ਸਬਜ਼ੀਆਂ ਵੇਚ ਕੇ ਕਰ ਰਿਹਾ ਪਰਿਵਾਰ ਦਾ ਗੁਜ਼ਾਰਾ
ਗੁਰਦਾਸਪੁਰ (ਅਵਤਾਰ ਸਿੰਘ) ਕੋਰੋਨਾ ਮਹਾਂਮਾਰੀ(Corona) ਕਾਰਨ ਦੇਸ਼ ਭਰ ਵਿੱਚ ਲਗਾਏ ਗਏ ਲਾਕਡਾਊਨ ਕਾਰਨ ਹਰ ਵਰਗ ਦਾ ਕਾਫੀ ਨੁਕਸਾਨ ਹੋਇਆ ਹੈ ਪਰ ਟੈਕਸੀ ਚਾਲਕਾਂ ( Taxi drivers) ਨੂੰ ਪਿਛਲੇ ਡੇਢ ਸਾਲ ਤੋਂ ਦੋਹਰੀ ਮਾਰ ਪੈ ਰਹੀ ਹੈ।
Rachpal Singh
ਕੋਰੋਨਾ ( corona) ਕਾਲ ਵਿੱਚ ਸਰਕਾਰ ਦੀਆਂ ਨੀਤੀਆਂ ਵੀ ਟੈਕਸੀ ਚਾਲਕਾਂ( Taxi drivers) ਲਈ ਘਾਤਕ ਸਾਬਤ ਹੋ ਰਹੀਆਂ ਹਨ ਜਿਸ ਕਰਕੇ ਟੈਕਸੀ ਚਾਲਕਾਂ( Taxi drivers) ਨੂੰ ਵੀ ਹੁਣ ਆਪਣੀਆਂ ਗੱਡੀਆਂ ਵਿਚ ਸਬਜ਼ੀ ਵੇਚ ਕੇ ਆਪਣੇ ਪਰਿਵਾਰ ਦਾ ਗੁਜ਼ਾਰਾ ਕਰਨਾ ਪੈ ਰਿਹਾ ਹੈ।
Rachpal Singh
ਗੁਰਦਾਸਪੁਰ ਦੇ ਨਜ਼ਦੀਕੀ ਪਿੰਡ ਸ਼ੇਖੂਪੁਰਾ ਦਾ ਰਹਿਣ ਵਾਲਾ ਰਛਪਾਲ ਸਿੰਘ( Rachpal Singh) ਕਹਿਣ ਨੂੰ ਤਾਂ ਤਿੰਨ ਗੱਡੀਆਂ ਦਾ ਮਾਲਕ ਹੈ ਪਰ ਹੁਣ ਇਨ੍ਹਾਂ ਗੱਡੀਆਂ ਵਿਚ ਸਵਾਰੀਆਂ ਨਹੀਂ ਬਲਕਿ ਸਬਜ਼ੀਆਂ ਢੋਅ ਰਿਹਾ ਹੈ।
Rachpal Singh
ਗੱਲਬਾਤ ਕਰਦਿਆਂ ਰਛਪਾਲ ਸਿੰਘ( Rachpal Singh)ਨੇ ਦੱਸਿਆ ਕਿ ਇਕ ਤਾਂ ਕੋਰੋਨਾ ਦੀ ਮਾਰ ਤੇ ਉਪਰੋਂ ਸਰਕਾਰ ਦੇ ਟੈਕਸੀ ਉਪਰੇਟਰਾਂ ਨਾਲ ਵਿਤਕਰੇ ਕਾਰਨ ਟੈਕਸੀ ਚਾਲਕਾਂ( Taxi drivers) ਲਈ ਆਪਣੇ ਪਰਿਵਾਰ ਲਈ ਰੋਜ਼ੀ ਰੋਟੀ ਦਾ ਜੁਗਾੜ ਕਰਨਾ ਵੀ ਮੁਸ਼ਕਿਲ ਹੋ ਰਿਹਾ ਹੈ ।
Rachpal Singh
ਕੋਰੋਨਾ ਕਾਲ ਵਿੱਚ ਸਰਕਾਰ ਵੱਲੋਂ ਉਹਨਾਂ ਦੀ ਮਦਦ ਕਰਨਾ ਤਾਂ ਦੂਰ ਉਲਟਾ ਟੈਕਸ ਵੀ ਕਈ ਗੁਣਾ ਵਧਾ ਦਿੱਤਾ ਗਿਆ ਹੈ। ਜਦ ਕਿ ਗੱਡੀ ਦੀ ਰਿਪੇਅਰ ਅਤੇ ਕਿਸ਼ਤਾਂ ਤੋਂ ਇਲਾਵਾ ਘਰ ਦੇ ਖਰਚੇ ਵੀ ਓੰਨੇ ਹੀ ਹਨ ਪਰ ਆਮਦਨ ਜ਼ਰਾ ਵੀ ਨਹੀਂ।
Rachpal Singh
ਉਹਨਾਂ ਕਿਹਾ ਕਿ ਅਜਿਹੇ ਹਾਲਾਤਾਂ ਵਿੱਚ ਜੇ ਸਰਕਾਰ ਨੇ ਟੈਕਸੀ ਓਪਰੇਟਰਾਂ ਵੱਲ ਧਿਆਨ ਨਾ ਦਿੱਤਾ ਤਾਂ ਜਲਦੀ ਹੀ ਤੇਜ਼ੀ ਨਾਲ ਕਰਜ਼ੇ ਹੇਠਾਂ ਦੱਬਦੇ ਜਾ ਰਹੇ ਟੈਕਸੀ ਓਪਰੇਟਰਾਂ ਵੱਲੋਂ ਵੀ ਪਰਿਵਾਰ ਸਮੇਤ ਆਤਮ ਹੱਤਿਆਵਾਂ ਕਰਨ ਦਾ ਸਿਲਸਿਲਾ ਚੱਲ ਨਿਕਲੇਗਾ।
