ਕੰਪਨੀ ਨੇ ਕਿਹਾ- ਕਾਨੂੰਨੀ ਲੜਾਈ ਲੜ-ਲੜ ਕੇ ਥੱਕ ਚੁੱਕੇ ਹਾਂ, ਹੁਣ ਟੈਲਕ ਪਾਊਡਰ ਦੀ ਜਗ੍ਹਾ ਲਿਆਵਾਂਗੇ ਕੌਰਨ ਸਟਾਰਚ ਤੋਂ ਬਣਿਆ ਪਾਊਡਰ
ਬੇਬੀ ਪਾਊਡਰ ਦੀ ਵਰਤੋਂ ਨਾਲ ਕੈਂਸਰ ਹੋਣ ਦਾ ਖ਼ਦਸ਼ਾ
ਨਵੀਂ ਦਿੱਲੀ : ਜੌਨਸਨ ਐਂਡ ਜੌਨਸਨ 2023 ਤੱਕ ਦੁਨੀਆ ਭਰ ਵਿੱਚ ਆਪਣੇ ਬੇਬੀ ਟੈਲਕਮ ਪਾਊਡਰ ਦੀ ਵਿਕਰੀ ਬੰਦ ਕਰ ਦੇਵੇਗੀ। ਕੰਪਨੀ ਦਾ ਕਹਿਣਾ ਹੈ ਕਿ ਉਹ ਕਾਨੂੰਨੀ ਲੜਾਈ ਤੋਂ ਪ੍ਰੇਸ਼ਾਨ ਹੋ ਗਈ ਹੈ। ਦੱਸਣਯੋਗ ਹੈ ਕਿ J&J ਦਾ ਟੈਲਕਮ ਪਾਊਡਰ ਇੱਕ ਸਾਲ ਪਹਿਲਾਂ ਅਮਰੀਕਾ ਅਤੇ ਕੈਨੇਡਾ ਵਿੱਚ ਬੰਦ ਕਰ ਦਿੱਤਾ ਗਿਆ ਹੈ।
ਦਰਅਸਲ, ਕੰਪਨੀ ਦੇ ਇਸ ਬੇਬੀ ਪਾਊਡਰ ਦੀ ਵਰਤੋਂ ਕਰਨ ਨਾਲ ਕੈਂਸਰ ਹੋਣ ਦਾ ਦੋਸ਼ ਸੀ। ਇਸ ਤੋਂ ਬਾਅਦ ਮਈ 2020 'ਚ ਦੁਨੀਆ ਭਰ 'ਚ ਕੰਪਨੀ ਖ਼ਿਲਾਫ਼ ਹਜ਼ਾਰਾਂ ਮਾਮਲੇ ਦਰਜ ਕੀਤੇ ਗਏ। ਇੰਨਾ ਹੀ ਨਹੀਂ ਕੈਂਸਰ ਦੇ ਖ਼ਤਰੇ ਦੀ ਰਿਪੋਰਟ ਸਾਹਮਣੇ ਆਉਣ ਤੋਂ ਬਾਅਦ ਉਤਪਾਦ ਦੀ ਵਿਕਰੀ 'ਚ ਭਾਰੀ ਗਿਰਾਵਟ ਆਈ ਹੈ। ਹੁਣ ਕੰਪਨੀ ਟੈਲਕ ਬੇਸਡ ਪਾਊਡਰ ਨੂੰ ਕੋਰਨ ਸਟਾਰਚ ਬੇਸਡ ਪਾਊਡਰ ਨਾਲ ਬਦਲੇਗੀ।
Johnson's baby powder
ਟੈਲਕ ਕੀ ਹੈ?
ਟੈਲਕ ਇੱਕ ਕੁਦਰਤੀ ਤੌਰ 'ਤੇ ਮੌਜੂਦ ਖਣਿਜ ਹੈ ਜੋ ਧਰਤੀ 'ਚੋਂ ਕੱਢਿਆ ਜਾਂਦਾ ਹੈ। ਇਸ ਵਿੱਚ ਮੈਗਨੀਸ਼ੀਅਮ, ਸਿਲੀਕਾਨ, ਆਕਸੀਜਨ ਅਤੇ ਹਾਈਡ੍ਰੋਜਨ ਸ਼ਾਮਲ ਹਨ। ਰਸਾਇਣਕ ਤੌਰ 'ਤੇ, ਟੈਲਕ ਰਸਾਇਣਕ ਫਾਰਮੂਲਾ Mg3Si4O10(OH)2 ਵਾਲਾ ਇੱਕ ਹਾਈਡ੍ਰਸ ਮੈਗਨੀਸ਼ੀਅਮ ਸਿਲੀਕੇਟ ਹੈ। ਟੈਲਕ ਦੀ ਵਰਤੋਂ ਕਾਸਮੈਟਿਕਸ ਅਤੇ ਨਿੱਜੀ ਦੇਖਭਾਲ ਉਤਪਾਦਾਂ ਵਿੱਚ ਕੀਤੀ ਜਾਂਦੀ ਹੈ। ਇਹ ਨਮੀ ਨੂੰ ਜਜ਼ਬ ਕਰਨ ਲਈ ਵਰਤਿਆ ਜਾਂਦਾ ਹੈ।
