Stray cattle
ਘਟਨਾ ਦੇ ਲਈ ਲੋਕਾਂ ਨੇ ਸਰਕਾਰ ਨੂੰ ਪਾਈਆਂ ਲਾਹਣਤਾਂ
ਮਲੇਰਕੋਟਲਾ- ਸੜਕਾਂ 'ਤੇ ਘੁੰਮ ਰਹੀਆਂ ਅਵਾਰਾ ਗਾਵਾਂ ਅਤੇ ਸਾਨ੍ਹਾਂ ਨੂੰ ਲੈ ਕੇ ਅਕਸਰ ਖ਼ਬਰਾਂ ਆਉਂਦੀਆਂ ਰਹਿੰਦੀਆਂ ਹਨ ਜੋ ਵੱਡੇ ਸੜਕ ਹਾਦਸਿਆਂ ਦਾ ਕਾਰਨ ਬਣ ਰਹੇ ਹਨ। ਹੁਣ ਸੰਗਰੂਰ-ਧੂਰੀ-ਮਲੇਰਕੋਟਲਾ ਦੀ ਇਕ ਵੀਡੀਓ ਸਾਹਮਣੇ ਆਈ ਹੈ। ਜਿੱਥੇ ਇਕ ਓਵਰਬ੍ਰਿਜ਼ 'ਤੇ ਘੁੰਮ ਰਹੇ ਅਵਾਰਾ ਸਾਨ੍ਹ ਨੇ ਕਾਫ਼ੀ ਸਮੇਂ ਤਕ ਆਵਾਜਾਈ ਨੂੰ ਬ੍ਰੇਕਾਂ ਲਗਾਈਂ ਰੱਖੀਆਂ।
Stray cattle
ਇਹੀ ਨਹੀਂ ਭੂਤਰੇ ਹੋਏ ਸਾਨ੍ਹ ਨੇ ਕਈ ਵਾਹਨਾਂ ਨੂੰ ਟੱਕਰ ਮਾਰ ਕੇ ਨੁਕਸਾਨ ਵੀ ਪਹੁੰਚਾਇਆ। ਦੱਸ ਦਈਏ ਕਿ ਇਹ ਕੋਈ ਪਹਿਲਾ ਮਾਮਲਾ ਨਹੀਂ, ਜਦੋਂ ਕਿਸੇ ਅਵਾਰਾ ਸਾਨ੍ਹ ਨੇ ਇਸ ਤਰ੍ਹਾਂ ਲੋਕਾਂ ਨੂੰ ਪਰੇਸ਼ਾਨ ਕੀਤਾ ਹੋਵੇ। ਇਸ ਤੋਂ ਪਹਿਲਾਂ ਵੀ ਦੇਸ਼ ਭਰ ਵਿਚ ਅਜਿਹੇ ਅਨੇਕਾਂ ਮਾਮਲੇ ਸਾਹਮਣੇ ਆ ਚੁੱਕੇ ਹਨ। ਅਫ਼ਸੋਸ ਕਿ ਆਵਾਰਾ ਗਾਵਾਂ ਅਤੇ ਸਾਨ੍ਹਾਂ ਕਾਰਨ ਵਾਪਰ ਰਹੇ ਹਾਦਸਿਆਂ ਦਾ ਇਹ ਮੰਦਭਾਗਾ ਸਿਲਸਿਲਾ ਹਾਲੇ ਵੀ ਜਾਰੀ ਹੈ। ਪਰ ਸਰਕਾਰ ਕੁੰਭਕਰਨੀ ਨੀਂਦ ਸੁੱਤੀ ਪਈ ਹੈ।
