ਮੁਜ਼ੱਫਰਨਗਰ : ਮੀਨਾਪੁਰ ਬਲਾਕ 'ਚ ਇਕ ਬੇਕਾਬੂ ਬੋਲੇਰੋ ਸਕੂਲ ਦੀ ਹੱਦ ਅੰਦਰ ਦਾਖਲ ਹੋ ਗਈ ਅਤੇ ਉਸਨੇ ਸਕੂਲ ਦੇ ਬੱਚਿਆਂ ਨੂੰ ਦਰੜ ਦਿੱਤਾ। ਇਸ ਹਾਦਸੇ 'ਚ 9 ਬੱਚਿਆਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ ਅਤੇ 20 ਤੋਂ ਵਧ ਬੱਚੇ ਜ਼ਖਮੀ ਹੋ ਗਏ।
ਹਾਦਸਾ ਮੁਜੱਫਰਪੁਰ ਜਿਲ੍ਹੇ ਵਿਚ ਸੀਤਾਮੜੀ ਐਨਐਚ 'ਤੇ ਦੁਪਹਿਰ ਇਕ ਵਜੇ ਹੋਇਆ। ਜਖ਼ਮੀ ਬੱਚਿਆਂ ਨੂੰ ਹਸਪਤਾਲ ਵਿਚ ਭਰਤੀ ਕਰਾਇਆ ਗਿਆ ਹੈ, ਜਦੋਂ ਕਿ ਮ੍ਰਿਤਕ ਬੱਚਿਆਂ ਦੇ ਸਰੀਰ ਐਸਕੇਐਮਸੀਐਚ ਹਸਪਤਾਲ ਵਿਚ ਲਿਆਂਦੇ ਜਾ ਰਹੇ ਹਨ। ਪ੍ਰਸ਼ਾਸਨ ਦਾ ਪੂਰਾ ਸਟਾਫ਼ ਮੌਕੇ 'ਤੇ ਮੌਜੂਦ ਹੈ।
ਜਾਣਕਾਰੀ ਦੇ ਮੁਤਾਬਕ, ਧਰਮਪੁਰ ਮਿਡਲ ਸਕੂਲ ਦੇ ਬੱਚੇ ਛੁੱਟੀ ਹੋਣ ਦੇ ਬਾਅਦ ਸਕੂਲ ਤੋਂ ਨਿਕਲ ਰਹੇ ਸਨ ਕਿ ਸੜਕ ਤੋਂ ਲੰਘ ਰਹੀ ਬੋਲੇਰੋ ਨੇ ਨੌਂ ਬੱਚਿਆਂ ਨੂੰ ਆਪਣੀ ਚਪੇਟ ਵਿਚ ਲੈ ਲਿਆ। ਘਟਨਾ ਹੁੰਦੇ ਹੀ ਹਫੜਾ-ਦਫੜੀ ਮੱਚ ਗਈ। ਸੂਚਨਾ ਮਿਲਦੇ ਹੀ ਆਸਪਾਸ ਦੇ ਲੋਕ ਮੌਕੇ 'ਤੇ ਭੱਜੇ ਅਤੇ ਜਖ਼ਮੀ ਬੱਚਿਆਂ ਨੂੰ ਹਸਪਤਾਲ ਭਿਜਵਾਇਆ। ਉਧਰ, ਸੂਚਨਾ ਮਿਲਦੇ ਹੀ ਬੱਚਿਆਂ ਦੇ ਪਰਿਵਾਰ ਵਾਲੇ ਹਸਪਤਾਲ ਦੇ ਵੱਲ ਭੱਜੇ। ਪਰਿਵਾਰ ਦੀ ਚੀਕ ਪੁਕਾਰ ਨਾਲ ਹਸਪਤਾਲ ਵਿਚ ਕੁਹਰਾਮ ਮੱਚ ਗਿਆ।