ਟੈਲਕ ਤੋਂ ਕੈਂਸਰ ਦੇ ਖ਼ਤਰੇ ਦੇ ਦੋਸ਼ ਲੱਗੇ ਹਨ। ਦਰਅਸਲ, ਜਿੱਥੋਂ ਟੈਲਕ ਦੀ ਖੁਦਾਈ ਕੀਤੀ ਜਾਂਦੀ ਹੈ, ਉਥੋਂ ਐਸਬੈਸਟਸ ਵੀ ਨਿਕਲਦਾ ਹੈ। ਐਸਬੈਸਟਸ ਵੀ ਇੱਕ ਕੁਦਰਤੀ ਤੌਰ 'ਤੇ ਮੌਜੂਦ ਸਿਲੀਕੇਟ ਖਣਿਜ ਹੈ ਪਰ ਇਸਦਾ ਇੱਕ ਵੱਖਰਾ ਕ੍ਰਿਸਟਲ ਬਣਤਰ ਹੈ। ਇਹ ਸਰੀਰ ਨੂੰ ਨੁਕਸਾਨ ਪਹੁੰਚਾਉਂਦਾ ਹੈ। ਜਦੋਂ ਟੈਲਕ ਦੀ ਖੁਦਾਈ ਕੀਤੀ ਜਾਂਦੀ ਹੈ, ਤਾਂ ਇਸ ਵਿੱਚ ਐਸਬੈਸਟਸ ਹੋਣ ਦਾ ਜੋਖ਼ਮ ਹੁੰਦਾ ਹੈ।
cornstarch
ਉਧਰ ਕੰਪਨੀ ਨੇ ਪਾਊਡਰ ਦੀ ਖੋਜ ਵੀ ਕੀਤੀ ਅਤੇ ਦਾਅਵਾ ਕੀਤਾ ਕਿ ਇਸ ਦਾ ਬੇਬੀ ਟੈਲਕਮ ਪਾਊਡਰ ਸੁਰੱਖਿਅਤ ਹੈ। J&J ਨੇ ਵੀਰਵਾਰ ਨੂੰ ਕਿਹਾ ਕਿ ਉਸਨੇ ਆਪਣੇ ਸਾਰੇ ਬੇਬੀ ਪਾਊਡਰ ਉਤਪਾਦਾਂ ਵਿੱਚ ਟੈਲਕਮ ਪਾਊਡਰ ਦੀ ਬਜਾਏ ਮੱਕੀ ਦੇ ਸਟਾਰਚ ਦੀ ਵਰਤੋਂ ਕਰਨ ਦਾ "ਵਪਾਰਕ ਫੈਸਲਾ" ਕੀਤਾ ਹੈ।
ਇੱਕ ਅਦਾਲਤ ਵਿੱਚ ਜੌਨਸਨ ਐਂਡ ਜੌਨਸਨ ਦੇ ਵਕੀਲ ਨੇ ਦੱਸਿਆ ਹੈ ਕਿ ਕੰਪਨੀ ਨੇ ਪਿਛਲੇ ਪੰਜ ਸਾਲਾਂ ਵਿੱਚ ਇਕੱਲੇ ਮੁਕੱਦਮਿਆਂ ਵਿੱਚ $1 ਬਿਲੀਅਨ (ਲਗਭਗ 7968 ਕਰੋੜ ਰੁਪਏ) ਤੋਂ ਵੱਧ ਦਾ ਭੁਗਤਾਨ ਕੀਤਾ ਹੈ।
photo
ਕੰਪਨੀ ਦੀ ਦੀਵਾਲੀਆਪਨ ਫਾਈਲਿੰਗ ਦੇ ਅਨੁਸਾਰ, J&J ਨੂੰ ਹੁਣ ਤੱਕ ਸੈਟਲਮੈਂਟ ਮਾਮਲਿਆਂ ਨੂੰ ਨਿਪਟਾਉਣ ਲਈ ਲਗਭਗ $3.5 ਬਿਲੀਅਨ (28 ਹਜ਼ਾਰ ਕਰੋੜ ਰੁਪਏ) ਦਾ ਭੁਗਤਾਨ ਕਰਨ ਲਈ ਮਜਬੂਰ ਕੀਤਾ ਗਿਆ ਹੈ। ਜ਼ਿਕਰਯੋਗ ਹੈ ਕਿ 1894 ਤੋਂ ਵੇਚਿਆ ਜਾ ਰਿਹਾ ਜੌਨਸਨ ਬੇਬੀ ਪਾਊਡਰ, ਪਰਿਵਾਰ ਦੇ ਅਨੁਕੂਲ ਹੋਣ ਕਾਰਨ ਕੰਪਨੀ ਦਾ ਪ੍ਰਤੀਕ ਉਤਪਾਦ ਬਣ ਗਿਆ ਸੀ। 1999 ਤੋਂ ਕੰਪਨੀ ਦੀ ਅੰਦਰੂਨੀ ਬੇਬੀ ਉਤਪਾਦ ਡਿਵੀਜ਼ਨ ਇਸਦੀ ਮਾਰਕੀਟਿੰਗ ਪ੍ਰਤੀਨਿਧਤਾ ਕਰਦੀ ਸੀ।
