ਸੋਨਾਕਸ਼ੀ ਦਾ ਕਹਿਣਾ ਹੈ ਕਿ ਉਹਨਾਂ ਨੇ ਫੈਸਲਾ ਲੈਣ ਵਿਚ ਦੇਰੀ ਕੀਤੀ ਹੈ ਇਹ ਤਾਂ ਬਹੁਤ ਸਮਾਂ ਪਹਿਲਾਂ ਕਰ ਲੈਣਾ ਚਾਹੀਦਾ ਸੀ।
ਨਵੀਂ ਦਿੱਲੀ: ਅਦਾਕਾਰਾ ਸੋਨਾਕਸ਼ੀ ਸਿਨਹਾ ਨੇ ਅਪਣੇ ਪਿਤਾ ਸ਼ਤਰੂਘਨ ਸਿਨਹਾ ਦੇ ਬੀਜੇਪੀ ਛੱਡ ਕੇ ਕਾਂਗਰਸ ਵਿਚ ਜਾਣ ਦੇ ਮਸਲੇ ਤੇ ਉਹਨਾਂ ਨਿਜੀ ਮਾਮਲਾ ਦੱਸਿਆ ਹੈ। ਸੋਨਾਕਸ਼ੀ ਸਿਨਹਾ ਨੂੰ ਜਦੋਂ ਇਸ ਪੁਛਿਆ ਗਿਆ ਤਾਂ ਉਸਨੇ ਕਿਹਾ ਕਿ ਇਹ ਉਹਨਾਂ ਦੀ ਪਸੰਦ ਹੈ। ਮੇਰਾ ਮੰਨਣਾ ਹੈ ਕਿ ਜੇਕਰ ਤੁਹਾਨੂੰ ਕਿਤੇ ਖੁਸ਼ੀ ਨਹੀਂ ਮਿਲਦੀ ਤਾਂ ਕੁਝ ਬਦਲਾਅ ਲਿਆਉਣਾ ਚਾਹੀਦਾ ਹੈ। ਉਸ ਨੇ ਇਹ ਵੀ ਕਿਹਾ ਕਿ ਮੈਂ ਉਮੀਦ ਕਰਦੀ ਹਾਂ ਕਿ ਕਾਂਗਰਸ ਨਾਲ ਉਹ ਹੋਰ ਵਧੀਆ ਕੰਮ ਕਰਨਗੇ ਅਤੇ ਅਲੱਗ ਥਲੱਗ ਨਹੀਂ ਲੜਨਗੇ।
Shatrughan Sinha and Sonakshi Sinha
ਸੋਨਾਕਸ਼ੀ ਨੇ ਅੱਗੇ ਕਿਹਾ ਕਿ ਜੈਪ੍ਰਕਾਸ਼ ਨਾਰਾਇਣ, ਅਟਲ ਜੀ ਅਤੇ ਆਡਵਾਣੀ ਜੀ ਦੇ ਸਮੇਂ ਤੋਂ ਪਾਰਟੀ ਦੇ ਮੈਂਬਰ ਹੋਣ ਦੇ ਨਾਤੇ ਮੇਰੇ ਪਿਤਾ ਦਾ ਪਾਰਟੀ ਵਿਚ ਬਹੁਤ ਆਦਰ ਹੈ ਪਰ ਮੈਨੂੰ ਲਗਦਾ ਹੈ ਕਿ ਪੂਰੇ ਗਰੁਪ ਨੂੰ ਆਦਰ ਨਹੀਂ ਦਿੱਤਾ ਗਿਆ ਜਿਸ ਦੇ ਉਹ ਹੱਕਦਾਰ ਸੀ। ਮੈਨੂੰ ਲਗਦਾ ਹੈ ਕਿ ਉਹਨਾਂ ਨੇ ਫੈਸਲਾ ਲੈਣ ਵਿਚ ਦੇਰੀ ਕੀਤੀ ਹੈ ਇਹ ਤਾਂ ਬਹੁਤ ਸਮਾਂ ਪਹਿਲਾਂ ਕਰ ਲੈਣਾ ਚਾਹੀਦਾ ਸੀ।
Sonakshi Sinha on her father Shatrughan Sinha leaving BJP & joining Congress: It’s his choice. I think if you're not happy somewhere you must bring a