'ਖਾਲਸਾ ਏਡ' ਨੇ ਪੀੜਤ ਲੋਕਾਂ ਨੂੰ 6,000 ਲੀਟਰ ਤੋਂ ਜ਼ਿਆਦਾ ਪਾਣੀ ਕੀਤਾ ਮੁਹਈਆ
ਮਹਾਰਾਸ਼ਟਰ- ਦੁਨੀਆ ਦੇ ਵੱਖ-ਵੱਖ ਹਿੱਸਿਆਂ ਵਿਚ ਪਾਣੀ ਦੀ ਕਮੀ ਨਾਲ ਵਾਤਾਵਰਨ ਤਹਸ ਨਹਸ ਹੋ ਗਿਆ ਹੈ। ਭਾਰਤ ਵਿਚ ਹਰ ਸਾਲ ਮਹਾਰਾਸ਼ਟਰ ਦੇ ਕੁੱਝ ਇਲਾਕਿਆਂ ਵਿਚ ਪਾਣੀ ਦਾ ਭਿਆਨਕ ਸੰਕਟ ਆਉਂਦਾ ਹੈ। ਇਸ ਸਮੇਂ ਅੱਧਾ ਸੂਬਾ ਪਾਣੀ ਦੀ ਕਮੀ ਮਹਿਸੂਸ ਕਰ ਰਿਹਾ ਹੈ। ਇਨ੍ਹਾਂ ਲੋਕਾਂ ਦੀ ਮਦਦ ਕਰਨ ਲਈ ਵਿਸ਼ਵ ਸਿੱਖ ਸੰਸਥਾ 'ਖਾਲਸਾ ਏਡ' ਅੱਗੇ ਆਈ ਹੈ। ਹੁਣ, ਮਹਾਰਾਸ਼ਟਰ ਵਿਚ ਲੋਕ ਭਿਆਨਕ ਸੋਕੇ ਦਾ ਸਾਹਮਣਾ ਕਰ ਰਹੇ ਹਨ।
'Khalsa Aid' standing with people suffering from drought in Maharashtra
ਲੱਗਭੱਗ ਅੱਧਾ ਸੂਬਾ ਸੁੱਕ ਗਿਆ ਹੈ। ਜਿਵੇਂ-ਜਿਵੇਂ ਲੋਕ ਗੰਭੀਰ ਹਾਲਾਤਾਂ ਨਾਲ ਜੂਝਦੇ ਹਨ, 'ਖਾਲਸਾ ਏਡ' ਦੇ ਮੈਂਬਰ ਮਦਦ ਲਈ ਹੱਥ ਵਧਾ ਰਹੇ ਹਨ ਅਤੇ ਉਨ੍ਹਾਂ ਨੂੰ ਹੌਂਸਲਾ ਦੇ ਰਹੇ ਹਨ। ਹਰ ਸਾਲ ਗਰਮੀ ਦੇ ਮੌਸਮ ਵਿਚ ਮਹਾਰਾਸ਼ਟਰ ਦੇ ਵਿਦਰਭ, ਮਰਾਠਵਾੜਾ ਅਤੇ ਲਾਤੂਰ ਵਰਗੇ ਇਲਾਕਿਆਂ ਵਿਚ ਪਾਣੀ ਦਾ ਕਾਲ ਪੈ ਜਾਂਦਾ ਹੈ। ਲੱਗਭੱਗ 22 ਲੱਖ ਲੋਕ ਪਾਣੀ ਲਈ ਤਰਸਣ ਲੱਗਦੇ ਹਨ।
'Khalsa Aid' standing with people suffering from drought in Maharashtra
