ਬਿਨਾਂ ਜਾਤ-ਪਾਤ ਦੇ ਹਰ ਧਰਮ ਦੇ ਲੋਕਾਂ ਦੀ ਸੇਵਾ ਕਰ ਰਿਹਾ
ਗੁਰਦਾਸਪੁਰ (ਨੀਤਿਨ ਲੁੱਥਰਾ)-ਸਮੁੱਚੀ ਦੁਨੀਆ 'ਚ ਅਜਿਹੀਆਂ ਕਈ ਸੰਸਥਾਵਾਂ ਹਨ ਜੋ ਬੇਸਹਾਰਾ ਲੋਕਾਂ ਦੀ ਸੇਵਾ ਕਰਦੀਆਂ ਹਨ, ਉਨ੍ਹਾਂ ਨੂੰ ਸਹਾਰਾ ਦਿੰਦੀਆਂ ਹਨ ਅਤੇ ਉਨ੍ਹਾਂ ਦੀ ਦੇਖ ਭਾਲ ਕਰਦੀਆਂ ਹਨ। ਬੁਢਾਪੇ ਸਮੇਂ ਬੁੱਢੇ ਮਾਂ-ਪਿਓ ਨੂੰ ਆਪਣੀ ਔਲਾਦ 'ਤੇ ਹੀ ਭਰੋਸਾ ਹੁੰਦਾ ਹੈ ਕਿ ਉਹ ਬੁਢਾਪੇ 'ਚ ਉਨ੍ਹਾਂ ਦਾ ਸਹਾਰਾ ਬਣਨਗੇ।
This organization has become a support for the helpless people
ਪਰ ਦੁਨੀਆ 'ਤੇ ਕਈ ਅਜਿਹੇ ਬੱਚੇ ਵੀ ਹਨ ਜੋ ਬੁਢਾਪੇ ਸਮੇਂ ਆਪਣੇ ਮਾਂ-ਪਿਓ ਨੂੰ ਘਰੋਂ ਕੱਢ ਦਿੰਦੇ ਹਨ ਅਤੇ ਉਨ੍ਹਾਂ ਨੂੰ ਬਾਅਦ 'ਚ ਪੁੱਛਣ ਵਾਲਾ ਕੋਈ ਨਹੀਂ ਹੁੰਦਾ। ਅਜਿਹੇ ਸਮੇਂ 'ਚ ਫਿਰ ਉਨ੍ਹਾਂ ਦਾ ਸਿਰਫ ਇਕੋ-ਇਕ ਹੀ ਸਹਾਰਾ ਹੁੰਦਾ ਹੈ ਉਹ ਹਨ ਸੰਸਥਾਵਾਂ। ਇਸ ਖਬਰ 'ਚ ਅਸੀਂ ਤੁਹਾਨੂੰ ਉਸ ਸੰਸਥਾ ਬਾਰੇ ਦੱਸਾਂਗੇ ਜੋ ਇਸ ਸਮੇਂ ਜ਼ਿਲ੍ਹਾ ਗੁਰਦਾਸਪੁਰ 'ਚ ਸਥਿਤ ਹੈ। ਦਰਅਸਲ ਗੁਰਦਾਸਪੁਰ ਦੇ ਇਕ ਪਿੰਡ ਦਿਆਲਗੜ 'ਚ ਸ਼ਾਂਤੀ ਭਵਨ ਨਾਂ ਦੀ ਸੰਸਥਾ ਹੈ ਜੋ ਇਨ੍ਹਾਂ ਬੇਸਹਾਰਾ ਲੋਕਾਂ ਦੀ ਸੇਵਾ ਕਰਦੀ ਹੈ।
ਸ਼ਾਂਤੀ ਭਵਨ ਪਿੰਗਾਲਵਾੜਾ ਜਿਸ ਨੂੰ ਈਸਾਈ ਸਮੂਹ ਚਲਾ ਰਿਹਾ ਹੈ ਅਤੇ ਬਿਨਾਂ ਜਾਤ-ਪਾਤ ਦੇ ਹਰ ਧਰਮ ਦੇ ਲੋਕਾਂ ਦੀ ਸੇਵਾ ਕਰ ਰਿਹਾ ਹੈ। ਦੱਸ ਦੇਈਏ ਕਿ ਇਹ ਸ਼ਾਂਤੀ ਭਵਨ ਜ਼ਿਲ੍ਹਾ ਗੁਰਦਾਸਪੁਰ 'ਚ ਅੱਜ ਤੋਂ 9 ਸਾਲ ਪਹਿਲਾਂ ਖੋਲ੍ਹਿਆ ਗਿਆ ਸੀ ਅਤੇ ਇਸ ਭਵਨ ਦੀ ਸ਼ੁਰੂਆਤ ਫਾਦਰ ਮਾਰਟਿਨ ਨੇ ਕੀਤੀ ਸੀ।