change & that’s what he did. I hope in this new association with Congress, he'll be able to do more good work¬ feel suppressed. pic.twitter.com/zlILmwMGi1
— ANI (@ANI) 30 March 2019
ਦੱਸ ਦਈਏ ਕਿ ਦਿੱਗਜ ਨੇਤਾ ਸ਼ਤਰੂਘਨ ਸਿਨਹਾ ਭਾਰਤੀ ਜਨਤਾ ਪਾਰਟੀ ਨੂੰ ਛੱਡ ਕੇ ਕਾਂਗਰਸ ਵਿਚ ਜਾਣ ਦੀ ਤਿਆਰੀ ਕਰ ਚੁੱਕੇ ਹਨ। ਮਿਲੀ ਜਾਣਕਾਰੀ ਮੁਤਾਬਕ ਸ਼ਤਰੂਘਨ ਸਿਨਹਾ ਦਾ ਕਹਿਣਾ ਹੈ ਕਿ ਮੈਂ ਤਾਂ ਬਸ ਸ਼ੀਸ਼ਾ ਵਿਖਾ ਰਿਹਾ ਸੀ। ਮੈਂ ਪਾਰਟੀ ਨੂੰ ਨਹੀਂ ਛੱਡਿਆ ਪਾਰਟੀ ਨੇ ਮੈਨੂੰ ਛੱਡਿਆ ਹੈ। ਅਡਵਾਨੀ, ਜੋਸ਼ੀ ਸਾਰੇ ਇਸ ਵਿਚ ਫਸੇ ਹੋਏ ਹਨ ਕਿ ਕੀ ਸਹੀ ਹੈ ਤੇ ਕੀ ਗਲਤ।
ਸ਼ਤਰੂਘਨ ਸਿਨਹਾ ਨੇ ਕਿਹਾ ਕਿ ਪਿਛਲੀਆਂ ਚੋਣਾਂ ਵਿਚ ਉਹ ਮੋਦੀ ਦੀ ਲਹਿਰ ਕਾਰਨ ਨਹੀਂ ਜਿੱਤੇ ਸਨ। ਪਰ ਇਸ ਵਾਰ ਮੋਦੀ ਦੇ ਕਹਿਰ ਦਾ ਮਾਹੌਲ ਹੈ। ਉਹਨਾਂ ਕਿਹਾ ਕਿ ਆਰਜੇਡੀ-ਕਾਂਗਰਸ ਵਿਚ ਗੜਬੜੀ ਹੋਈ ਤਾਂ ਉਹ ਪੁਲ ਦਾ ਕੰਮ ਕਰਨਗੇ।
ਰਾਹੁਲ ਗਾਂਧੀ ਨਾਲ ਮੁਲਾਕਾਤ ਤੋਂ ਬਾਅਦ ਸ਼ਤਰੂਘਨ ਸਿਨਹਾ ਨੇ ਕਿਹਾ ਕਿ ਰਾਹੁਲ ਗਾਂਧੀ ਮੇਰੇ ਤੋਂ ਛੋਟੇ ਹਨ ਪਰ ਦੇਸ਼ ਦੇ ਬਹੁਤ ਚਹੇਤੇ, ਜਵਾਨ ਤੇ ਲਾਡਲੇ ਨੇਤਾ ਹਨ। ਅੱਜ ਦੇਸ਼ ਦੀ ਨਜ਼ਰ ਰਾਹੁਲ ਗਾਂਧੀ ਤੇ ਟਿਕੀ ਹੋਈ ਹੈ। ਰਾਹੁਲ ਗਾਂਧੀ, ਉਸਦੇ ਪਰਿਵਾਰ ਗਾਂਧੀ-ਨਹਿਰੂ ਪਰਿਵਾਰ ਦਾ ਮੈਂ ਬਹੁਤ ਵੱਡਾ ਸਮਰਥਕ ਅਤੇ ਪ੍ਰਸ਼ਾਸ਼ਕ ਹਾਂ। ਮੈਂ ਉਹਨਾਂ ਦੀ ਹਮੇਸ਼ਾ ਇੱਜ਼ਤ ਕਰਦਾ ਹਾਂ। ਉਹਨਾਂ ਖਿਲਾਫ ਕਦੇ ਗਲਤ ਨਹੀਂ ਬੋਲਦਾ।
