- ਕਿਹਾ ਕਿ ਬੰਗਾਲ ਦੀਦੀ ਦੇ ਹੱਥਾਂ ਵਿਚ ਹੀ ਸਰੁੱਖਿਅਤ ਹੈ।
ਕਲਕੱਤਾ , ਪੱਛਮੀ ਬੰਗਾਲ, (ਚਰਨਜੀਤ ਸਿੰਘ ਸੁਰਖਾਬ ) : ਕਲਕੱਤਾ ਨਿਵਾਸੀਆਂ ਨੇ ਦਿਲ ਖੋਲ੍ਹ ਕਿ ਦੀਦੀ ਦਾ ਸਮਰਥਨ ਕਰਦਿਆਂ ਕਿਹਾ ਕਿ ਬੰਗਾਲ ਦੀ ਧੀ ਹੀ ਬੰਗਾਲ ਦੇ ਲੋਕਾਂ ਦਾ ਧਿਆਨ ਰੱਖ ਸਕਦੀ ਹੈ । ਉਨ੍ਹਾਂ ਕਿਹਾ ਕਿ ਬੰਗਾਲ ਦੀਦੀ ਦੇ ਹੱਥਾਂ ਵਿਚ ਹੀ ਸਰੁੱਖਿਅਤ ਹੈ। ਕਲਕੱਤਾ ਨਿਵਾਸੀਆਂ ਨੇ ਸਪੋਕਸਮੈਨ ਨਾਲ ਵਿਸ਼ੇਸ਼ ਗੱਲਬਾਤ ਕਰਦਿਆਂ ਕਿਹਾ ਕਿ ਮਮਤਾ ਦੀਦੀ ਦਾ ਸ਼ਾਸਨ ਕਾਲ ਪਹਿਲਾਂ ਹੀ ਚੰਗਾ ਸੀ ਤੇ ਆਉਣ ਵਾਲੇ ਸਮੇਂ ਵਿੱਚ ਵੀ ਮਮਤਾ ਦੀਦੀ ਹੀ ਪੱਛਮੀ ਬੰਗਾਲ ‘ਤੇ ਰਾਜ ਕਰੇਗੀ।
photoਕਲਕੱਤਾ ਸ਼ਹਿਰ ਨਿਵਾਸੀਆਂ ਨੇ ਸਪੋਕਸਮੈਨ ਨਾਲ ਵਿਸ਼ੇਸ਼ ਗੱਲਬਾਤ ਕਰਦਿਆਂ ਕਿਹਾ ਕਿ ਕੇਂਦਰ ਸਰਕਾਰ ਪੱਛਮੀ ਬੰਗਾਲ ਦੇ ਲੋਕਾਂ ਨੂੰ ਨਹੀਂ ਸਮਝ ਸਕਦੀ ਕਿਉਂਕਿ ਇਹ ਬਾਹਰੋਂ ਆਏ ਹੋਏ ਲੋਕ ਹਨ । ਉਨ੍ਹਾਂ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਪੱਛਮੀ ਬੰਗਾਲ ਦੇ ਲੋਕਾਂ ਨੂੰ ਝੂਠ ਬੋਲ ਰਿਹਾ ਹੈ। ਦੇਸ਼ ਦੇ ਲੋਕ ਗਰੀਬੀ ਦੀ ਚੱਕੀ ਵਿਚ ਪਿਸ ਰਹੇ ਹਨ ਕੋਂਦਰ ਸਰਕਾਰ ਇਸ ਨੂੰ ਵਿਕਾਸ ਦੱਸ ਰਹੀ ਹੈ।
photoਸ਼ਹਿਰ ਨਿਵਾਸੀਆਂ ਨੇ ਕਿਹਾ ਕਿ ਭਾਰਤੀ ਜਨਤਾ ਪਾਰਟੀ ਦੇਸ਼ ਵਿੱਚ ਧਰੁਵੀਕਰਨ ਦੀ ਰਾਜਨੀਤੀ ਕਰ ਰਹੀ ਹੈ, ਇਸ ਲਈ ਬੰਗਾਲ ਦੇ ਲੋਕ ਭਾਰਤੀ ਜਨਤਾ ਪਾਰਟੀ ਦੇ ਉਮੀਦਵਾਰਾਂ ਨੂੰ ਮੂੰਹ ਨਹੀਂ ਲਾਉਣਗੇ । ਉਨ੍ਹਾਂ ਕਿਹਾ ਕਿ ਪੱਛਮੀ ਬੰਗਾਲ ਦੇ ਲੋਕ ਬੀਜੇਪੀ ਦੀ ਧਰਮ ਵਾਲੀ ਰਾਜਨੀਤੀ ਨੂੰ ਪਸੰਦ ਨਹੀਂ ਕਰਦੇ ।
photoਉਨ੍ਹਾਂ ਕਿਹਾ ਕਿ ਕੇਂਦਰ ਸਰਕਾਰ ਵਿੱਚ ਭਾਰਤੀ ਜਨਤਾ ਪਾਰਟੀ ਨੂੰ ਆਏ ਹੋਏ ਸੱਤ ਸਾਲ ਹੋ ਗਏ ਪਰ ਦੇਸ਼ ਦੇ ਲੋਕਾਂ ਦਾ ਕੁਝ ਨਹੀਂ ਸੰਵਾਰ ਸਕੀ । ਉਨ੍ਹਾਂ ਕਿਹਾ ਕਿ ਦੇਸ਼ ਵਿਚ ਮਹਿੰਗਾਈ ਲੱਕ ਤੋੜਵੀਂ ਹੋ ਗਈ ਹੈ , ਕੇਂਦਰ ਸਰਕਾਰ ਦੇ ਲੀਡਰ ਅਜੇ ਦੀ ਮਹਿੰਗਾਈ ਘੱਟ ਹੋਣ ਦੀ ਝੂਠ ਬੋਲ ਰਹੇ ਹਨ।
