ਜੱਗਾ ਫੁਕੀਵਾਲ ਨਾਮਕ ਗੈਂਗਸਟਰ ਨੇ ਸੋਸ਼ਲ ਮੀਡੀਆ ਰਾਹੀਂ ਲਈ ਜ਼ਿੰਮੇਵਾਰੀ
New Twist in the Case of Firing on Zila Parishad Vice Chairman in Sultanpur Lodhi Latest News in Punjabi ਸੁਲਤਾਨਪੁਰ ਲੋਧੀ : ਬੀਤੀ ਰਾਤ ਜ਼ਿਲਾ ਕਪੂਰਥਲਾ ਦੇ ਹਲਕਾ ਸੁਲਤਾਨਪੁਰ ਲੋਧੀ ਦੇ ਅਧੀਨ ਪੈਂਦੇ ਪਿੰਡ ਸ਼ਾਹਜਹਾਨਪੁਰ ਵਿਖੇ ਵਾਪਰੀ ਗੋਲੀਬਾਰੀ ਘਟਨਾ ਬਾਬਤ ਜੱਗਾ ਫੁਕੀਵਾਲ ਨਾਮਕ ਗੈਂਗਸਟਰ ਦੀ ਪੋਸਟ ਸੋਸ਼ਲ ਮੀਡੀਆ ’ਤੇ ਖੂਬ ਵਾਇਰਲ ਹੋ ਰਹੀ ਹੈ। ਇਸ ਗੈਂਗਸਟਰ ’ਤੇ ਫਰੌਤੀਆਂ ਸਮੇਤ ਹੋਰ ਕਈ ਵੱਖ-ਵੱਖ ਮੁਕਦਮੇ ਦਰਜ ਹਨ।
ਦੱਸ ਦਈਏ ਕਿ ਗੈਂਗਸਟਰ ਇਸੇ ਹੀ ਪਿੰਡ ਦਾ ਵਸਨੀਕ ਹੈ। ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋ ਰਹੀ ਇਸ ਪੋਸਟ ਵਿਚ ਨਿੱਜੀ ਰੰਜਿਸ਼ ਮੁੱਖ ਕਾਰਨ ਦਸਿਆ ਜਾ ਰਿਹਾ ਹੈ। ਹਾਲਾਂਕਿ ਸਾਡੇ ਵਲੋਂ ਇਸ ਦੀ ਪੁਸ਼ਟੀ ਨਹੀਂ ਕੀਤੀ ਜਾਂਦੀ।
ਫੇਸਬੁੱਕ ’ਤੇ ਪਾਏ ਗਏ ਸਟੇਟਸ ਵਿਚ ਲਿਖਿਆ ਗਿਆ ‘ਵਾਹਿਗੁਰੂ ਜੀ ਕਾ ਖ਼ਾਲਸਾ ਵਾਹਿਗੁਰੂ ਜੀ ਦੀ ਫ਼ਤਿਹ, ਅੱਜ ਜੋ ਸੁਲਤਾਨਪੁਰ ਲੋਧੀ ਵਿਚ (ਕਾਂਗਰਸ ਦੇ ਚੇਅਰ ਮੈਨ ਹਰਜਿੰਦਰ) ਟੋਟ ਦਾ ਨੁਕਸਾਨ ਹੋਇਆ ਓਹਦੀ ਜੁਮਾਵਾਰੀ ਮੈ #JAGGA FUKIWAL ਚੱਕਦਾ ਹਾ। ਇਸ ਬੰਦਾ ਨੇ ਸਾਡਾ ਕੋਈ ਵੀ ਭਰਾ ਘਰ ਵਿਚ ਵਸਨ ਨਹੀਂ ਦਿਤਾ। ਇਸ ਨਾਲ ਸਾਡੀ ਪੁਰਾਣੀ ਦੁਸ਼ਮਣੀ ਹੈ, ਏ ਕੰਮ ਅਸੀਂ ਕਿਸੇ ਫਰੋਤੀ ਦੇ ਚੱਕਰ ਵਿਚ ਨਹੀ ਕੀਤਾ। ਅਸੀ ਇਸ ਨੂੰ ਇਸ ਦੀ ਨਵੀਂ ਜੰਮੀ ਧੀ ਦਾ ਕਰਕੇ ਬਕਸ਼ ਦਿਤਾ ਜੇ ਅਸੀਂ ਇਸ ਦੇ ਘਰ ਜਾ ਸਕਦੇ ਹਾ ਤੇ ਅਸੀ ਇਸ ਨੂੰ ਮਾਰ ਵੀ ਸਕਦੇ ਸੀ। ਬਾਕੀ ਏਹਦੇ ਸੱਜੇ ਖੱਬੇ ਵਾਲੇ ਧਿਆਨ ਰੱਖਣ...
ਉਧਰ ਦੂਜੇ ਪਾਸੇ ਹਲਕਾ ਸੁਲਤਾਨਪੁਰ ਲੋਧੀ ਦੇ ਸਾਬਕਾ ਵਿਧਾਇਕ ਚੀਮਾ ਨੇ ਘਟਨਾ ਦੀ ਨਿੰਦਾ ਕੀਤੀ ਹੈ ਅਤੇ ਪੰਜਾਬ ਦੀ ਲਾਅ ਐਂਡ ਆਰਡਰ ਦੀ ਸਥਿਤੀ ’ਤੇ ਸਵਾਲ ਖੜ੍ਹੇ ਕੀਤੇ ਹਨ।
ਨੋਟ: ਸਾਡਾ ਅਦਾਰਾ ROZANA SPOKESMAN ਇਸ Viral Post ਦੀ ਪੁਸ਼ਟੀ ਨਹੀਂ ਕਰਦਾ...!
(For more news apart from New Twist in the Case of Firing on Zila Parishad Vice Chairman in Sultanpur Lodhi Latest News in Punjabi stay tuned to Rozana Spokesman.)
