅਧਿਕਾਰ ਕਮਿਸ਼ਨ ਵਿਚ ਪਟੀਸ਼ਨ ਦਰਜ ਕਰਵਾਈ ਸੀ। ਜਿਸ ਤੇ ਕਮਿਸ਼ਨ ਨੇ ਸਖ਼ਤ ਰੁੱਖ ਅਪਨਾਉਂਦੇ ਹੋਏ ਨਗਰ ਨਿਗਮ ਕਮਿਸ਼ਨਰ ਤੋਂ ਜਵਾਬ ਮੰਗਿਆ ਹੈ।
ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਡਾ. ਗੌਰਵ ਨੇ ਕਿਹਾ ਕਿ ਰੋਡ ਨਾ ਬਣਨ ਕਾਰਨ ਰੋਜ਼ਾਨਾ ਹਾਦਸੇ ਹੋ ਰਹੇ ਹਨ ਅਤੇ ਗੰਦੇ ਪਾਣੀ ਨੂੰ ਲੈ ਕੇ ਲੋਕ ਬਿਮਾਰ ਪੈ ਰਹੇ ਹਨ। ਉਨ੍ਹਾਂ ਕਿਹਾ ਸਾਫ਼ ਪਾਣੀ ਤੇ ਰੋਡ ਮੁਢਲੇ ਮਨੁੱਖੀ ਅਧਿਕਾਰ ਹਨ ਪਰ ਹਲਕੇ ਦੇ ਲੋਕ ਇਸ ਤੋਂ ਵੀ ਵਾਂਝੇ ਹਨ ਪਰ ਇਸ ਨੂੰ ਠੀਕ ਕਰਵਾਉਣ ਲਈ ਉਨ੍ਹਾਂ ਵਲੋਂ ਹਰ ਸੰਭਵ ਕਦਮ ਚੁੱਕੇ ਜਾਣਗੇ।
(For more news apart from Court of Human Rights Commission gave big blow to Halka Dakshini News in Punjabi, stay tuned to Rozana Spokesman)
