A woman walking on Gurdwara Road in Malout was bitten by stray dogs, seriously injured
ਆਵਾਰਾ ਕੁੱਤਿਆਂ 'ਤੇ ਕਾਬੂ ਪਾਉਣ ਲਈ ਪਰਿਵਾਰ ਵੱਲੋਂ ਪ੍ਰਸ਼ਾਸਨ ਨੂੰ ਅਪੀਲ
ਮਲੋਟ: ਮਲੋਟ ਦੇ ਗੁਰਦੁਆਰਾ ਰੋਡ ’ਤੇ ਜਾ ਰਹੀ ਇੱਕ ਮਹਿਲਾ ਨੂੰ ਅਵਾਰਾ ਕੁੱਤਿਆਂ ਨੇ ਕੱਟ ਲਿਆ। ਜਾਣਕਾਰੀ ਦਿੰਦਿਆਂ ਸੋਰਵ ਠਕਰਾਲ ਨੇ ਦੱਸਿਆ ਕਿ ਕੱਲ੍ਹ ਸਵੇਰੇ ਉਸ ਦੇ ਮਾਤਾ ਜੀ (ਰੀਤਾ ਰਾਣੀ ਪਤਨੀ ਅਮਨਦੀਪ ਠਕਰਾਲ) ਨੂੰ ਗੁਰਦੁਆਰਾ ਰੋਡ, ਮਲੋਟ (ਕ੍ਰਿਸ਼ਨਾ ਕੱਟਪੀਸ ਦੇ ਨੇੜੇ) ਕੁਝ ਆਵਾਰਾ ਕੁੱਤਿਆਂ ਨੇ ਸਿਰ ਅਤੇ ਸਰੀਰ ਉੱਤੇ ਕੱਟ ਲਿਆ। ਇਸ ਕਾਰਨ ਉਹ ਗੰਭੀਰ ਰੂਪ ਵਿੱਚ ਜ਼ਖਮੀ ਹੋ ਗਈ।
ਉਨ੍ਹਾਂ ਨੂੰ ਤੁਰੰਤ ਸਿਵਲ ਹਸਪਤਾਲ ਮਲੋਟ ਲਿਆਂਦਾ ਗਿਆ, ਜਿੱਥੇ ਡਾਕਟਰਾਂ ਨੇ ਸਿਰ ਸਾਫ ਕਰਕੇ ਦਵਾਈ ਲਗਾਈ ਅਤੇ ਡ੍ਰੈਸਿੰਗ ਕੀਤੀ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ AIIMS ਹਸਪਤਾਲ ਬਠਿੰਡਾ ਰੈਫਰ ਕੀਤਾ ਗਿਆ। ਪਰਿਵਾਰ ਨੇ ਪ੍ਰਸ਼ਾਸਨ ਨੂੰ ਬੇਨਤੀ ਕੀਤੀ ਹੈ ਕਿ ਕ੍ਰਿਪਾ ਕਰਕੇ ਇਨ੍ਹਾਂ ਆਵਾਰਾ ਕੁੱਤਿਆਂ 'ਤੇ ਕਾਬੂ ਪਾਇਆ ਜਾਵੇ, ਤਾਂ ਜੋ ਜਨਤਾ ਨੂੰ ਕਿਸੇ ਵੀ ਤਰ੍ਹਾਂ ਦੀ ਪ੍ਰੇਸ਼ਾਨੀ ਦਾ ਸਾਹਮਣਾ ਨਾ ਕਰਨਾ ਪਵੇ।