ਇਸ ਭਵਨ 'ਚ ਹਰੇਕ ਉਹ ਵਿਅਕਤੀ ਰਹਿ ਸਕਦਾ ਹੈ ਜੋ ਅੰਗਹੀਣ ਅਤੇ ਬੇਸਹਾਰਾ ਹੈ। ਇਸ ਭਵਨ 'ਚ ਜੋ ਸੇਵਾਦਾਰ ਸੇਵਾ ਨਿਭਾ ਰਹੇ ਹਨ ਉਹ ਬਿਨਾਂ ਕਿਸੇ ਤਨਖਾਹ ਦੇ ਇਥੇ ਸੇਵਾ ਕਰ ਰਹੇ ਹਨ ਅਤੇ ਉਨ੍ਹਾਂ ਦੱਸਿਆ ਕਿ ਇਨ੍ਹਾਂ ਬੇਸਹਾਰਾ ਲੋਕਾਂ ਦੀ ਸੇਵਾ ਕਰਕੇ ਉਨ੍ਹਾਂ ਨੂੰ ਸ਼ਾਂਤੀ ਮਿਲਦੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਹ ਸ਼ਾਂਤੀ ਭਵਨ ਦਾ ਖਰਚਾ ਸੰਸਥਾ ਅਤੇ ਕੁਝ ਲੋਕਾਂ ਦੇ ਨਾਲ ਚਲ ਰਿਹਾ ਹੈ ਅਤੇ ਇਸ ਸਮੇਂ ਇਸ ਸ਼ਾਂਤੀ ਭਵਨ 'ਚ 19 ਅਜਿਹੇ ਲੋਕ ਹਨ ਜੋ ਬੇਸਹਾਰਾ ਜਾਂ ਅੰਗਹੀਣ ਹਨ।
This organization has become a support for the helpless people
ਸ਼ਾਂਤੀ ਭਵਨ 'ਚ ਲੋਕਾਂ ਦੀ ਸੇਵਾ ਕਰ ਰਹੀ ਸਿਸਟਰ ਨੇ ਦੱਸਿਆ ਕਿ ਜਿਥੇ ਕੁਝ ਲੋਕ ਸਮਾਜ 'ਚ ਆਪਣਿਆਂ ਕੋਲੋਂ ਬੁਢਾਪੇ 'ਚ ਪਿੱਛਾ ਛੁਡਾਉਂਦੇ ਹਨ ਅਤੇ ਮਾਂ ਬਾਪ ਜਾਂ ਫਿਰ ਕਿਸੇ ਮੰਦਬੁੱਧੀ ਬੱਚੇ ਨੂੰ ਇਲਾਜ ਹੱਥੋਂ ਘਰੋਂ ਕੱਢ ਦਿੰਦੇ ਹਨ ਤਾਂ ਅਸੀਂ ਊਨ੍ਹਾਂ ਨੂੰ ਸੰਭਾਂਲਦੇ ਹਾਂ। ਉਨ੍ਹਾਂ ਦਾ ਪਿਆਰ ਹੀ ਇਨ੍ਹਾਂ ਬੇਸਹਾਰਾ ਨਾਲ ਇੰਨਾ ਬਣ ਗਿਆ ਕਿ ਉਨ੍ਹਾਂ ਦਾ ਖੁਦ ਦਾ ਦਿਲ ਨਹੀਂ ਕਰਦਾ ਇਨ੍ਹਾਂ ਨੂੰ ਛੱਡ ਕੇ ਆਪਣੇ ਘਰ ਜਾਣ ਦਾ।
