ਕੁਮਾਰ ਵਿਸ਼ਵਾਸ ਦੇ ਬਿਆਨ ਮਗਰੋਂ ਆਮ ਆਦਮੀ ਪਾਰਟੀ ਦੇ ਕਨਵੀਨਰ ਅਰਵਿੰਦ ਕੇਜਰੀਵਾਲ ਨੇ ਵਿਰੋਧੀਆਂ ਨੂੰ ਜਵਾਬ ਦਿੱਤਾ ਹੈ।
ਚੰਡੀਗੜ੍ਹ: ਕੁਮਾਰ ਵਿਸ਼ਵਾਸ ਦੇ ਬਿਆਨ ਮਗਰੋਂ ਆਮ ਆਦਮੀ ਪਾਰਟੀ ਦੇ ਕਨਵੀਨਰ ਅਰਵਿੰਦ ਕੇਜਰੀਵਾਲ ਨੇ ਵਿਰੋਧੀਆਂ ਨੂੰ ਜਵਾਬ ਦਿੱਤਾ ਹੈ। ਅਰਵਿੰਦ ਕੇਜਰੀਵਾਲ ਨੇ ਪ੍ਰੈੱਸ ਕਾਨਫਰੰਸ ਕਰਦਿਆਂ ਕਿਹਾ ਕਿ ਮੈਂ ਦੁਨੀਆਂ ਦਾ ਪਹਿਲਾ ‘ਸਵੀਟ ਅਤਿਵਾਦੀ’ ਹਾਂ। ਜੋ ਲੋਕਾਂ ਲਈ ਹਸਪਤਾਲ-ਸਕੂਲ ਬਣਾਉਂਦਾ ਹੈ। ਬਜ਼ੁਰਗਾਂ ਨੂੰ ਤੀਰਥ ਯਾਤਰਾ 'ਤੇ ਭੇਜਦਾ ਹੈ। ਉਹਨਾਂ ਕਿਹਾ ਕਿ ਅੰਗਰੇਜ਼ ਵੀ ਭਗਤ ਸਿੰਘ ਤੋਂ ਡਰਦੇ ਸੀ, ਇਸ ਲਈ ਉਹਨਾਂ ਨੂੰ ਅਤਿਵਾਦੀ ਬੋਲਦੇ ਸੀ ਅਤੇ ਮੈਂ ਭਗਤ ਸਿੰਘ ਦਾ ਚੇਲਾ ਹਾਂ।
Tweet
ਇਸ ਸਬੰਧੀ ਟਵੀਟ ਕਰਦਿਆਂ ਉਹਨਾਂ ਲਿਖਿਆ, “ਇਹ ਸਾਰੇ ਭ੍ਰਿਸ਼ਟਾਚਾਰੀ ਮੈਨੂੰ ਅਤਿਵਾਦੀ ਬੋਲ ਰਹੇ ਹਨ, ਮੈਂ ਦੁਨੀਆਂ ਦਾ ਪਹਿਲਾ ਅਤਿਵਾਦੀ ਹਾਂ ਜੋ ਲੋਕਾਂ ਲਈ ਸਕੂਲ ਬਣਵਾਉਂਦਾ ਹਾਂ, ਹਸਪਤਾਲ ਬਣਵਾਉਂਦਾ ਹਾਂ, ਬਿਜਲੀ ਠੀਕ ਕਰਦਾ ਹਾਂ। ਦੁਨੀਆਂ ਦਾ ਮੈਂ ਪਹਿਲਾ ‘ਸਵੀਟ ਅਤਿਵਾਦੀ’ ਹਾਂ। ਅੰਗਰੇਜ਼ਾਂ ਨੂੰ ਭਗਤ ਸਿੰਘ ਤੋਂ ਖੌਫ਼ ਸੀ, ਇਸ ਲਈ ਉਹਨਾਂ ਨੂੰ ਅਤਿਵਾਦੀ ਬੋਲਦੇ ਸੀ। ਮੈਂ ਭਗਤ ਸਿੰਘ ਦਾ ਚੇਲਾ ਹਾਂ”। ਉਹਨਾਂ ਕਿਹਾ ਕਿ ਜੇਕਰ ਮੈਂ ਅਤਿਵਾਦੀ ਸੀ ਤਾਂ ਮੈਨੂੰ 10 ਸਾਲ ਤੱਕ ਫੜਿਆ ਕਿਉਂ ਨਹੀਂ?
