ਸਥਾਨਕ ਸਰਵਹਿੱਤਕਾਰੀ ਵਿੱਦਿਆ ਮੰਦਰ ਵਿਖੇ ਪਿਛਲੇ ਕਈ ਦਿਨ ਤੋ ਚਲ ਰਹੇ ਚਾਰ ਸਾਲ ਬੱਚੇ ਨਾਲ ਕਥਿਤ ਤੋਰ 'ਤੇ ਬਦਫੈਲੀ ਵਾਲੇ ਵਿਵਾਦ..............
ਰਾਮਪੁਰਾ ਫੂਲ : ਸਥਾਨਕ ਸਰਵਹਿੱਤਕਾਰੀ ਵਿੱਦਿਆ ਮੰਦਰ ਵਿਖੇ ਪਿਛਲੇ ਕਈ ਦਿਨ ਤੋ ਚਲ ਰਹੇ ਚਾਰ ਸਾਲ ਬੱਚੇ ਨਾਲ ਕਥਿਤ ਤੋਰ 'ਤੇ ਬਦਫੈਲੀ ਵਾਲੇ ਵਿਵਾਦ ਨੂੰ ਲੈ ਕੇ ਮਾਹੌਲ ਉਸ ਸਮਂੇ ਗਰਮਾ ਗਿਆ ਜਦ ਪਿੰਡ ਫੂਲ ਵਾਸੀਆਂ ਵੱਲੋ ਭਾਕਿਯੂ ਕ੍ਰਾਂਤੀਕਾਰੀ ਅਤੇ ਮਾਲਵਾ ਯੂਥ ਫਾਊਡੇਸ਼ਨ ਦੇ ਆਗੂ ਲੱਖਾ ਸਿਧਾਣਾ ਦੀ ਅਗਵਾਈ ਵਿਚ ਸਕੂਲ ਨੂੰ ਜਿੰਦਰਾ ਜੜ ਦਿੱਤਾ ਗਿਆ। ਸਕੂਲ ਪ੍ਰਬੰਧਕਾਂ ਨੇ ਮਾਹੌਲ ਨੂੰ ਭਾਪਦਿਆਂ ਵਿਦਿਆਰਥੀਆਂ ਨੂੰ ਘੰਟਾ ਭਰ ਪਹਿਲਾਂ ਹੀ ਛੁੱਟੀ ਕਰ ਦਿੱਤੀ। ਭਾਕਿਯੂ ਦੇ ਸੂਬਾ ਪ੍ਰਧਾਨ ਸੁਰਜੀਤ ਸਿੰਘ ਫੂਲ ਤੇ ਲੱਖਾ ਸਿਧਾਣਾ ਨੇ ਦੱਸਿਆ ਕਿ ਸਕੂਲ ਵਿਚ ਪੜ ਰਹੇ ਚਾਰ ਸਾਲਾ ਬੱਚੇ ਨਾਲ ਹੋਈ
ਬਦਫੈਲੀ ਨੂੰ ਕਈ ਦਿਨ ਬੀਤ ਜਾਣ ਬਾਅਦ ਵੀ ਸਕੂਲ ਪ੍ਰਬੰਧਕ ਕਮੇਟੀ ਤੇ ਪੁਲਿਸ ਪ੍ਰਸ਼ਾਸਨ ਕਥਿਤ ਦੋਸ਼ੀ ਦੀ ਹਮਾਇਤ ਕਰਨ ਵਿਚ ਲੱਗਾ ਹੋਇਆ ਹੈ, ਜਦਕਿ ਬੱਚਾ ਵਾਰ-ਵਾਰ ਸਕੂਲ ਵਿਚ ਆਪਣੇ ਨਾਲ ਹੋਏ ਹਾਦਸੇ ਸਬੰਧੀ ਸਕੂਲ ਦੇ ਚਪੜਾਸੀ ਦਾ ਨਾਮ ਲੈ ਰਿਹਾ ਹੈ ਤੇ ਆਪਣੇ ਨਾਲ ਹੋਈ ਬਦਫੈਲੀ ਬਾਰੇ ਜਾਣਕਾਰੀ ਦੇ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਇਸ ਮਾਮਲੇ ਨੂੰ ਲੈ ਕੇ ਨਾ ਤਾਂ ਸਕੂਲ ਪ੍ਰਬੰਧਕ ਕਮੇਟੀ ਅਤੇ ਨਾ ਹੀ ਪੁਲਿਸ ਵੱਲੋ ਮੌਕੇ ਤੇ ਪਹੁੰਚੇ ਆਗੂਆਂ ਤੇ ਪਿੰਡ ਵਾਸੀਆਂ ਨਾਲ ਕੋਈ ਗੱਲਬਾਤ ਕੀਤੀ। ਜਿਸ ਤੋਂ ਮਜਬੂਰ ਹੋ ਕੇ ਉਨ੍ਹਾਂ ਨੂੰ ਸਕੂਲ ਦੇ ਮੁੱਖ ਗੇਟ ਨੂੰ ਜਿੰਦਰਾ ਲਗਾਉਣ ਲਈ ਮਜਬੂਰ ਹੋਣਾ ਪਿਆ ਹੈ।
ਉਨਾਂ ਦੱਸਿਆ ਕਿ ਕਾਰਵਾਈ ਨਾ ਹੋਣ ਤੱਕ ਰੋਜਾਨਾ ਸਕੂਲ ਅੱਗੇ 11 ਵਜੇ ਤੋ 2 ਵਜੇ ਤੱਕ ਸਕੂਲ ਦੇ ਗੇਟ ਅੱਗੇ ਧਰਨਾ ਲਗਾਇਆ ਜਾਵੇਗਾ। ਉਨਾਂ ਸਕੂਲ ਅੰਦਰ ਪੜਦੇ ਵਿਦਿਆਰਥੀਆਂ ਦੇ ਮਾਪਿਆਂ ਨੂੰ ਅਪੀਲ ਕੀਤੀ ਕਿ ਉਹ ਆਪਣੇ ਬੱਚਿਆਂ ਦੀ ਸੁਰੱਖਿਆ ਲਈ ਇਸ ਸੰਘਰਸ਼ ਵਿੱਚ ਸਾਮਲ ਹੋਣ। ਮਾਮਲੇ ਸਬੰਧੀ ਥਾਣਾ ਮੁੱਖੀ ਗੁਰਪ੍ਰੀਤ ਕੋਰ ਮਾਨ ਦਾ ਕਹਿਣਾ ਹੈ ਕਿ ਯੂਨੀਅਨ ਮੈਂਬਰਾ ਦੀ ਅਗਵਾਈ ਵਿੱਚ 4 ਅਗਸਤ ਨੂੰ ਬਠਿੰਡਾ ਸਿਵਲ ਹਸਪਤਾਲ ਵਿਖੇ ਬੱਚੇ ਦਾ ਮੈਡੀਕਲ ਹੋਇਆ ਹੈ ਤੇ ਸੈਂਪਲ ਖਰੜ ਭੇਜੇ ਗਏ ਹਨਉਂ ਜੋ ਵੀ ਰਿਪੋਰਟ ਆਵੇਗੀ ਉਸ ਮੁਤਾਬਿਕ ਕਾਰਵਾਈ ਕੀਤੀ ਜਾਵੇਗੀ।