ਭਾਰਤੀ ਮੌਸਮ ਵਿਭਾਗ ਦੇ ਅਨੁਸਾਰ, ਮਾਨਸੂਨ ਹਾਲੇ ਵੀ ਇੱਕ ਮਹੀਨੇ ਦੂਰ ਹੈ। ਇਨ੍ਹਾਂ ਹਲਾਤਾਂ ਵਿਚ ਲੋਕਾਂ ਦੀ ਮਦਦ ਕਰਨ ਲਈ 'ਖਾਲਸਾ ਏਡ' ਦੀ ਟੀਮ ਨਾਸੀਕ ਪਹੁੰਚੀ ਹੈ। ਦੱਸ ਦਈਏ ਕਿ ਹੁਣ ਤੱਕ 'ਖਾਲਸਾ ਏਡ' ਲੋਕਾਂ ਨੂੰ 6,000 ਲਿਟਰ ਤੋਂ ਜ਼ਿਆਦਾ ਪਾਣੀ ਮੁਹਈਆ ਕਰਵਾ ਚੁੱਕੀ ਹੈ। ਵਾਲੰਟੀਅਰ ਪਾਣੀ ਪਹੁੰਚਾਉਣ ਦੇ ਨਾਲ ਹੀ ਪਿੰਡ ਦੇ ਖੂਹਾਂ ਨੂੰ ਵੀ ਸਾਫ਼ ਕਰ ਰਹੇ ਹਨ।
'Khalsa Aid' standing with people suffering from drought in Maharashtra
ਇਸ ਤੋਂ ਪਹਿਲਾਂ 2016 ਵਿਚ ਵੀ 'ਖਾਲਸਾ ਏਡ' ਦੇ ਮੈਂਬਰ ਲਾਤੂਰ ਪਹੁੰਚ ਕੇ ਲੋਕਾਂ ਨੂੰ ਪਾਣੀ ਪਹੁੰਚਾਉਣ ਦਾ ਕੰਮ ਕਰ ਚੁੱਕੇ ਹਨ। ਖਾਲਸਾ ਏਡ ਦੀ ਟੀਮ ਸਮੇਂ-ਸਮੇਂ 'ਤੇ ਆਫ਼ਤ ਅਤੇ ਸੰਕਟ ਨਾਲ ਜੂਝ ਰਹੇ ਲੋਕਾਂ ਦੀ ਮਦਦ ਲਈ ਪਹੁੰਚੀ ਹੈ। ਇਸ ਤੋਂ ਪਹਿਲਾਂ ਕੇਰਲ ਵਿਚ ਆਏ ਹੜ੍ਹ,ਤਮਿਲਨਾਡੁ ਵਿਚ ਤੂਫਾਨ ਅਤੇ ਹਾਲ ਹੀ ਓਡੀਸ਼ਾ ਵਿਚ ਆਏ ਵੱਡੇ ਤੂਫਾਨ ਨਾਲ ਪੀੜਤ ਲੋਕਾਂ ਦੀ ਮਦਦ ਕਰ ਚੁਕੀ ਹੈ।
'Khalsa Aid' standing with people suffering from drought in Maharashtra
'ਖਾਲਸਾ ਏਡ' ਸੰਸਥਾ ਦੇ ਮੈਬਰਾਂ ਨੇ ਆਫ਼ਤ ਨਾਲ ਪ੍ਰਭਾਵਿਤ ਲੋਕਾਂ ਨੂੰ ਭੋਜਨ ਅਤੇ ਕੱਪੜੇ ਵੀ ਵੰਡੇ ਹਨ। ਕੁਦਰਤੀ ਸੰਸਾਧਨਾਂ ਦੀ ਬਰਬਾਦੀ ਰੋਕਣ ਦੀ ਕੋਸ਼ਿਸ਼ ਪਤਾ ਨਹੀਂ ਕਦੋਂ ਰੁਕੇਗੀ ਅਤੇ ਕਦੋਂ ਸੋਕੇ ਤੋਂ ਪ੍ਰਭਾਵਿਤ ਲੋਕਾਂ ਨੂੰ ਰਾਹਤ ਮਿਲੇਗੀ ਪਰ 'ਖਾਲਸਾ ਏਡ' ਇਨਸਾਨੀਅਤ ਦੀ ਇੱਕ ਜਿਉਂਦੀ ਜਾਗਦੀ ਮਿਸਾਲ ਹੈ ਜੋ ਹਰ ਘੜੀ ਦੁਖੀਆਂ ਦੀ ਮਦਦ ਲਈ ਅੱਗੇ ਹੈ।
