ਚਾਰ ਮਹੀਨਿਆਂ ਲਈ ਲੋਕ ਟਾਪੂ 'ਤੇ ਰਹਿਣ ਲਈ ਮਜਬੂਰ
ਗੁਰਦਾਸਪੁਰ/ਡੇਰਾ ਬਾਬਾ ਨਾਨਕ, ਭਾਰਤ-ਪਾਕ ਸੀਮਾ 'ਤੇ ਸਥਿਤ ਜ਼ਿਲ੍ਹਾ ਗੁਰਦਾਸਪੁਰ ਦੇ ਬਲਾਕ ਡੇਰਾ ਬਾਬਾ ਨਾਨਕ ਅਧੀਨ ਆਉਂਦੇ ਪਿੰਡ ਘਨਿਏ ਕੇ ਪੱਤਣ ਦੇ ਕੋਲ ਕਰੀਬ ਅੱਧਾ ਦਰਜਨ ਪਿੰਡਾਂ ਤੋਂ ਇਲਾਵਾ ਬੀ.ਐਸ.ਐਫ ਅਤੇ ਹੋਰ ਸੁਰੱਖਿਆ ਦਸਤਿਆਂ ਲਈ ਆਉਣ-ਜਾਣ ਲਈ ਬਣਾਇਆ ਗਿਆ ਪਲਟੂਨ ਪੁੱਲ ਵੀਰਵਾਰ ਦੇਰ ਸ਼ਾਮ ਨੂੰ ਚੁੱਕ ਦਿਤਾ ਗਿਆ, ਜਿਸ ਕਾਰਨ ਇਨ੍ਹਾਂ ਪਿੰਡਾਂ ਦੇ ਲੋਕਾਂ ਦਾ ਭਾਰਤ ਅਤੇ ਪੰਜਾਬ ਨਾਲੋਂ ਚਾਰ ਮਹੀਨੇ ਲਈ ਆਪਸ ਵਿਚ ਸੰਪਰਕ ਟੁੱਟ ਗਿਆ ਹੈ। ਇਨ੍ਹਾਂ ਪਿੰਡਾਂ ਦੇ ਲੋਕਾਂ ਨੂੰ ਹੁਣ ਮੀਂਹ ਦੇ ਦਿਨਾਂ ਵਿਚ ਇਕ ਟਾਪੂ ਉੱਤੇ ਹੀ ਅਪਣੇ ਦਿਨ ਗੁਜ਼ਾਰਨੇ ਪੈਣਗੇ।
ਆਜ਼ਾਦੀ ਤੋਂ ਲੈ ਕੇ ਅੱਜ ਤੱਕ ਇਨ੍ਹਾਂ ਦੇ ਲਈ ਕੁੱਝ ਨਹੀਂ ਬਦਲਿਆ । ਉਥੇ ਸਾਲਾਂ ਪੁਰਾਣੀ ਸਮਸਿਆਵਾਂ ਤੋਂਂ ਇੱਥੇ ਦੇ ਬਾਸ਼ਿੰਦੇ ਜੂਝ ਰਹੇ ਹਨ। ਜ਼ਿਕਰਯੋਗ ਹੈ ਰਾਵੀ ਦਰਿਆ ਦੇ ਪਾਰ ਭਾਰਤ ਪਾਕਿਸਤਾਨ ਦੀ ਅੰਤਰਰਾਸ਼ਟਰੀ ਸੀਮਾ ਦੇ ਨਾਲ ਲੱਗਦੇ ਬੇਚਿਰਾਗ ਪਿੰਡ ਲੱਲੂਪੁਰ, ਨੰਗਲੀ, ਪੁਰਾਨਾ ਵਾਹਲਾ, ਘਨਿਏ ਕੇ ਬਾਂਗਰ,
ਕੱਸੋਵਾਲ, ਸਹਾਰਨਪੁਰ ਇਨ੍ਹਾਂ ਪਿੰਡਾਂ ਦੇ ਵਾਸੀਆਂ ਨੇ ਦਸਿਆ ਕਿ ਭਾਰਤ - ਪਾਕਿ ਸੀਮਾ ਤੇ ਵੱਸੇ ਜਿਲਾ ਗੁਰਦਾਸਪੁਰ ਦੇ ਬਲਾਕ ਡੇਰਾ ਬਾਬਾ ਨਾਨਕ ਦੇ ਕੋਲ ਘਨਿਏ - ਕੇ - ਬੇਟ ਦੇ ਵਿਚੋਂ - ਵਿੱਚ ਨਿਕਲਦੀ ਰਾਵੀ ਨਦੀ ਨਦੀ ਉੱਤੇ ਬਣੇ ਘਨਿਏ ਕੇ ਪੱਤਣ ਉੱਤੇ ਸਰਕਾਰ ਵਲੋਂ ਆਰਜ਼ੀ ਤੌਰ 'ਤੇ ਪਲਟੂਨ ਪੁੱਲ ਬਣਾਇਆ ਹੋਇਆ ਹੈ ਜੋ ਹਰ ਸਾਲ ਮੀਂਹ ਦੇ ਦਿਨਾਂ ਵਿਚ ਨਦੀ ਵਿਚ ਜ਼ਿਆਦਾ ਪਾਣੀ ਆਉਣ ਦੇ ਖਤਰੇ ਕਾਰਨ ਚੁੱਕ ਲਿਆ ਜਾਂਦਾ ਹੈ।
ਇਸ ਤੋਂ ਬਾਅਦ ਰਾਵੀ ਨਦੀ ਦੇ ਉਸ ਪਾਰ ਪਾਕ ਸੀਮਾ ਦੇ ਨਾਲ ਕਰੀਬ ਅੱਠ ਪਿੰਡ ਦੇ ਲੋਕਾਂ ਲਈ ਦੇਸ਼ ਦੇ ਨਾਲ ਜੁੜਣ ਦਾ ਇਕ ਸਿਰਫ ਜਰਿਆ ਸਰਕਾਰੀ ਕਿਸ਼ਤੀ ਹੀ ਰਹਿ ਜਾਂਦੀ ਹੈ। ਜੇਕਰ ਕੋਈ ਜ਼ਰੂਰੀ ਸਮਾਨ ਲਿਆਉਣਾ ਜਾਂ ਲੈ ਜਾਣਾ ਹੋਵੇ ਜਾਂ ਫਿਰ ਕੋਈ ਗੰਭੀਰ ਬੀਮਾਰ ਹੋਵੇ, ਸਭ ਨੂੰ ਇਸ ਕਿਸ਼ਤੀ ਨਾਲ ਹੀ ਨਦੀ ਪਾਰ ਕਰਨੀ ਪੈਂਦੀ ਹੈ। ਪਰ ਮੀਂਹ ਦੇ ਦਿਨਾਂ ਵਿਚ ਰਾਵੀ ਵਿਚ ਪਾਣੀ ਜ਼ਿਆਦਾ ਆ ਜਾਂਦਾ ਹੈ ਤਾਂ ਪਾਣੀ ਦਾ ਵਹਾਅ ਜ਼ਿਆਦਾ ਹੋਣ ਕਾਰਨ ਉਸਨੂੰ ਵੀ ਰੋਕ ਦਿਤਾ ਜਾਂਦਾ ਹੈ ਅਤੇ ਲੋਕ ਇਕ ਟਾਪੂ ਉੱਤੇ ਕੈਦ ਹੋ ਕੇ ਰਹਿ ਜਾਂਦੇ ਹਨ।
ਉਕਤ ਪਿੰਡਾਂ ਦੇ ਲੋਕਾਂ ਨੇ ਰਾਵੀ ਨਦੀ ਉੱਤੇ ਸਥਾਈ ਪੁੱਲ ਦੀ ਮੰਗ ਨੂੰ ਲੈ ਕੇ ਕਈ ਵਾਰ ਮਿਲ ਚੁੱਕੇ ਹਨ ਪਰ ਕੋਈ ਸੁਣਨ ਵਾਲਾ ਨਹੀਂ। ਹੁਣ ਤਾਂ ਸਿਰਫ ਲੋਕ ਇਹੀ ਭਗਵਾਨ ਤੋਂ ਦੁਆ ਕਰਦੇ ਹਨ ਕਿ ਇਸ ਵਾਰ ਵਰਖਾ ਵਿਚ ਰਾਵੀ ਨਦੀ ਵਿਚ ਪਾਣੀ ਜ਼ਿਆਦਾ ਨਾ ਆਏ ਤਾਕਿ ਉਨ੍ਹਾਂ ਦੇ ਆਉਣ ਜਾਣ ਦਾ ਇਕ ਸਿਰਫ਼ ਸਹਾਰਾ ਕਿਸ਼ਤੀ ਚਲਦੀ ਰਹੇ ਅਤੇ ਲੋਕਾਂ ਦੀ ਜ਼ਿੰਦਗੀ ਵੀ ਚੱਲਦੀ ਰਹੇ ।
